مادەنيەت • 06 شىلدە, 2024
نەشە مىڭ جىل ەشكىنىڭ اششى ىشەگىمەن سويلەپ كەلگەن دومبىرا حح عاسىردىڭ قىرقىنشى جىلدارىنان بەرى اۋعاندا ءوزىن-ءوزى تانىماي قالعان شىعار, بالكىم. باياعىدا ءبىر ادامنىڭ جۇرەگىن الماستىرعاندا, باسقا تىلدە سويلەپ كەتتى دەگەندى ەستىگەنمىن. مىڭ جىل بويى مالدىڭ ىشەگى ارقىلى كۇمبىرلەگەن دومبىرا بەرتىندە بالىق اۋلايتىن قارماقتىڭ ءجىبى (لەسكا) سالىنعاندا, كىم بىلەدى, اشتىق پەن قىرعىننان توزعان ءوز قازاعى سياقتى «ايتەۋىر ەلدىڭ ىشىندەمىن عوي» دەپ ساۋلىعىنا شۇكىرشىلىك ەتىپ جەتتى بۇگىنگە. بۇرىنعى بالبىراعان قوڭىر ۇنىنەن ماقرۇم ءبىز بارعا قاناعات تۇتا ءجۇرىپ, توتەننەن تابيعي ىشەكتەن شىققان ۇنمەن تابىسقاندا وسىنداي ويعا كەلدىك.
مادەنيەت • 06 شىلدە, 2024
دومبىرا كۇنى ۇلتتىق مەرەكە دەگەندە, ارينە, كوزىقاراقتى قازاق بەيجاي قالا المايدى. قازاقتىڭ رۋحىنا بالاناتىن قاسيەتتى اسپاپپەن بىرگە وسكەن, جاستايىنان جانىنان ءبىر ەلى الىستاتپاعان دومبىراشى, كۇيشىلەرمەن پىكىرلەسىپ, سوزىنە قۇلاق ءتۇرۋ – كوڭىلى وياۋدىڭ ادەتى ەكەنى وتىرىك ەمەس. ءبىز اراگىدىك قالانىڭ قاربالاسىنان جالىعا باستاعاندا, كۇيگە قۇلاق تۇرەمىز نەمەسە كۇيشىنىڭ وزىنە ءوتىنىپ بارىپ, كۇيى مەن اڭگىمەسىن قوسا تىڭداپ, راحاتقا باتامىز. سول ادەتىمىزبەن جاقىندا روزا باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ جەكە ورىنداۋشىسى, بەلگىلى كۇيشى قايرات ايتبايمەن سويلەسىپ قايتقانبىز. كوكەيدە قالعان كەيبىر ۇنامدى ويلارىن ءبولىسۋدى ءجون كوردىك.
مادەنيەت • 06 شىلدە, 2024
سەگىز شارشى مەتر. ۇيدەگى شاعىن شەبەرحانا. ۇياداي بولمە. وتىز جىل بولدى. شەبەر امانجان سادۋاقاسوۆ وسى جەردە ءۇش مىڭداي دومبىرا شاپتى. قولداۋ كورسەتىلسە شاعىن تسەحتى كەڭەيتىپ, قاستەرلى ونەردى وزگەلەرگە دە ۇيرەتەر ەدىم دەيدى. الايدا ول الىستاعى ارمان-اۋ. ويتكەنى مۇنى ءوتىنىپ جۇرگەنىنە قانشا جىل بولدى, قايىرىلعان ادام جوق. «دومبىرا كۇنى بالەنباي دومبىراشى كۇي تارتتى دەگەن سەكىلدى سوزدەر ناۋقاندىق سيپات الىپ بارادى», دەيدى شەبەر.
مادەنيەت • 06 شىلدە, 2024
بيىلعى شىلدە ءبىز ءۇشىن حالىقارالىق جانە ەلدىك ەلەۋلى كوڭىل-كۇيدەن باستالدى. شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ جيىنى الەمدىك ابىرويىمىزدى ارتتىردى. جاھاندىق تاتۋلىق پەن سۇحباتتاستىققا جول اشاتىن استانا دەكلاراتسياسى كەيىنگى جىلدارداعى بەيداۋا قاۋىپ-قاتەر مەن داعدارىستى رەتتەۋگە ىقپال ەتەدى دەگەن ءۇمىتىمىز زور. ەڭ باستىسى, شىۇ-عا توراعا بولعان قازاقستاننىڭ ۇيلەستىرۋىمەن, جەتەكشىلىگىمەن دۇنيەجۇزىندەگى 3,5 ميلليارد حالىقتى قۇرايتىن مەملەكەتتەر باسشىلارى وسىنداي پاتۋاعا كەلىپ وتىر. مەملەكەت باسشىسى قاسىم-جومارت توقاەۆ حالىقارالىق قۇرىلىمدى «سىن-قاتەرلەرگە توتەپ بەرەتىن مەيلىنشە ءتيىمدى ۇيىمعا اينالدىرۋ» ماسەلەسىن دەر كەزىندە كوتەرىپ, قولداۋ تاپتى. بۇل رەتتە حالقىمىزدىڭ «پەيىلىڭدى كەڭگە سال, قىرمانىڭدى دوڭگە سال» دەگەن دانالىعى ەسكە تۇسەدى. ونىڭ ارعى جاعىنان شىعىس شايىرى رۋداكيدىڭ «اقىلدى تاتۋلىققا, اقىماق قاتۋلىققا ۇمتىلادى» دەگەن ويى اڭعارىلادى. استانا تورىندە شىۇ-نىڭ 2035 جىلعا دەيىنگى دامۋ ستراتەگياسىنىڭ قابىلدانۋى جانە ەلارالىق تۇراقتىلىققا ارقاۋ سان سالانى قامتىعان 20-دان اسا قۇجاتقا قول قويىلۋى – سارابدال پەيىل مەن ەلشىل ماڭداي تەردىڭ ارقاسى. ەندى ۇيىم كەڭىستىگى كەڭەيە بەرەتىنى ايقىندالدى.
زاڭ • 05 شىلدە, 2024
جاڭا تۋعان نارەستەلەردى ساتۋعا توسقاۋىل قوياتىن باپ ەنگىزىلدى
مەملەكەت باسشىسى «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە ادام ساۋداسىنا, ۆانداليزم كورىنىسىنە جانە بوتەننىڭ مۇلكىن بۇلدىرۋگە قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى, دەپ جازادى Egemen.kz.
