ايماقتار • 27 ماۋسىم, 2019
ستۋدەنتتەر قان تاپسىرۋ ارقىلى كومەكتەسۋدە
ارىسقا قان تاپسىرۋ ارقىلى كومەكتەسىپ جاتقاندار دا بار. بۇل تۋرالى «قازاقستان ستۋدەنتتەر اليانسى» رەسپۋبليكالىق ستۋدەنتتىك قوزعالىسى» قوعامدىق بىرلەستىگىنىڭ پرەزيدەنتى ءىلياس تۇستىكباەۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا مالىمدەدى.
ايماقتار • 27 ماۋسىم, 2019
«سويىل كۇشىن باسقا تۇسكەن بىلەدى» دەگەندەي, ارىستاعى اۋىرتپالىقتىڭ احۋالىن, ارينە ارىستىقتاردان ارتىق ەشكىم سەزىنبەگەن بولار. دەسە دە, كۇللى ەل بولىپ, كومەك قولىن سوزىپ جاتقان تۇستا قامىققاننىڭ جۇباناتىنى, تارىققاننىڭ قۋاناتىنى انىق. حالقىمىز دا «ورنىندا بار وڭالار» دەمەي مە؟! سوندىقتان بۇل كۇندە «ارىس, ءبىز بىرگەمىز» جالپىۇلتتىق اكتسياسى اياسىندا قازاقستاندىقتار ايانىپ قالىپ جاتقان جوق. قولدارىنان كەلگەن كومەكتى كورسەتىپ, ءبىرى قارجىلاي, ءبىرى زاتتاي جىلى كوڭىلمەن جىلۋعا ۇلەس قوسقان اعايىننىڭ اۋىزبىرلىگىنە قاراپ وتىرىپ, قانداي قيىندىققا دا قارسى تۇرۋعا بولاتىنىن باعامدادىق. ەل ەكەنىمىزدى, بىرىكسەك بىزدەن قۋاتتى كۇش, بىزدەن مەيىرىمدى قاۋىم بولمايتىنىن بايقاتتىق. وسى ورايدا تىلشىلەرىمىز ەل ءوڭىرلەرىنەن ارىستى بەتكە العان گۋمانيتارلىق كەرۋەنگە قولداۋ كورسەتۋشىلەردىڭ كوبەيە تۇسكەنىن حابارلاپ وتىر.
قوعام • 27 ماۋسىم, 2019
بىرلىگىمىزدىڭ ۇيىتقىسى – يماندىلىق
نەبىر زۇلماتتارعا دۋشار بولىپ, جويىلىپ كەتۋ قاۋپىمەن تالاي مارتە بەتپە-بەت كەلگەن ۇلتىمىزدىڭ ەلدىگىن ساقتاپ, تۋىن جىقپاي, امان-ەسەن كەلە جاتقانىنىڭ باستى سىرى حالقىمىزدىڭ يسلام ءدىنىنىڭ ناعىز وزەگى – قايىرىمدىلىق قاعيداتتارى مەن ادامگەرشىلىك قاسيەتتەردى باستى ۇستانىم ەتۋىندە دەپ سەنىممەن ايتۋعا بولادى.
قوعام • 27 ماۋسىم, 2019
قۋانسا, انا قۋانسىن, قۋانسا, بالا قۋانسىن!
«جاقسىنىڭ ءوزى دە جاقسى, ءسوزى دە جاقسى» دەگەندەي, مەملەكەت باسشىسى قاسىم-جومارت توقاەۆتىڭ ەل ازاماتتارىنىڭ بورىش جۇكتەمەسىن ازايتۋ تۋرالى جارلىعى بارشا قازاقستاندىقتاردى قۋانتقان, اسىرەسە بالالارىن جەتكىزۋ, ەمدەتۋ جولىندا تۇرمىس تاۋقىمەتىمەن باسىنا تارتقان كورپەسى اياعىنا جەتپەي, كوز جاسىن بۇلاپ جۇرگەن اتا-انالارعا ايتارلىقتاي دەمەۋ بەرىپ, كوڭىلدەرىن جادىراتقانداي بولدى. ءيا, قۋانسا, انا قۋانسىن! قۋانسا, بالا قۋانسىن! البەتتە, «قۇدىعىنا قاراي قاۋعاسى, بازارىنا قاراي ساۋداسى» بولعان نارىق زامانىندا نەسيەسىز تىرشىلىك ەتۋ دە وڭاي ەمەس. سوندىقتان پرەزيدەنتتىڭ بۇل پارمەنى حالىقتىڭ الەۋمەتتىك توبىنا قارىزدى پۇلسىز بەرىپ, قۇنسىز العانداي وتە قولايلى تيگەنى جاسىرىن ەمەس. ياعني كوپ بالالى, اسىراۋشىسىنان ايرىلۋ جاعدايىنا بايلانىستى تولەم الاتىن, مۇگەدەك بالالارى بار جانە اتاۋلى الەۋمەتتىك كومەك الاتىن وتباسىلار مەن اتا-اناسىنان ايرىلعان جانە اتا-انا قامقورلىعىنسىز قالعان بالالاردىڭ 300 مىڭ تەڭگەگە دەيىنگى تۇتىنۋشىلىق بەرەشەگى كەشىرىلمەك. بۇل – قوعام تاراپىنان «الەۋمەتتىك قامقورلىق» باعدارلاماسى اياسىنداعى مەملەكەتتىڭ قولداۋىن كەشەندى ەتە تۇسەتىن ىزگى قادام رەتىندە باعالانىپ وتىر.
پرەزيدەنت • 27 ماۋسىم, 2019
پرەزيدەنت قازاقستان مەديا اليانسىنىڭ باسقارما توراعاسى ا.بايتاسوۆتى قابىلدادى
بۇل تۋرالى پرەزيدەنت ءوزىنىڭ تۆيتتەر پاراقشاسىندا جازدى.
