رۋحانيات • 27 جەلتوقسان, 2018
كەڭەس اۋحاديەۆ - تاۋەلسىزدىك ءۇشىن كۇرەسكەن اسىل ازامات
جەلتوقسان كوتەرىلىسى قالعۋلى دۇنيەنى ءدۇر سىلكىندىردى, كسرو-نىڭ ساياسي نەگىزىن شايقادى. كەڭەس مۇستاحان ۇلى اۋحاديەۆ جەلتوقسان كوتەرىلىسىنىڭ قارساڭىندا جانە ودان كەيىن بولعان تاۋەلسىزدىك ءۇشىن كۇرەستە ادىلەت جولىنان تايمادى. جاۋ جاراعىنان تۇسكەن جارا جانىنا باتسا دا, سىر بەرمەدى. وتارلاۋشى كۇشتىڭ ىعىمەن جۇرمەدى, ونىڭ دەگەنىنە كونبەدى, وعان تاۋەلدى بولمادى. سول ءۇشىن قيانات كوردى, مەحنات شەكتى. ساياسي الاساپىران اياسىنداعى مۇنداي سۇراپىلدىڭ قارا بۇلتى گ.كولبين قىزمەتتەن الىنىپ, رەسپۋبليكا باسشىلىعىنا نۇرسۇلتان ءابىش ۇلى نازارباەۆ كەلگەن سوڭ عانا سەيىلدى. كەڭەس مۇستاحان ۇلى جانىنا دا, ارىنا دا داق تۇسىرمەگەن قالپى تاۋەلسىزدىككە جەتتى. تاۋەلسىزدىك ءداۋىرىنىڭ العاشقى كۇنىنەن باستاپ ەلدىڭ ىنتىماعى مەن بىرلىگىن نىعايتۋعا قىزمەت ەتتى, بۇگىن دە سول قىزمەتىن ابىرويمەن جالعاستىرىپ كەلەدى.
سپورت • 27 جەلتوقسان, 2018
بەس بالۋانىمىز ۇزدىكتەر قاتارىندا
حالىقارالىق دزيۋدو فەدەراتسياسى 2018 جىلدى قورىتىندىلاپ, بالۋانداردىڭ رەيتينگىن جاڭارتتى. جاڭارعان تىزىمدە دزيۋدوشىلارىمىزدىڭ ناتيجەلەرى جامان ەمەس. ەكى بالۋانىمىز ۇزدىك 10 دزيۋدوشىنىڭ قاتارىنا ەنگەن.
قازاقستان • 27 جەلتوقسان, 2018
كوكشەتاۋ قالاسى جاڭا جىلدى قارسى الۋعا قىزۋ دايىندالۋدا. مۇز قالاشىقتا ءتۇرلى بەينەلەرمەن بىرگە الەمگە ايگىلى ءانشى ديماش قۇدايبەرگەننىڭ مۇزدان جاسالعان ءمۇسىنى كوپشىلىك كوزايىمىنا اينالدى.
رۋحانيات • 27 جەلتوقسان, 2018
جۇماگۇل سولتيەۆانىڭ 70 جاسقا تولۋ قۇرمەتىنە وراي سالتاناتتى جيىن ءوتتى
قازاق ادەبيەتىندە, جالپى قازاق حالقىنىڭ ساياسي-قوعامدىق ومىرىندە كۇنى بۇگىنگە دەيىن ايەل زاتىنىڭ اتى سيرەك اتالىپ كەلگەن جوق پا؟! وتكەن عاسىردىڭ باسىندا ايەل تەڭسىزدىگى دەگەن ۇران كوتەرىلگەندە, كەيىننەن گەندەرلىك ساياساتتىڭ تۋى جەلبىرەگەندە قازاقتىڭ قايسار قىزدارى حالىقتىڭ تۇرمىس-تىرشىلىگىنە بەلسەندى ارالاستى. بۇرىنعى قازاق ايەلىن ۇيدە وتىرعىزسا, كوزگە ىلمەگەندىك ەمەس, قۇرمەتتەگەندىكتەن دەپ تۇسىندىرەدى ءابىش كەكىلباي ۇلى. جاۋ مەن داۋدىڭ وتىنە بالا مەن جاردى سالماي الدىمەن وزدەرى تۇسكەن ءبىزدىڭ بابالارىمىزدىڭ ارەكەتى مانسۇقتاۋ ەمەس, ماپەلەۋ بولاتىن.
ايماقتار • 27 جەلتوقسان, 2018
تانىمال تۇلعالاردىڭ ەل الدىنداعى ەڭبەگى مەن ەرلىگى, ىزگى ىستەرى كەلەر ۇرپاققا ونەگە ءام مۇرا بولىپ قالادى. ماسەلەن, ەرتەدە اتا-بابالارىمىز تۋىپ-وسكەن كەڭ بايتاق دالانىڭ ءار سۇيەم جەرىن قورعاپ قالۋ جولىندا كۇرەسۋىنە, قان توگۋىنە تۋرا كەلدى. سوندىقتان قازاق بالاسى ءۇشىن اتا-تەگى مەن وسكەن ورتانىڭ وتكەنى مەن بۇگىنىن ءبىلۋ ارتىق ەمەس. ويتكەنى كەشەگىسىز بۇگىن, بۇگىنسىز بولاشاق بولماسى بەلگىلى. ۇلت جادىندا زامانىندا باتىر, بي بولعان سارتاي اتامىز ەرەكشە ورىن الادى. جاۋ جان-جاقتان انتالاعان قيىن-قىستاۋ كەزەڭدە 1711 جىلى ارعى اتاسى اقنازار حاننىڭ وڭ قولى بولىپ ساۋراندى بيلەگەن قوسقۇلاق ءبيدىڭ بالاسى, اتاقتى بايجان ءبيدىڭ وتباسىندا تۇڭعىش ءسابي دۇنيەگە كەلدى. ول ارال تەڭىزى مەن سىر بويىنداعى ءالىم شەكتىسىنىڭ جاقايىم رۋىنان شىققان اتاقتى بي ءارى باتىر سارتاي بايجان ۇلى ەدى.
