مەديتسينا • 05 قازان, 2017
كۇيىنىپ كەلىپ, ءسۇيىنىپ شىعاتىن ورتالىق
ءارتۇرلى ماسەلەلەرمەن بەتپە-بەت كەلىپ, قۇزىرلى ورگان قىزمەتكەرلەرىنە ءسوزى وتپەي, تابانىنان تاۋسىلىپ جۇرگەن تالاي ادام بار. ارىز-شاعىمىن ارقالاعان جاندار بۇگىنگى قوعامنىڭ كوڭىل-كۇيى ىسپەتتى. ولاردىڭ ماسەلەسى شەشىلمەي, ەلدەگى احۋالدى تۇزەتۋ مۇمكىن ەمەس. ەلباسى نۇرسۇلتان نازارباەۆ «ادامداردى قابىلداپ, تىڭداۋ كەرەك, ولاردى كابينەتتەرگە جۇگىرتپەي, تالاپ-تىلەگى ۇساق بولسا دا شەشىلۋى ءتيىس» دەگەنى ەسىمىزدە. سونداي-اق «100 ناقتى قادام» ۇلت جوسپارىنىڭ 100-ءىنشى قادامىندا قازاقستان ازاماتتارى مەملەكەتتىك قىزمەتتەردى ءبىر جەردەن الاتىنداي جاعداي جاساۋ كەرەكتىگى ايتىلعان. مەملەكەت باسشىسىنىڭ وسى تاپسىرمالارىنا سايكەس باس پروكۋراتۋرا حالىقتىڭ مۇڭ-مۇقتاجىن شەشۋگە ارنالعان قۇقىق قورعاۋ قىزمەتتەرى ورتالىعىن اشتى.
