ونەر • 27 مامىر, 2020
قايرات بايبوسىنوۆ – قازىرگى قازاق ونەرىنىڭ الىبى, ءداستۇرلى مۋزىكا سالاسىندا ۇلت مۇراسىنا ەڭبەگى سىڭگەن بىرەگەي تۇلعا, قازاق راديوسىنىڭ التىن قورىنا جازىلعان داۋىلپاز داۋىس يەسىن بىلمەيتىن كىسى جوق شىعار. ءانشىنىڭ ءومىرى مەن شىعارماشىلىعى جونىندە جازىلعان زەرتتەۋلەر دە قوماقتى, عىلىمي ماقالا, ديسسەرتاتسيا تاقىرىپتارى بارشىلىق, جازۋشى-جۋرناليست قاۋىم قالامىنان شىققان كوركەم وچەركتەر مەن عۇمىرباياندىق حيكايالار دە جەتكىلىكتى. قايرات بايبوسىنوۆتىڭ شىعارماشىلىعى جونىندەگى ءار كەزەڭدەردە جاريالانعان, جاريالانىپ جۇرگەن كەشەلى-بۇگىنگى اقپارات حالىق نازارىندا. ءۇنى ۇلعايسا دا, ساحنانىڭ ءسانى بولعان قايراتكەردىڭ القوڭىر داۋىسى ءاماندا تالعامشىل تىڭدارمان جۇرەگىندە. وسى رەتپەن قاراساق, بايبوسىنوۆتىڭ ءومىرى مەن شىعارماشىلىق بايانىنا قوسىمشا دەرەك بولارلىقتاي تىڭ مالىمەت جازۋ وتە كۇردەلى جۇمىس. سوندىقتان وسى ماقالامىز اياسىندا قايرات اۋكەن ۇلىنىڭ تەك كاسىبي-اكادەميالىق بەينەسىنە عانا قىسقا قايىرىم جاساۋدى قاناعات تۇتتىق.
ونەر • 24 ءساۋىر, 2020
قازاق قىزدارىنىڭ انشىلىك مادەنيەتى
قازاقتىڭ انشىلىك ونەرىندە قىزدارعا عانا ءتان ورىنداۋشىلىق ۇلگى بار جانە ونىڭ مادەنيەتى ەرتەدەن قالىپتاسقان دەسەك, وسى پىكىرىمىزگە كەلىسپەيتىندەر كوپ بولاتىن شىعار. ونىڭ باستى سەبەبى – كەزەڭ بولەك, تالعام باسقا, ءان ءداستۇرىنىڭ اسىل ارقاۋى سوگىلە باستاعان باعزى زاماندى باستان كەشىرۋدەمىز, وكىنىشكە قاراي. قازاق قىزدارى شىعارماشىلىعىندا ۆوكالدىق ءستيلدىڭ ءتول مانەرى, شىعارمانىڭ وزىندىك كومپوزيتسياسى, كەرەك دەسەڭىز, رەپەرتۋارى مەن ورىنداۋشىلىق حارەكەتتەردىڭ ءوز ادەبى مەن عۇرپى بولعان دەگەندەي ۋاجگە بارساق, بۇگىنگى ويشىل قاۋىمدى يلاندىرۋ اۋرەلى ءىس بولۋى مۇمكىن. ۇلتتىق انشىلىك ونەردى كوبىنەسە ەرلەرگە ءتان سال-سەرىلىك ءداستۇرى دەپ ۇعۋعا بەيىمبىز, الايدا قازاقتىڭ ءان انتولوگياسى تەك وسىمەن شەكتەلمەيدى. تۇرمىستىق-تولعاۋلى اندەردىڭ دەنى قىزداردىڭ انشىلىك داستۇرىنەن ءوربيدى.
• 14 اقپان, 2017
