قوعام • 27 ناۋرىز, 2020
اۋىلدىق اكىمدىكتەر مامانعا ءزارۋ
قوستاناي وبلىسىنا قاراستى اۋىلدىق اكىمدىكتەردە 100-گە تاياۋ جۇمىس ورنى بوس تۇر. جەرگىلىكتى ءوزىن ءوزى باسقارۋ جۇيەسىنە كوشكەلى اۋىلدىق مەكەندەردە ساۋاتتى زاڭگەر, ەكونوميستەر قات. مۇنداي ماماندىقتار بويىنشا ديپلومى بار جاستار اۋىلعا بارۋعا ق ۇلىقسىز. ويتكەنى اۋىلدىق اكىمدىكتە ولارعا جۇكتەلەتىن مىندەت كوپ, جالاقى تومەن. ماسەلەن, جۇمىسقا جاڭا تۇرعان جاس مامان ءبىر جىلعا دەيىن 60 مىڭ تەڭگەگە جەتەر-جەتپەس ەڭبەكاقى الادى. 3-4 ايدان سوڭ, جۇمىسىن تاستاپ باسقا سالاعا كەتىپ قالاتىندار دا كوپ.
ايماقتار • 26 ناۋرىز, 2020
جەرگىلىكتى پوليتسيا باسقارماسىنىڭ باستىعى قۇرمەت ماجىكەنوۆتىڭ ايتۋىنشا, وبلىستا توتەنشە جاعداي رەجىمىن بۇزعان 19 ءدامحانا مەن ساۋىق مەكەمەسى اكىمشىلىك جاۋاپكەرشىلىككە تارتىلعان. الدىن الا جۇرگىزىلگەن ءتۇسىندىرۋ جۇمىستارىنا قاراماستان, كەيبىر كاسىپكەرلەر شەكتەۋ رەجىمىنە مويىنسۇنباي, بەلگىلەنگەن قاۋىپسىزدىك ءتارتىبىن بۇزۋىن تىيماي وتىر. ماسەلەن, 25 ناۋرىز كۇنى وبلىستا توتەنشە جاعداي رەجىمىن بۇزعان تاعى 5 ءدامحانا انىقتالعان.
ايماقتار • 26 ناۋرىز, 2020
قوستاناي وبلىسىندا 12 ادام گوسپيتالگە ءتۇستى
توبىل قالاسىنىڭ پروۆيزورلىق گوسپيتالىنە بۇگىن تۇسكەن 12 ادامنىڭ بارلىعى دا قوستاناي وبلىسىنىڭ تۇرعىندارى. ونىڭ بەسەۋى الماتى قالاسىنا ەگيپەتتەن ۇشىپ كەلگەن. وڭتۇستىك استانادا ولاردان قان الىنىپ, تالداۋ قورىتىندىسى تەرىس ناتيجە كورسەتكەن. بۇدان ءارى بەس ازامات وتاردان پويىزعا ءمىنىپ, قوستاناي وبلىسىنا جولعا شىعادى.
ايماقتار • 26 ناۋرىز, 2020
قوستاناي وبلىسى: كوروناۆيرۋسكە قارسى شەپ قۇرۋ جوسپارى پىسىقتالدى
ايماق باسشىسى ارحيمەد مۇحامبەتوۆتىڭ توراعالىعىمەن وتكەن سەلەكتورلىق كەڭەستە وبلىستا ەپيدەميالىق جاعداي ناشارلاعان جاعدايدا قوستاناي قالاسىنا كىرەبەرىس جولداردا باقىلاۋ-وتكىزۋ بەكەتتەرىن ورناتۋ تۋرالى ماسەلە ءسوز بولدى. قوستاناي قالاسىنىڭ اكىمى مۇنداي جاعدايدا ءىرى اۆتوكولىك جولدارىندا 6 باقىلاۋ-وتكىزۋ بەكەتىن ورناتۋدى ۇسىندى.
ايماقتار • 26 ناۋرىز, 2020
جۇمىلا كوتەرگەن جۇك جەڭىل. شەكارا جابىق, شەكتەۋ كوپ. بۇگىنگىدەي سىندارلى كەزەڭدە الەۋمەتتىك قولداۋعا مۇقتاج جاندار قامقورلىقتان قاعاجۋ قالماۋى ءتيىس. وسى ماقساتتا ەلباسى نۇرسۇلتان نازارباەۆتىڭ تاپسىرماسىمەن «كەدەرگىسىز كەلەشەك», «باقىتتى وتباسى» جانە «ارداگەرلەردى ارداقتايىق» پارتيالىق جوبالارى اياسىندا قولعا الىنعان بىرىڭعاي رەسپۋبليكالىق اكتسيا قوستانايلىقتار تاراپىنان كەڭ قولداۋعا يە بولدى. شارانىڭ ايماقتا جۇزەگە اسۋ بارىسى بۇگىن وبلىس اكىمدىگىندە وتكەن كەڭەيتىلگەن وتىرىستا تالقىلاندى.
