رۋحانيات • 24 اقپان, 2020
كەشىرىلەر كەمشىلىك «ەگەمەن قازاقستان» گازەتىنىڭ باسشىسى كەزىندە جۋرناليست ساۋىتبەك ابدراحمانوۆ سىر بويىنداعى ءبىر ءىسساپارى بارىسىندا شيەلىدەگى «قازاتاوموندىرىسىنە» قاراستى №6 كەن باسقارماسىنا سوعادى. جەرگىلىكتى اكىمدەر مەن كەن باسقارماسىنىڭ باسشىلارى كۇتىپ, جۇمىس جاعدايىمەن تانىستىرادى. سوڭىنان قورىتىندى جيىن وتەدى. سوڭىنان ءسوز العان قالامگەر ءوز تۇجىرىمدارىن ايتا كەلىپ: «نەگىزىنەن جۇمىستارىڭىز دۇرىس سەكىلدى. دەگەنمەن, ءبىر كەمشىلىكتەرىڭىز بار ەكەن..» دەپ باسشىلارعا سىناي قارايدى. لاۋازىمدى ادامنىڭ اۋزىنان «كەمشىلىك» دەگەن ءسوز شىققاننان: «ويپىرماي, قاي جاعىمىزدان قۇداي ۇرىپ قالار ەكەن» دەپ جەرگىلىكتى باسشىلار قىپىلىقتاي باستايدى. «كەمشىلىكتەرىڭىز سول... رۋعا بولىنەدى ەكەنسىزدەر..» دەيدى ساۋىتبەك. باسشىلاردىڭ ءبىرى: «جوق, ءا, بىزدە بولىنۋشىلىك جوق», دەسە, ەكىنشىسى مويىنداعانداي: «قازاق بولعان سوڭ, ونداي-ونداي كەزدەسىپ قالۋى مۇمكىن...» دەپ كۇمىلجيدى. شامالى ءۇزىلىس جاساپ العان ساۋكەڭ: «جانە دە ولارىڭىزدى ءار جەرگە جازىپ قويادى ەكەنسىزدەر» دەپ قادالا تۇسەدى. «ولاي ەمەس دەسەڭىزدەر, رۋ-6, رۋ-4, رۋ-3» دەگەن جازۋى بار كورنەكىلىكتى قالاي تۇسىنەمىز؟» دەيدى كۇلمەستەن. وسى كەزدە الدىڭعى ءسوزدىڭ زىلىنەن ساسقالاقتاعان باسشىلار ابدراحمانوۆتىڭ ازىلدەپ وتىرعانىن ەندى اڭعارعانداي جامىراي سويلەي جونەلىسىپتى: «ويباي-اۋ, ول مەكەمەنىڭ اتى ەمەس پە, رۋ-دەگەن «رۋدا ۋپراۆلەنيە» دەگەنىمىز عوي...
ايماقتار • 24 اقپان, 2020
شاھار شىرايىن شاعىن بيزنەس اشادى
رەسپۋبليكالىق قالا مارتەبەسىن العاننان بەرى شىمقالانىڭ دامۋىنا سىن كوزبەن قاراپ, «شاھار دوتاتسيادان قاشان قۇتىلادى؟» دەگەن پىكىرلەر ءجيى ايتىلا باستادى. دەگەنمەن دە ەلباسىنىڭ بۇل شەشىمى شىمكەنتتىڭ شىرايىن ارتتىرىپ, دامۋدىڭ داڭعىل جولىنا تۇسىرە باستادى. باس-اياعى ەكى جىلدىڭ ىشىندە شەتەلدىك ينۆەستورلاردىڭ نازارى اۋعان ايماققا اينالىپ شىعا كەلدى.
