قازاقستان • 12 قاڭتار, 2018
ەلباسى ءوز جولداۋىن ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» دەپ اتاۋى نەگىزسىز ەمەس. ونەركاسىپتىك رەۆوليۋتسيا ادام ءومىرىنىڭ سان سالاسىن قامتىپ, ول ەندىگى جاعدايدا ادام بالاسىنىڭ اقىل-وي ساناسىنا دا, تۇرمىسى مەن عۇرپىنا دا, مىنا ومىرگە دە, تۇتاس الەمگە دەگەن كوزقاراستارىنا دا, تانىم-تۇيسىكتەرىنە دە تۇبەگەيلى وزگەرىستەر اكەلەرى حاق. جەكە حالىقتىڭ دا, تۇتاس مەملەكەتتىڭ دە ەندىگى تاعدىرىن وسى ونەركاسىپتىك رەۆوليۋتسيانىڭ انىقتاۋى دا عاجاپ ەمەس. ويتكەنى, ەندىگى ارادا ونەركاسىبى قۋاتتى دامىعان ەلدەر عانا ەكونوميكالىق ساياساتتى انىقتاپ, ءوز ويى مەن ءوز دەگەندەرىن جۇزەگە اسىرۋعا ۇمتىلادى. مۇنى الەم دامۋىنىڭ قازىرگى ۇردىسىنەن-اق بايقاۋعا بولادى.
قازاقستان • 12 قاڭتار, 2018
ماقسات – دەنى ساۋ ۇلت قالىپتاستىرۋ
ەلباسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى قازاقستان حالقىنا جولداۋىندا ۇزدىك دەنساۋلىق ساقتاۋ ءىسى جانە دەنى ساۋ ۇلت تۋرالى ايتىلدى. بۇگىنگى تاڭدا حالىقتىڭ ءومىر ءسۇرۋ ۇزاقتىعىن ۇلعايتۋ مەملەكەت ءۇشىن ماڭىزدى ماسەلە. ول ءۇشىن مەديتسينالىق تەحنولوگيالاردىڭ دامۋى جانە مەديتسينالىق قىزمەت كورسەتۋگە دەگەن سۇرانىس كولەمى ارتا ءتۇسۋى قاجەت. بۇل جايىندا پرەزيدەنت «قازىرگى دەنساۋلىق ساقتاۋ ءىسى قىمباتقا تۇسەتىن ستاتسيونارلىق ەمگە ەمەس, نەگىزىنەن اۋرۋدىڭ الدىن الۋعا باعىتتالۋعا ءتيىس. سالاماتتى ءومىر سالتىن ناسيحاتتاي وتىرىپ, قوعامدىق دەنساۋلىقتى باسقارۋ ءىسىن كۇشەيتۋ كەرەك», دەپ ناقتى اتاپ كورسەتتى.
ءبىلىم • 12 قاڭتار, 2018
ەلباسى نۇرسۇلتان نازارباەۆتىڭ قازاقستان حالقىنا جولداۋىنا قاتىستى مالىمدەمەسى مەن ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى بيىلعى جولداۋىنداعى جەتىنشى مىندەتتىڭ بۇگىنگى كۇللى قوعامىمىز ءۇشىن كوكەيكەستىلىگىنە ەرەكشە ءمان بەرىلگەنىنە دەن قويىپ, ىقىلاسپەن تانىستىم. الداعى 2019 جىلدىڭ 1 قىركۇيەگىنەن باستاپ مەكتەپكە دەيىنگى ءبىلىم بەرۋ ىسىندە باعدارلامالاردىڭ بىرىڭعاي ستاندارتتارىن ەنگىزۋ قاجەتتىلىگىن شىن مانىندە قازىرگى تاڭدا ەرەكشە سەزىنىپ تە وتىرمىز. وعان دايىندىق تا جاسالۋ ۇستىندە. ويتكەنى بالالاردىڭ ەرتە دامۋى ءۇشىن ءوز بەتىنشە وقۋى مەن مەكتەپ تالاپتارىنا ماشىقتانۋى ونىڭ تىكەلەي الەۋمەتتىك داعدىسىنا بايلانىستى.
عۇمىرىمنىڭ ەلەۋلى بولىگىن پەداگوگيكا سالاسىنا ارناعاندىقتان كەشەگى كەڭەستىك ءبىلىم بەرۋ جۇيەسى مەن بۇگىنگى ءبىلىم نارىعىنىڭ اراسىنداعى ايىرماشىلىقتى اڭعارماۋ مۇمكىن ەمەس. ءبىز وقىعان ءبىلىم مودەلى بازالىق, كلاسسيكالىق ۇلگىگە كەلسە, قازىرگى جاس بۋىن, وسكەلەڭ ۇرپاق ءموبيلدى, ءبىر شىلبىرى جاھاندىق جۇيەگە جالعانعان جاڭا بىلىممەن قارۋلانىپ جاتىر دەۋگە بولادى.
قازاقستان • 12 قاڭتار, 2018
عىلىمداعى وزگەرىستەردىڭ قاينارى
ەلباسى جولداۋى ءاردايىم ەل ىشىندەگى سابىرلىلىق پەن بەرەكە-بىرلىكتى ۇيىستىرۋعا نەگىز بولىپ سانالادى. ۇردىسكە سايكەس 2018 جىلدىڭ 10 قاڭتارىندا ەل پرەزيدەنتىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى حالىققا جولداۋى ۇسىنىلىپ, بىرقاتار جوسپار بەلگىلەندى.
