سۇحبات • 06 ماۋسىم, 2024
مەملەكەت ءۇشىن تارتىپتەن اسقان تىرەك جوق
ىشكى ىستەر سالاسىن رەفورمالاپ, «جۇرتقا جاقىن پوليتسيا» قاعيداتىن قالىپتاستىرۋعا جاسالعان قادام ءبىراز باستاماعا نەگىز قالادى. وسى جىلعى قاڭتار ايىندا وتكەن ىشكى ىستەر مينيسترلىگىنىڭ كەڭەيتىلگەن القا وتىرىسىندا مەملەكەت باسشىسى قىلمىسپەن كۇرەسۋ جانە قوعامدىق ءتارتىپتى ساقتاۋ جاۋاپكەرشىلىگى وتە ۇلكەن جۇمىس ەكەندىگىن, ەلىمىزدىڭ ءاربىر ازاماتى ءوزىن قاۋىپسىز سەزىنۋى ءۇشىن قۇقىق قورعاۋ جۇيەسى ۇيلەسىمدى ءارى ءتيىمدى جۇمىس ىستەۋى قاجەتتىگىن اتاپ ءوتتى. بۇل ءۇشىن مەملەكەتتە زاڭ تالاپتارى مۇلتىكسىز ورىندالىپ, «زاڭ جانە ءتارتىپ» قاعيداتى ءبىرجولا ورنىعۋى كەرەك. وسى باعىتتا اتقارىلىپ جاتقان جۇمىس بارىسىن قىزىلوردا وبلىستىق پوليتسيا دەپارتامەنتىنىڭ باسشىسى, پوليتسيا گەنەرال-مايورى ماقسۇتحان ابىلازىموۆتەن بىلدىك.
ايماقتار • 26 ءساۋىر, 2024
سالانى تسيفرلاندىرۋدىڭ العاشقى قادامى
سىرداريا اۋدانىندا بيىلعى ەگىلەر كۇرىشتىڭ العاشقى ءدانى سەبىلدى. وسىعان بايلانىستى اۋدانداعى «ماعجان جانە ك» جشس-نىڭ ن.ءىلياسوۆ اۋلىنداعى ەگىس القابىندا «دالا كۇنى» سەمينار-كەڭەسى ۇيىمداستىرىلىپ, وعان وبلىس اكىمى نۇرلىبەك نالىباەۆ, پارلامەنت ءماجىلىسىنىڭ دەپۋتاتتارى مۇرات ابەنوۆ, مارحابات جايىمبەتوۆ, مۇرات ەرگەشباەۆ, قازاقستاننىڭ ەڭبەك ەرلەرى ابزال ەراليەۆ, يمامزادا شاعىرتاەۆ, شارۋا قوجالىقتارى وكىلدەرى مەن سالا ارداگەرلەرى قاتىستى.
ءوندىرىس • 05 ءساۋىر, 2024
قىزىلورداداعى «NP-Consulting» كومپانياسى شىعاراتىن قورعانىش كاسكالارىن ەلىمىزدىڭ ءار تۇكپىرىندەگى مۇناي, قۇرىلىس, بايلانىس سالاسىنداعى كاسىپورىندار پايدالانىپ وتىر. جەرگىلىكتى كاسىپكەر عالىم پرەكەشوۆ باسقاراتىن سەرىكتەستىك كەيىنگى جىلدارى 19 ليترلىك سۋ بوتەلكەسىنە ارنالعان قاقپاق ءوندىرۋدى دە قولعا الىپ, وڭىردەگى جەڭىل ونەركاسىپ اياسىن كەڭەيتە ءتۇستى.
تاعزىم • 04 ءساۋىر, 2024
قازاقتىڭ تالاي قابىرعالى ازاماتى تۋىپ-وسكەن سىردىڭ بويىندا وسى كۇنگە دەيىن ناعىز باعاسىن الىپ بولماعان قايراتكەرلەر از ەمەس. سولاردىڭ العاشقىسى رەتىندە لاپيندەر اۋلەتىن ايتقان بولار ەدىك. قىزىلوردا قالاسىنا جاقىن قوعالىكول ءوڭىرىن مەكەن ەتكەن لاپى بالاسى مۇڭايتپاستان تاراعان 19 ۇل-قىزدىڭ دەنى قازاققا قالتقىسىز قىزمەت ەتتى. ۇلت ونەرى مەن مادەنيەتىندە وشپەيتىن ءىز قالدىردى. كەڭتۇپ بولىسىن باسقارىپ, بالالارىن شەتەلدە وقىتقان, وسى وڭىردە 1903 جىلى ەۋروپالىق مەكتەپ اشقان مۇڭايتپاس ىشكەنگە ءماز, جەگەنگە توق بايلاردىڭ قاتارىنان ەمەس ەدى. ورەسى كوز الدىنداعى مالىنىڭ ورىسىنەن ۇزاي قويماعان كەي قاتارلارى ونىڭ سىرتىنان «مۇڭايتپاستىڭ ءيتى دە ورىسشا ۇرەدى», دەپ كۇڭكىلدەسەتىن كورىنەدى.