ايماقتار • 26 ناۋرىز, 2020
قوستاناي وبلىسى: Nur Otan فيليالدارى ازاماتتاردى قابىلداۋدى ۋاقىتشا توقتاتتى
بۇل تۋرالى بۇگىن قالا جانە اۋدان اكىمدەرىمەن ونلاين رەجىمدە كەڭەس وتكىزگەن ايماق باسشىسى ارحيمەد مۇحامبەتوۆ مالىمدەدى.
ايماقتار • 26 ناۋرىز, 2020
قوستاناي وبلىسى: كەرەك قۇجاتتى ۇيدە وتىرىپ-اق رەسىمدەۋگە بولادى
قوستاناي وبلىسىندا حالىققا قىزمەت كورسەتۋ ورتالىقتارى مەن كوشى-قون قىزمەتى تەك قانا ەلەكتروندىق ۇكىمەت پورتالى ارقىلى قىزمەت كورسەتۋگە كوشتى.
قوعام • 26 ناۋرىز, 2020
ۇيالى بايلانىسى جوق ۇياداي اۋىل
قوستاناي وبلىسىندا بىرنەشە اۋىل بۇگىنگە دەيىن رەسەيدىڭ ۇيالى بايلانىسىن پايدالانىپ وتىر. ماسەلەن, قارابالىق اۋدانىنا قاراستى پريرەچنىي اۋىلىندا قازاقستاندىق بايلانىس وپەراتورلارى اتىمەن جوق. تۇرعىندار ءبىر-بىرىمەن رەسەيلىك متس ارقىلى حابار الىسادى. بۇل اۋىلدا «كسەll»-گە كەڭىستىك, «اسtiv»-كە اۋا جوق. سىرتتان كەلگەن جولاۋشىنىڭ تەلەفونى تۇنشىعىپ, ءتىلسىز قالادى. قايتار جولعا شىعىپ, قارابالىققا جاقىنداعان سوڭ عانا قايتا تىرىلگەن ۇيالى تەلەفونعا «الەمدەگى ەڭ الىپ ەل – رەسەيگە قوش كەلدىڭىز! روۋمينگكە تىركەلىڭىز. ارزان تاريف!» دەگەن حابار تۇسەدى. ودان قوستانايعا جەتە بەرگەندە «ۇيىڭىزگە ورالۋىڭىزبەن! شەتەلگە ءجيى ساياحاتتايسىز با؟ ءبىز ارقىلى ارزان اۋە, تج بيلەتتەرىنە تاپسىرىس بەرىڭىز!» دەگەن حابارلاما تاعى تۇسەدى. وسىلايشا پريرەچنىيدان قايتقان جولاۋشى شەكارا اسپاي-اق شەتەلگە شىققانداي كۇيگە تۇسەدى.
وقيعا • 25 ناۋرىز, 2020
رۋدنىيدا پوليتسەيلەر مۇمكىندىگى شەكتەۋلى جاندى ورتتەن امان الىپ قالدى
پوليتسيا باسقارماسىنىڭ مالىمەتىنشە, 22 ناۋرىز كۇنى رۋدنىي قالاسىنداعى كوپ قاباتتى تۇرعىن ءۇيدىڭ بىرىنەن ءورت شىعىپ, وزدىگىنەن جۇرە المايتىن مۇمكىندىگى شەكتەۋلى زەينەتكەر قىزىل جالىنعا ورانعان پاتەر ىشىندە قالادى. وقيعا ورنىنا ءورت سوندىرۋشىلەردەن بۇرىن جەتكەن پاترۋلدىك پوليتسيا ينسپەكتورى ماقسۇت دوسىباەۆ پەن كىشى سەرجانت تولەگەن قاستاەۆ دەرەۋ قويۋ ءتۇتىن تۇمشالاعان بەسىنشى قاباتقا كوتەرىلىپ, جالىن قۇرساۋىندا قالعان زاعيپتى ء دىن امان سىرتقا الىپ شىعادى.
ايماقتار • 25 ناۋرىز, 2020
قوستانايدا Densaylyq Qostanai قورى قۇرىلدى
ەلباسى نۇرسۇلتان نازارباەۆ تاياۋدا پاندەميانى اۋىزدىقتاۋ ءۇشىن مەملەكەت تاراپىنان قابىلدانىپ جاتقان شارالارعا قوسىمشا رەسپۋبليكالىق قور قۇرۋ تۋرالى ۇسىنىسىنا قوستاناي وبلىسىنداعى ىرگەلى كاسىپورىندار قولداۋ بىلدىرۋدە. ايماقتا ىندەتكە قارسى «Densaylyq Qostanai» قورى قۇرىلىپ, وعان ەلدەگى احۋالعا بەيجاي قاراي المايتىن ەلجاندى ازاماتتار, جەكە كاسىپكەرلەر قارجى اۋدارا باستاعان.
