قوعام • 27 ماۋسىم, 2019
جۇمىستان قاشپاعان ادام جەردە قالمايدى
مەملەكەت باسشىسى قاسىم-جومارت توقاەۆ ۇلىقتاۋ راسىمىندە سويلەگەن سوزىندە حالىقتى جۇمىسپەن قامتۋ, تابىس كولەمىن ارتتىرۋ ءماسەلەلەرىن باسىمدىق بەرىلەتىن باعىتتاردىڭ ءبىرى رەتىندە ايتقان بولاتىن. «ءتورتىنشى باعىت. جاڭا جۇمىس ورىندارىن اشۋ جانە حالىقتى لايىقتى جالاقىمەن قامتۋ. ۇلتتىق تابىستى ءادىل ءبولۋ ماسەلەسى بۇل – ستراتەگيالىق ماڭىزدى دۇنيە. مەملەكەتتىك بيۋدجەتتىڭ قاراجاتىن, ەڭ الدىمەن كەلەشەگى زور ماقساتتارعا جانە جاڭا جۇمىس ورىندارىن اشۋعا ءبولۋ قاجەت», دەگەن بولاتىن پرەزيدەنت.
ەكونوميكا • 27 ماۋسىم, 2019
ترانسكاسپيلىك باعدار بويىنشا جۇك اعىنى ۇلعايادى
نۇر-سۇلتان قالاسىندا ترانسكاسپيلىك حالىقارالىق كولىك باعدارىن دامىتۋ بويىنشا جۇمىس توبىنىڭ كەزەكتى وتىرىسى جانە «تحكب» حالىقارالىق قاۋىمداستىعىنىڭ جالپى جينالىسى ءوتتى.
ايماقتار • 27 ماۋسىم, 2019
«سويىل كۇشىن باسقا تۇسكەن بىلەدى» دەگەندەي, ارىستاعى اۋىرتپالىقتىڭ احۋالىن, ارينە ارىستىقتاردان ارتىق ەشكىم سەزىنبەگەن بولار. دەسە دە, كۇللى ەل بولىپ, كومەك قولىن سوزىپ جاتقان تۇستا قامىققاننىڭ جۇباناتىنى, تارىققاننىڭ قۋاناتىنى انىق. حالقىمىز دا «ورنىندا بار وڭالار» دەمەي مە؟! سوندىقتان بۇل كۇندە «ارىس, ءبىز بىرگەمىز» جالپىۇلتتىق اكتسياسى اياسىندا قازاقستاندىقتار ايانىپ قالىپ جاتقان جوق. قولدارىنان كەلگەن كومەكتى كورسەتىپ, ءبىرى قارجىلاي, ءبىرى زاتتاي جىلى كوڭىلمەن جىلۋعا ۇلەس قوسقان اعايىننىڭ اۋىزبىرلىگىنە قاراپ وتىرىپ, قانداي قيىندىققا دا قارسى تۇرۋعا بولاتىنىن باعامدادىق. ەل ەكەنىمىزدى, بىرىكسەك بىزدەن قۋاتتى كۇش, بىزدەن مەيىرىمدى قاۋىم بولمايتىنىن بايقاتتىق. وسى ورايدا تىلشىلەرىمىز ەل ءوڭىرلەرىنەن ارىستى بەتكە العان گۋمانيتارلىق كەرۋەنگە قولداۋ كورسەتۋشىلەردىڭ كوبەيە تۇسكەنىن حابارلاپ وتىر.
قوعام • 27 ماۋسىم, 2019
قۋانسا, انا قۋانسىن, قۋانسا, بالا قۋانسىن!
«جاقسىنىڭ ءوزى دە جاقسى, ءسوزى دە جاقسى» دەگەندەي, مەملەكەت باسشىسى قاسىم-جومارت توقاەۆتىڭ ەل ازاماتتارىنىڭ بورىش جۇكتەمەسىن ازايتۋ تۋرالى جارلىعى بارشا قازاقستاندىقتاردى قۋانتقان, اسىرەسە بالالارىن جەتكىزۋ, ەمدەتۋ جولىندا تۇرمىس تاۋقىمەتىمەن باسىنا تارتقان كورپەسى اياعىنا جەتپەي, كوز جاسىن بۇلاپ جۇرگەن اتا-انالارعا ايتارلىقتاي دەمەۋ بەرىپ, كوڭىلدەرىن جادىراتقانداي بولدى. ءيا, قۋانسا, انا قۋانسىن! قۋانسا, بالا قۋانسىن! البەتتە, «قۇدىعىنا قاراي قاۋعاسى, بازارىنا قاراي ساۋداسى» بولعان نارىق زامانىندا نەسيەسىز تىرشىلىك ەتۋ دە وڭاي ەمەس. سوندىقتان پرەزيدەنتتىڭ بۇل پارمەنى حالىقتىڭ الەۋمەتتىك توبىنا قارىزدى پۇلسىز بەرىپ, قۇنسىز العانداي وتە قولايلى تيگەنى جاسىرىن ەمەس. ياعني كوپ بالالى, اسىراۋشىسىنان ايرىلۋ جاعدايىنا بايلانىستى تولەم الاتىن, مۇگەدەك بالالارى بار جانە اتاۋلى الەۋمەتتىك كومەك الاتىن وتباسىلار مەن اتا-اناسىنان ايرىلعان جانە اتا-انا قامقورلىعىنسىز قالعان بالالاردىڭ 300 مىڭ تەڭگەگە دەيىنگى تۇتىنۋشىلىق بەرەشەگى كەشىرىلمەك. بۇل – قوعام تاراپىنان «الەۋمەتتىك قامقورلىق» باعدارلاماسى اياسىنداعى مەملەكەتتىڭ قولداۋىن كەشەندى ەتە تۇسەتىن ىزگى قادام رەتىندە باعالانىپ وتىر.
ايماقتار • 27 ماۋسىم, 2019
24 ماۋسىم. ارىس. توعىز اي اناسىنىڭ قۇرساعىندا جاتقان نارەستەنىڭ جارىق دۇنيەگە تالپىنىسى تاڭ قىلاڭ بەرە باستالدى. اي-كۇنى تولعان ايەل ادەتتەگىدەي اۋرۋحاناعا جەتكىزىلدى. ءسۇتپىسىرىم ۋاقىت وتپەي اينالا الەم-تاپىرىق بولدى دا كەتتى. قاتتى جارىلىستان اۋرۋحانا تەرەزەسىنىڭ بىت-شىتى شىعىپ, ەسىكتەرى سىندى. تولعاعى جيىلەگەن كەلىنشەك اكۋشەر ناعيمامەن بىرگە جان ساۋعالاپ, قالا سىرتىنا قالىڭ قاۋىممەن بىرگە قاشا بەردى. سناريادتار قۇلاسا قۇلاقتارىن باسىپ, جەر باۋىرلاپ جاتا قالادى. بالاباقشادا قالعان 3 جاسار قىزىن ەسكە العان سايىن انا جۇرەگى قارس ايىرىلىپ, كوز جاسىنا ەرىك بەرەدى. بۇل 23 جاستاعى كەنجەنىڭ قيىن ساتتە قاسىندا بولعان قايىرىمدى جانداردىڭ اڭگىمەسى.
