قوعام • 28 اقپان, 2022
«راحمەت سىزدەرگە! اللا جار بولسىن!». بۇل – قاڭتار وقيعالارى كەزىندە جازىقسىز جاپا شەككەن 200-دەن استام ادامعا تەگىن ادۆوكاتتىق كومەك كورسەتىپ, بوستاندىققا شىعۋلارىنا تۇرتكى بولعان «امانات» تاۋەلسىز كوميسسيا مۇشەلەرىنە ءجيى ايتىلاتىن سوزدەردىڭ ءبىرى. جۇرەكتەن شىققان وسى ەكى اۋىز سوزدەن-اق قيىن ساتتە ادىلدىك ىزدەپ, قۇزىرلى ورگانداردان اراشا سۇراپ شىرىلداعان حالىقتىڭ رياسىز كوڭىلىن, شىنايى ىقىلاسىن اڭعارۋعا بولادى.
سپورت • 28 اقپان, 2022
ناۋرىز ايىنىڭ باسىندا اقش-تىڭ پەنسەلۆانيا شتاتىنداعى «حەرشيپارك-ارەنادا» وتكەن ويىندى تاماشالاۋ ءۇشىن ادەتتەگىدەن الدەقايدا از ادام جينالدى. سەبەبى, قالادا تاڭ اتا سەبەلەپ جاڭبىر جاۋىپ, كۇن كۇرت سۋىتىپ كەتكەن ەدى. دەسەك تە سول 4 124 كورەرمەنگە تاريحي ءساتتىڭ كۋاسى بولۋ باقىتى بۇيىردى. دامىلسىز ءارى قارقىندى شابۋىلمەن وتكەن ماتچ 169:147 ەسەبىمەن الاڭ يەلەرىنىڭ پايداسىنان شەشىلدى. ياعني, ەكى كوماندانىڭ ناتيجەلەرىن قوسا العاندا, ولار 316 ۇپايعا يەلىك كەتتى. ودان بولەك, «فيلادەلفيا ۋورريورزدىڭ» ەڭ بەلدى ويىنشىسى ۋيلت چەمبەرلەن بۇل باسەكەدە ۇبق-نىڭ بەس بىردەي رەكوردىن جاڭارتتى. سول كورسەتكىشتەردىڭ تورتەۋىنىڭ كۇنى بۇگىنگە دەيىن مۇرتى بۇزىلماي تۇر. ۋيلتتىڭ تابىستارىنىڭ ىشىندەگى ەڭ كەرەمەتى – «نيۋ-يورك نيكسكە» قارسى كەزدەسۋدە 100 ۇپاي جيناۋى. وعان دەيىن دە رەكوردتىق ناتيجە ءدال سول باسكەتبولشىعا تيەسىلى ەدى. 1961 جىلدىڭ 8 جەلتوقسانىندا «لوس-اندجەلەس لەيكەرسپەن» شەبەرلىك بايقاسقان كەزدە چەمبەرلەن 78 ۇپاي ەنشىلەدى. ارادا ءۇش اي وتپەي جاتىپ, امەريكالىق جۇلدىز 100 ۇپايلىق مەجەگە جەتتى. ءبىر عاجابى, بويى كوك تىرەگەن باسكەتبولشى وسى ويىندا 63 رەت دوپتى شىعىرشىققا لاقتىرىپ, سونىڭ 36-سى نىساناعا ءدوپ ءتۇستى. 32 ايىپ دوبىنىڭ 28-ءىن مۇلتىكسىز ورىندادى. وسىلايشا, ونىڭ ەسىمى باسكەتبولدىڭ داڭق زالىندا التىن ارىپتەرمەن جازىلدى. ۋيلت چەمبەرلەن 1936 جىلدىڭ 21 تامىزىندا اقش-تىڭ فيلادەلفيا قالاسىندا دۇنيەگە كەلدى. ونىڭ بويى – 216 سانتيمەتر, سالماعى – 125 كيلو. 1959-1968 جىلدار ارالىعىندا ۋيلت ءوزىنىڭ تۋعان جەرىندە جاساقتالعان كوماندانىڭ نامىسىن قورعادى. 