رۋحانيات • 30 ناۋرىز, 2022
كوركەمونەردە سەزىم مەن وي ءرويالدىڭ تىلىندەي جىمداسىپ, قوبىزدىڭ قوس پەرنەسىندەي ءبىر-بىرىمەن جۇپتاسىپ, جۇرەك قانتامىرىن قوزعاماسا ەسىگىن تارس جاۋىپ الادى. قالاي قاقساڭىز دا ول قاقپا وڭايلىقپەن اشىلمايدى. وندا جانىڭىزدى ساتقىندىقتان, وپاسىزدىقتان, جالعىزدىقتان تازارتاتىن ەنەرگيا بار. ەگەر ادام جۇرەگىمەن تىلدەسكىڭىز كەلسە, مۋزىكا تىڭداڭىز! ءاننىڭ دە ءوز ءتىلى, ءوز تاعدىر-سۇرلەۋى بولادى.
رۋحانيات • 30 ناۋرىز, 2022
كەز كەلگەن ونەر يەسىنىڭ سوڭىنان اۋەلى اڭىز ەرەدى. جالعىز ونەر يەسىنىڭ عانا ەمەس, كەز كەلگەن تۋىندىنىڭ اڭىزى قوسا جۇرەدى. ەگەر اڭىزى نە اڭگىمەسى بولماسا, ءوزىن تىڭداپ نە تاماشالاپ قويا سالعان قىزىق ەمەس سياقتى. كوڭىلىڭە قونعان ءان-كۇيگە قۇمارىڭ قانباي قالادى, سەبەبى. تاعى دا تىڭداپ, تاعى دا قىزىقتاپ, قۇماردان شىققىڭ كەلىپ تۇرادى. سوسىن ول تۋرالى دەرەكتەردى ىزدەستىرە باستايسىڭ.
ونەر • 30 ناۋرىز, 2022
ادام بويىنداعى رۋحتى وياتاتىن مۋزىكالىق تۋىندىلار بولادى. بىراق ولار وتە سيرەك. سيرەك بولسا دا بار, سونىڭ ءبىرى – «اتامەكەن» ءانى. وسى ءاندى تىڭداعاندا بويىڭىزدى عاجاپ ءبىر كۇش بيلەپ, ەرەكشە سەزىمدى باستان كەشەسىز. الپىس ەكى تامىرىڭىزدا قان جۇگىرىپ وتكەندەي بولادى. ونى تەرەڭ ءتۇسىنۋ ءۇشىن تەك قازاق بولىپ تۋ كەرەك شىعار. بۇل – اسىرە قىزىل ءسوز ەمەس, شىنى سول. ەكى قازاقتىڭ ءبىرى شىرقاي جونەلەتىن تاماشا تۋىندىنىڭ ءسوزىن اسا كورنەكتى اقىن قادىر مىرزا ءالى, سازىن بەلگىلى كومپوزيتور ەسكەندىر حاسانعاليەۆ جازعان.
ەلوردا • 30 ناۋرىز, 2022
استاناداعى العاشقى ناۋرىز تويى
كەر كەزەڭمەن بىرگە ابدەن سۇرلەۋدەن وتكەن سىرالعى سالت-داستۇرىمىزگە كەڭەس يدەولوگياسى قانشا قولبايلاۋ بولعانىمەن قازاق حالقى ۇلىستىڭ ۇلى كۇنىن ەرەكشە ماحابباتپەن قارسى الدى. اسىرەسە, استانا جۇرتى. قالا ارحيۆىنە ۇڭىلسەڭىز, ەڭبەكتەگەن سابيدەن ەڭكەيگەن قارتقا دەيىن ناۋرىز مەيرامىنا قاتىسىپ, مەرەيلى مەرەكەنى ناقىشىنا كەلتىرە وتكىزگەنى جازىلادى. ءبىزدىڭ قولىمىزعا تۇسكەن قۇندى قۇجاتتار سولاي سويلەيدى.
قوعام • 30 ناۋرىز, 2022
قازاق حالقى بەرتىنگە دەيىن ءداستۇرلى اي ساناۋ ءتاسىلىن قولدانىپ كەلدى. ول ءۇشىن ەڭ الدىمەن ايدىڭ تۋىن قاداعالايتىن. ەگەر دە جاڭا تۋعان ايدىڭ قوس قيىعى تومەن قاراي شانشىلىپ, ساۋىرى توڭكەرىلىپ تۋسا «اي توڭكەرىلدى» دەيدى. توڭكەرىلگەن اي – مالعا جايلى, ادامعا قولايلى بولادى دەپ ەسەپتەپ, الىس ساپارعا شىعۋ, مال وتارلاتۋ سياقتى ماڭىزدى ىستەردى جوسپارلايدى.
