ەكونوميكا • 01 قاراشا, 2019
كيبەرقاۋىپسىزدىك: عالامتور ۇرىلارىنا تۇساۋ بولماي تۇر
بۇگىنگى ءداۋىر يننوۆاتسيالىق تەحنولوگيامەن تىعىز بايلانىستى. عاسىر يگىلىكتەرى ءومىردى جەڭىلدەتىپ, وركەنيەتتى قوعام قۇرۋعا ادامزاتقا قولعابىس ەتۋدە. الايدا, تسيفرلى الەمنىڭ پايداسىمەن قاتار قاتەرلى تۇستارى دا بار. تۇرمىس-تىرشىلىگىمىز تسيفرلى فورماتقا اۋىسقان سايىن قورعانسىز جاقتارىمىز دا ايقىندالىپ جاتىر. ماسەلەن, بيىلعى سايلاۋ ناۋقانىندا 11 ميلليونداي قازاقستاندىقتىڭ جەكە مالىمەتتەرى قولدى بولعانى ەسىمىزدە. سونداي-اق مىڭعا جۋىق ازاماتتىڭ Damumed جۇيەسىندەگى جەكە اقپاراتى ينتەرنەتكە لەزدە تارالعان ەدى. بۇل كيبەرقاۋىپسىزدىك ماسەلەسىنىڭ وزەكتىلىگى ۋاقىت ساناپ ارتىپ كەلە جاتقانىن كورسەتەدى. وسى رەتتە «قورعانسىزدىڭ كۇنىن» كەشۋگە نەگە ءماجبۇرمىز دەگەن سۇراق تۋىندايدى؟
ەكولوگيا • 01 قاراشا, 2019
الماتى ەكولوگياسىن جاقسارتۋدىڭ جولى قانداي؟
الماتىنىڭ ەكولوگيالىق ماسەلەسى بۇگىن نەمەسە كەشە تۋىنداعان پروبلەما ەمەس, ميلليوندار توعىسقان مەگاپوليس تۇرعىندارىن كوپتەن الاڭداتقان احۋالدىڭ ءبىرى. ايتىلا اقجەم, جازىلا جاۋىر بولعان بۇل تاقىرىپتىڭ جاراسى قاشان جازىلادى؟ مۇنى تۇبەگەيلى رەتتەۋدىڭ كەشەندى جولدارى قانداي؟ الماتى قالاسىنا جۇمىس ساپارى بارىسىندا قالا اكتيۆىمەن كەلەلى كەڭەس وتكىزگەن مەملەكەت باسشىسى قاسىم-جومارت توقاەۆ كوپتىڭ كوكەيىن كەرنەگەن وسى جايدىڭ تامىرىن تاپ باسىپ, شاھاردىڭ ەكولوگيالىق پروبلەماسىن تۇبەگەيلى رەتتەۋدى تاپسىرعانى بەلگىلى.
مەديتسينا • 01 قاراشا, 2019
مەديتسينالىق ساقتاندىرۋ مەملەكەتكە دە, قىزمەت كورسەتۋشىلەرگە دە, پاتسيەنتتەرگە دە ءتيىمدى
بۇگىندە ەلىمىزدە 2020 جىلدان باستاپ ەنگىزىلەتىن مىندەتتى الەۋمەتتىك مەديتسينالىق ساقتاندىرۋ جۇيەسىنە ازىرلىك جان-جاقتى جۇرگىزىلۋدە. ساقتاندىرۋ مەديتسيناسى ازاماتتىڭ تاپقان تابىسىنا, اۋدارعان جارنا كولەمىنە قاراماستان مەديتسينالىق كومەكتىڭ بارلىق ءتۇرىن الۋىنا مۇمكىندىك بەرەدى. ونىڭ ىشىندە جوسپارلى ستاتسيونارلىق كومەك تە, ءدارى-دارمەكپەن قامتۋ دا, جوعارى مامانداندىرىلعان مەديتسينالىق قىزمەت تۇرلەرى مەن وڭالتۋ دا, دياگنوستيكالىق-كونسۋلتاتسيالىق كومەك تە, مەدبيكە كۇتىمى مەن پاللياتيۆتىك كومەك تە بار. مەنىڭ ويىمشا, بۇل قازاقستانعا ءتيىمدى جانە ءادىل ۇلگى.
