الماتى • 21 مامىر, 2023
مەرەكە ءتۇن اۋعانشا تولاستامادى
ءبىر كۇندىك اكتسيا الماتىدا دا ءساتتى ءوتتى. مۋزەيى كوپ شاھاردىڭ تۇرعىندارى بۇل مەرەكەنى اسىعا كۇتەدى. رۋحانياتتىڭ باعا جەتپەس بايلىعىن كوزدىڭ قاراشىعىنداي ساقتاپ, ونەر مەن مادەنيەتتىڭ شىراقشىسى مىندەتىن ابىرويلى اتقارىپ, كاسىبي مەرەكەسىن بۇكىلحالىقتىق ايتۋلى شاراعا اينالدىرا بىلگەن مۋزەي قىزمەتكەرلەرى بۇل كۇنى كەلگەندەرگە ەسىگىن اقىسىز ايقارا اشادى.
پىكىر • 17 مامىر, 2023
باسقا جاقتى بىلمەيمىز, الماتىدا ادام سەنبەيتىن جاعداي. تەاترعا بيلەت تابۋ قيىن, سپەكتاكلدىڭ ءبارى انشلاگپەن جۇرەدى, زال اۋزى-مۇرنىنان شىعىپ وتىرادى. سپەكتاكل بولاتىن كۇنى كورەرمەننىڭ كاسساعا كەلە سالىپ, بيلەتتى الا سالىپ, ورىن تاۋىپ وتىرا سالۋى ارمانعا اينالعان. كەيبىر سپەكتاكلگە اي بۇرىن قامدانباساڭ, كاسسا بىتكەن جىلان جالاعانداي, بيلەتتەر ءاپ-ساتتە ساتىلىپ كەتەدى. بۇعان ارا-تۇرا شەتەلدەن گاسترولگە كەلەتىن الەمدىك دەڭگەيدەگى تەاترلاردىڭ ايگىلى قويىلىمدارىنا كورەرمەننىڭ 50-60 مىڭ تەڭگەگە بيلەت تاپپاي اباي اتىنداعى وپەرا جانە بالەت تەاترىنىڭ الدىندا سەڭدەي سوعىلىسىپ جۇرەتىنىن قوسىڭىز.
قوعام • 14 مامىر, 2023
ۇلت تاعدىرىن سۋرەتتەگەن جازۋشى
ءال-فارابي اتىنداعى قازاق ۇلتتىق ۋنيۆەرسيتەتىندە كورنەكتى جازۋشى-دراماتۋرگ, اۋدارماشى, قوعام قايراتكەرى راحمەتوللا رايىمقۇلوۆتىڭ تۋعانىنا 110 جىل تولۋىنا وراي «راحمەتوللا رايىمقۇلوۆتىڭ ادەبي مۇراسى: كوركەمدىك جانە ۇلتتىق مىنەز» اتتى عىلىمي تاجىريبەلىك كونفەرەنتسيا بولىپ ءوتتى. مەرەيتوي قارساڭىندا قازۇۋ-ءدىڭ جۋرناليستيكا فاكۋلتەتىنىڭ ۇيىمداستىرۋىمەن ۇلتتىق ادەبيەتتىڭ بەدەلىن كوتەرىپ, جاستاردىڭ ادەبيەتكە قىزىعۋشىلىعىن ارتتىرۋ ماقساتىندا جاريالانعان رەسپۋبليكالىق ادەبي بايقاۋدىڭ قورىتىندىسى ءمالىم بولدى.
قوعام • 06 مامىر, 2023
وتاندى ءسۇيۋ, دوستىقتى ايالاۋ, ماحابباتقا ادالدىقتىڭ اسقان ۇلگىلەرىن دارىپتەگەن مايدانگەر قالامگەرلەر شىعارماشىلىعى اراسىندا ەكىنشى دۇنيەجۇزىلىك سوعىستىڭ داڭقتى پارتيزانى, حالىق قاھارمانى قاسىم قايسەنوۆتىڭ پۋبليتسيستيكاسى ايرىقشا ورىن الادى.
ادەبيەت • 06 مامىر, 2023
«قانشا ءۇيدىڭ ۇرلاپ ادامىن...»