سۇحبات • 24 اقپان, 2020
مايەگى مىعىم مادەنيەتكە تۋريستەر دە قىزىعادى
شىرايلى شىمكەنت شاھارى ءۇشىنشى مەگاپوليس مارتەبەسىن الىسىمەن حالىقارالىق ءىس-شارالارعا بەلسەنە ارالاسا باستادى. ەلىمىزدىڭ وڭتۇستىگىندە ورنالاسقان 2200 جىلدىق تاريحى بار ەجەلگى قالا 2020 جىلى تمد ەلدەرىنىڭ مادەني استاناسى بولىپ جاريالاندى. ەندى شەتەلدەن كەلگەن قوناققا قازاق ەلىنىڭ مەيماندوستىعىن, مادەنيەتىن, تۇرمىس-سالتىن, ءداستۇرىن جاقسى قىرىنان كورسەتۋ قاجەت. وسى ارقىلى ميلليوننان استام تۇرعىنى بار قالانى حالىقارالىق ءىرى تۋريستىك مارشرۋتتارعا قوسقان ءلازىم. تاياۋدا تۇرعىندارعا بەرگەن جىلدىق ەسەبىندە شاھار باسشىسى مۇرات ايتەنوۆ بۇل تۇرعىدا قالانىڭ جوسپارى ايقىن, ماقساتى بيىك ەكەنىن جەتكىزدى. قالا اكىمىمەن اڭگىمەمىزدە اتالعان تاقىرىپتى تارقاتا تۇستىك.
سۇحبات • 24 اقپان, 2020
جانسەيىت تۇيمەباەۆ: ىنتىماق ءۇشىن ىمىرا ماڭىزدى
– جانسەيىت قانسەيىت ۇلى, جامبىل وبلىسىنداعى وقيعا سالدارىن جويۋ جونىندەگى ۇكىمەت كوميسسياسىنىڭ قۇرامىمەن قورداي اۋدانىندا بولىپ قايتتىڭىز. ەل ىشىنە بارىپ بىلگەنىڭىزدى, كورگەن-تۇيگەنىڭىزدى ءوز اۋزىڭىزدان ەستىسەك... – مەملەكەت باسشىسى قاسىم-جومارت توقاەۆتىڭ تاپسىرماسىمەن جەرگىلىكتى حالىقپەن بىرقاتار كەزدەسۋ ۇيىمداستىرىلىپ, قورداي, ماسانچي, اۋقاتتى, سورتوبە ەلدى مەكەندەرىنىڭ جاعدايىمەن تانىستىق. ەكى تاراپتى تىڭداي كەلە, كوپشىلىكتىڭ ورتاق پىكىرىنەن كەيىن تۇرمىستىق جانجالدىڭ بىرنەشە سەبەبى انىقتالدى.
ەكونوميكا • 24 اقپان, 2020
10 جىل سۋبسيديالانعان سالانىڭ جىرى
مال شارۋاشىلىعىنداعى تاۋارلى-سپەتسيفيكالىق سۋبسيديالاردى قىسقارتۋ مەملەكەتتىك باعدارلاماسىنىڭ اياسىندا بيىلدان باستاپ تاعامدىق جۇمىرتقا ءوندىرىسىن سۋبسيديالاۋ توقتاتىلادى دەپ جوسپارلانعان. وسى شەشىمگە وراي سوڭعى ۋاقىتتا قۇس فابريكالارى باسشىلارىنىڭ, سونداي-اق جۇمىرتقا وندىرۋشىلەر قاۋىمداستىعىنىڭ تاراپىنان ءتۇرلى پىكىر ايتىلا باستاعان-دى. الەۋمەتتىك جەلىدە دە الەۋمەتتىك ماڭىزى بار تاماق قىمباتتاپ كەتەتىن بولدى دەپ ەرتە باستان دابىل قاققاندار بوي كوتەرگەنى راس. وسى ورايدا, اۋىل شارۋاشىلىعى مينيسترلىگى سۋبسيديالاۋدىڭ نەلىكتەن توقتاتىلاتىنى تۋرالى جان-جاقتى ءتۇسىندىرىپ, سالادا قالىپتاسقان احۋال تۋرالى جان-جاقتى ماعلۇمات بەردى.