1968-1973 جىلدارى «لوس-اندجەلەس لەيكەرستىڭ» جەيدەسىن كيدى. ەكى رەت ۇبق چەمپيونى اتانىپ, ءتورت رەت ەڭ قۇندى ويىنشى دەپ تانىلدى. «جۇلدىزدار ماتچىندا» 13 مارتە ونەر كورسەتتى. ودان دا باسقا كوپتەگەن تولاعاي تابىستارعا قول جەتكىزدى. ءار كەزدەسۋ بارىسىندا ورتا ەسەپپەن 40-50 ۇپايدى قورجىنعا سالىپ وتىردى. ۇبق تاريىحىنداعى ەڭ ۇزدىك سۇرمەرگەندەر تىزىمىندە چەمبەرلەن جەتىنشى ورىندا تۇر. ۋيلتتىڭ الدىن تەك لەبرون دجەيمس, كاريم-ابدۋل دجاببار, كارل مەلوۋن, كوبي برايانت, مايكل دجوردان جانە ديرك نوۆيتسكي سىندى اتتارى اڭىزعا اينالعان ويىنشىلار عانا وراي الدى. ۇبق جارىستارىندا كەيىپكەرىمىز بارلىعى 31 419 ۇپايدى ەنشىلەدى. چەمبەرلەننىڭ كورسەتكىشى تاياۋ ارادا جاڭارۋى ەكىتالاي. ويتكەنى ودان كەيىنگى ۋاقىتتا ويىن الاڭىندا جاسىنداي جارقىلداعان تالاي تانىمال تۇلعالاردىڭ بىردە-بىرەۋى ونىڭ رەكوردىنا ماڭايلاي دا العان جوق. ۋيلتتان كەيىنگى ەڭ جاقسى ناتيجە كوبي برايانتقا تيەسىلى. 2006 جىلدىڭ 22 قاڭتارىندا «تورونتو رەپتورسقا» قارسى ماتچتا «لوس-اندجەلەس لەيكەرستىڭ» سەركەسى وتە تاماشا ويىن ورنەگىن كورسەتىپ, مول ولجاعا كەنەلدى. بىراق اتاعى جەر جارعان برايانتتىڭ ءوزى 81 ۇپايلىق مەجەدەن اسا المادى. ۋيلت چەمبەرلەن 1999 جىلدىڭ 12 قازانىندا 64 جاسقا قاراعان شاعىندا ۇزاق ۋاقىتقا سوزىلعان اۋىر ناۋقاستان قايتىس بولدى.
قوعام • 28 اقپان, 2022
قازاق حالقىنىڭ ءبىر جاقسى قاسيەتى وتكەن جىلداردىڭ قيىندىعى, ەل-جۇرتقا جايلىلىعى جونىندە نەشە ءتۇرلى ساراپتاما جاساپ, اياعىن جاقسىلىققا اكەلىپ تىرەپ وتىراتىندىعىندا. 2021 سيىر جىلى قازاق حالقى ءۇشىن ەمەس-اۋ, الەم حالىقتارىن ابىگەرگە سالعان اۋىرلاۋ جىل بولدى. ء«تاج تاجالدان» ەلگە بەلگىلى زيالى قاۋىم وكىلدەرى مەن قازاقتىڭ نەبىر اسىل ۇل-قىزدارى ماڭگىلىككە ساپار شەكتى.
ادەبيەت • 28 اقپان, 2022
ەلىمىزدە ءار جىلعى كوكتەمنىڭ العاشقى كۇنى العىس ايتۋ كۇنىمەن باستالادى. بۇل كۇن – تىنىشتىق پەن بەرەكەنىڭ, ءوزارا قارىم-قاتىناستىڭ, سەنىم مەن تاتۋلىقتىڭ مەرەكەسى. كەزىندە تۋىستارىمەن بىرگە پولشا ەلىنەن قازاقستانعا قونىس اۋدارعان ناتاليا بوگدانوۆيچ ءوزىن باعىپ-قاققان ءدۇريا اتتى اجەگە العىسحاتىن جولداپ, ءۇشبۋ سالەم جولداعان قۇندى دەرەك الماتى قالالىق مەملەكەتتىك ارحيۆىندە ۇزاق جىلدار بويى ساقتالىپ كەلەدى. ءبىز وسى ورتالىقتىڭ باس ساراپشىسى ءلايلا قاسىمقىزى ۇسىنعان ارحيۆ ماتەريالىن وقىرمانعا ۇسىنىپ وتىرمىز.
قوعام • 28 اقپان, 2022
تۇركى اكادەمياسىنا تۇركسوي باس حاتشىسى دۇيسەن قاسەيىنوۆ ارنايى كەلدى
بۇگىن حالىقارالىق تۇركى اكادەمياسىنىڭ پرەزيدەنتى دارحان قىدىرالى تۇركى مادەنيەتىن جانە ونەرىن دامىتۋ حالىقارالىق ۇيىمىنىڭ (تۇركسوي) باس حاتشىسى دۇيسەن قاسەيىنوۆتى قابىلدادى, دەپ حابارلايدى Egemen.kz.