قوعام • 27 ناۋرىز, 2024
مەملەكەتتىك قىزمەتتەگى ماڭىزدى باستاما
مەملەكەتتىك قىزمەت سالاسىن رەفورمالاۋ – قازىرگى كۇننىڭ باستى تالابى. جالپى باسقارۋشىلىق, قۇقىق قورعاۋشىلىق, الەۋمەتتىك-مادەني سەكىلدى مەملەكەتتىك مىندەتتەردى اتقاراتىن سالا قىزمەتى 2015 جىلعى 23 قاراشاداعى «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭمەن رەتتەلىپ وتىرادى. سالادا جۇرگىزىلىپ جاتقان رەفورمانىڭ كوزدەگەنى – مەملەكەتتىك قىزمەتشىنىڭ كاسىبي-تۇلعالىق بولمىسىن جەتىلدىرىپ, وسى ارقىلى مەملەكەتتىك باسقارۋدىڭ جاڭا مادەنيەتىن قالىپتاستىرۋ.
وتباسى • 18 ناۋرىز, 2024
ۇلىستىڭ ۇلى كۇنى قارساڭىنداعى «شاڭىراق كۇنى» وبلىس ورتالىعى مەن ءار اۋداندا اتالىپ ءوتتى. وسى كۇنى جاستاردىڭ نەكە قيۋ سالتاناتى وتكىزىلىپ, كوپكە سىيلى اقساقالدار باتا بەردى. باس قوسقاندارىنا جارتى عاسىر بولعان وتباسىلار ءۇشىن «التىن شاڭىراق», 25 جىل وتاسقاندار اراسىندا «كۇمىس كەرەگە» بايقاۋلارى ۇيىمداستىرىلىپ, جەڭىمپازدارعا باعالى سىيلىقتار تابىستالدى. دۇنيە ەسىگىن اشقان سابيلەردىڭ اناسىنا «ناۋرىز-بازارلىق» ەستەلىك سىيلىقتارى بەرىلدى.
كورمە • 17 ناۋرىز, 2024
كوپتى تامساندىرعان «kilem art»
جاڭا مازمۇندا تويلاناتىن ناۋرىز مەرەكەسى قارساڭىنداعى «مادەنيەت جانە ۇلتتىق سالت-ءداستۇر» كۇنى اياسىندا قىزىلوردا قالاسىنداعى س.ايتباەۆ اتىنداعى كوركەمسۋرەت گالەرەياسىندا قازاقستان سۋرەتشىلەر وداعىنىڭ مۇشەسى, كرەاتيۆ-سۋرەتشى داۋلەتبەك تويشىباەۆتىڭ «Kilem اrt» اتتى كورمەسى كوپ نازارىن اۋداردى.
ءبىلىم • 15 ناۋرىز, 2024
قىزىلوردا وبلىسىندا «جايلى مەكتەپ» ۇلتتىق جوباسى اياسىندا 12 300 ورىنعا ارنالعان 21 مەكتەپ سالۋ جوسپارلانعان. بيىل تاپسىرىلاتىن 10 مەكتەپتىڭ مەردىگەرى انىقتالىپ, توعىزىنىڭ قۇرىلىسى ءجۇرىپ جاتىر.
ايتىس • 12 ناۋرىز, 2024
سىردىڭ بويىندا «رۋحانيات جىلىنىڭ» رەسمي باستالۋىنا وراي ايتەكە ءبيدىڭ 380 جىلدىعىنا ارنالعان ء«ادىل ءسوزدىڭ الداسپانى» اتتى قىزىلوردا وبلىسى مەن شىمكەنت قالاسى اقىندارىنىڭ اراسىندا كوماندالىق ايتىس ءوتتى. اتادان مۇرا بولىپ قالعان ءداستۇرلى ونەر سوناۋ سەكسەنىنشى جىلدارى الداسپانداي جارق ەتىپ ساحناعا قايتا شىققان ساتتە الماتىدان باستاپ ءار وڭىردە كوماندالىق اقىندار ايتىسى داۋىرلەگەن بولاتىن. كەيىننەن ۇمىتىلعان وسى ءداستۇر اراعا تالاي جىل سالىپ سىر تورىندە تاعى ءبىر جاڭعىردى.
ءوندىرىس • 11 ناۋرىز, 2024
«قازالى» كامپيتى – ءباسى جوعارى ءتاتتى ءونىم
سىردان سىرتقا جول تارتقان اعايىننىڭ ەلدىڭ ءدامى رەتىندە كۇرىش پەن «قازالى» كامپيتىن قولىنا ىلە كەتەتىنى – بۇرىننان بار ءۇردىس. وسىدان بولار, باسقا ايماق تۇرعىندارى اراسىندا دا وسى كۇنى قازالىدان شىعاتىن ءتاتتىنى اڭساپ وتىراتىندار كوبەيگەن. قىزىلوردادان وزگە وڭىرلەرگە ساپارعا شىققانداردىڭ دا الدىنا جايىلعان داستارقانداعى تاتتىلەر اراسىنان «قازالى» كامپيتىن كوزى شالسا, ەسكى تانىسىن كورگەندەي ەلجىرەي قالاتىنى تاعى راس.
