ايماقتار • 05 مامىر, 2020
قالا كوركى – ساپالى ينفراقۇرىلىم
جەتەكشى ەلدەردىڭ ەكونوميكالىق الەۋەتى كوبىنە ءىرى مەگاپوليستەردە شوعىرلانعان. الەمدىك ىشكى جالپى ءونىمنىڭ 70 پايىزدان استامى دا جاھاندىق قالالاردا تۇزىلەدى. ال قازاقستاندا ميلليوننان استام تۇرعىنى بار قالالاردىڭ ينفراقۇرىلىمى كاسىپورىندار مەن تۇرعىنداردىڭ جەدەل ءوسىپ كەلە جاتقان سۇرانىسىنا ساي كەلمەي تۇر. اسىرەسە اۆتوجولدار زامان تالابىنا سايكەس كەلمەدى. ولاي بولسا ەندىگى جۇمىس – وڭىرلىك جانە قالالىق ينفراقۇرىلىمدى جۇيەلى تۇردە دامىتۋ. وسىعان وراي بيىل شىمكەنتتە جول جوندەۋ جۇمىستارىنا قازىنادان 25 ملرد تەڭگەدەن استام قارجى بولىنگەن. جەرگىلىكتى اكىمدىك قازىنا قازانىنان الىنعان قاراجاتتىڭ ەسەبىنەن قالاداعى اۆتوجولدار مەن ىشكى ورامدىق كوشەلەردىڭ جىرتىعىن جاماپ, جول سالىنباعان جەرلەرگە جاڭاسىن توسەيدى.
قوعام • 05 مامىر, 2020
داۋاسىز دەرتتىڭ دۇربەلەڭى باسىلماي تۇرعان قازىرگى ۋاقىتتا جۇرتتىڭ داۋ-دامايعا بوي الدىرماي, بارىنشا ىمىراشىل بولعانى ماڭىزدى. دەسە دە بىلايعى كۇندە ءبىر-بىرىنە دەس بەرمەي, باسىنان داۋى ارىلماي جۇرگەندەردىڭ قاراسى قىسىلتاياڭ شاقتا دا سەيىلەر ەمەس. وندايلارعا ورايى كەلىپ, سوتتىڭ ونلاينعا كوشكەنى وڭدى بولدى.
ساياسات • 05 مامىر, 2020
بىلايعى كۇندە دە پارامەن بىلعانعاندارى ازداي, قازىرگى سىن ساعاتتا پايدا تاۋىپ قالعىسى كەلەتىن سۇعاناق قولدىلار كەزدەسىپ جاتىر. سىبايلاس جەمقورلىققا قارسى قىزمەت توتەنشە جاعدايدى وڭاي ولجانىڭ توتە جولىنداي كورىپ, كارانتين كەزىندە «كەدەرگىسىز قوزعالىستى» قامتاماسىز ەتكەندەردى اشكەرەلەدى.
قوعام • 05 مامىر, 2020
قىزىل كۇرەڭنىڭ كۇرمەۋى شەشىلە مە؟
تورعاي اۋىلىنىڭ تۇرعىنى جاراسباي مۇقاتوۆ ءبىر جارىم جىل بۇرىن ۇرلانىپ, كەيىن تابىلعان جىلقىسىنا كۇنى بۇگىنگە دەيىن قول جەتكىزە الماي ءجۇر. «2018 جىلعى 10 قاراشا كۇنى بيەمدى بالام ىزدەپ تاپتى. قالام-قاراسۋ اۋىلىنىڭ تۇرعىنى دۇيسەنباي قويباعاروۆتىڭ 17 باس جىلقىسىنىڭ ىشىندە ءجۇر ەكەن. اۋىلدان حابارىڭ بار ما, جوق پا, ءبىز جاقتا ءۇيىردى ادامنىڭ ورنىنا ايعىر باعادى. قىزىل كۇرەڭ توبەلىمدى بوتەن ايعىر ءوز ۇيىرىنە قوسىپ الىپتى. ەندى د.قويباعاروۆ وزىمدىكى دەپ جىلقىنى بەرمەي وتىر» دەگەن قاريا پوليتسياعا دا, پروكۋراتۋراعا دا شاعىمدانعانىن, بىراق ءالى كۇنگە دەيىن ەش ناتيجە بولماعانىن ايتتى. ادەتتە اۋىل اراسىندا وپ-وڭاي شەشىلە سالاتىن بولماشى عانا داۋ اسقىنىپ, كۇرمەۋى قيىن ماسەلەگە اينالدى.
ايماقتار • 05 مامىر, 2020
فەرمالاردا كادردىڭ قادىرى ارتىپ تۇر
كەڭەستىك كەزەڭدە ارناۋلى جانە جوعارى وقۋ ورىندارىن بىتىرگەن اۋىلشارۋاشىلىق ماماندارى سالالىق قۇرىلىمدارعا جولداما بويىنشا جىبەرىلەتىن. سوندىقتان دا سوتسياليستىك جۇيە بويىنشا قۇرىلعان سوۆحوزدار مەن كولحوزدار زووتەحنيك-سەلەكتسيونەر, ۆەتەرينار, اگرونوم, ينجەنەر-مەحانيك سەكىلدى مامانداردان اسا ءبىر زارۋلىك كورە قويمايتىن.