سالالى شىعارماشىلىعىنىڭ ارنالى ارقاۋىن سوعىس تاقىرىبىمەن بايلانىستىرعان اقىنداردىڭ ءبىرى دە بىرەگەيى, جىر تۇلپارى, ۇلتتىق پوەزيانىڭ كلاسسيگى سىرباي ماۋلەنوۆ بولدى. سوعىستى كورىپ وسكەن ۇرپاقتىڭ شىعارماشىلىعىنىڭ قاينار كوزى مايدان جىلدارىنىڭ ازابى مەن قاسىرەتى بولسا كەرەك. بار بولعانى 18 جاسىندا وتانىن قورعاۋعا اتتانعان سىرباي اقىننىڭ مايدان تاقىرىبىنا جالىندى جىر ارناۋى زاڭدىلىق.
تۇلعا • 04 مامىر, 2023
تولقىنعا قارسى جۇزگەن دولكۋنتاي
ەلىمىزدى مەكەندەگەن بارلىق ەتنوستار سياقتى قازاقستان ۇيعىرلارىنىڭ رەسپۋبليكالىق ەتنومادەني بىرلەستىگى دە مەملەكەتىمىزدىڭ ەكونوميكالىق, مادەني دامۋىنا, ەتنوسارالىق كەلىسىمدى نىعايتۋعا ءوز ۇلەسىن قوسىپ كەلەدى.
پىكىر • 25 ءساۋىر, 2023
قامىستى بوس ۇستاساڭ, قولىڭدى كەسەدى
بىرەۋگە ەلىكتەپ, ءپىر تۇتپاسا جۇرە المايتىن ءجاسوسپىرىم شاقتىڭ الەگىندە ايگىلى لەۆ تولستوي الدەبىر كىتاپتى وقىپ الىپ اسەرلەنگەنى سونشا, تۇرىنە ءسان بەرىپ تۇرعان قياقتاي قاسىن شىعارماداعى باس كەيىپكەر سەكىلدى شىرپى جاعىپ, ورتەپ جىبەرىپتى.
تەاتر • 25 ءساۋىر, 2023
ماعجان مەن زىليحا ماحابباتى – كورەي ساحناسىندا
الاشقا ادال قىزمەت ەتكەن اردا ارىستاردىڭ الىستا قالعان قاسىرەتتى تاعدىرىن ساحنا تىلىندە سۋرەتتەۋ قادامىنىڭ قايسىسى دا كورەرمەن تاراپىنان ىقىلاسسىز قالعان ەمەس. پوەزياسىندا ماحابباتقا ايرىقشا ورىن بەرىپ, سەزىم مەن سۇيىسپەنشىلىكتى تامىلجىتا جىرلاۋدان تالماي كەتكەن ماعجان جۇماباەۆ پەن جان جارى زىليحانىڭ ماحابباتىن بايانداعان الماتىداعى مەملەكەتتىك كورەي مۋزىكالىق دراما تەاترىنىڭ «ايەل ماحابباتى» سپەكتاكلى جينالعان كوپۇلتتى كورەرمەننىڭ كوڭىلىن ءبىر-اق ساتتە باۋراپ الدى. «كوزبەن كورىپ, ىشپەن بىلەتىن» ماحابباتتىڭ ءتىلىن ءتۇسىنۋ ءۇشىن ءتارجىمانىڭ كەرەگى دە جوق. باستىسى, ايەلدىڭ مولدىرەگەن تازا سەزىمى بار, مازداعان وت, جارعا دەگەن ادالدىق بار.
تەاتر • 19 ءساۋىر, 2023
ادامزات ىزگىلىككە ۇمتىلماسا, اقىرزامان باستالادى
ايگىلى شىڭعىس ايتماتوۆتىڭ «كاسساندرا تاڭباسى» رومانى ءوز ۋاقىتىندا ادەبيەتكە دۇبىرلەپ كەلگەنى, جاڭا شىعارمانىڭ جارىققا شىعا سالا «جان پيدا», «عاسىردان دا ۇزاق ءتۇن» شىعارمالارىمەن قاتار اتالا باستاعانى ەسىمىزدە. الەمنىڭ ورەسى بيىك وقىرمانى ادامزات الدىندا تۇرعان ەكولوگيا جانە رۋحاني اپاتقا قارسى ازاماتتىق-جازۋشىلىق پارىزبەن ءۇن قوسقان وزگەشە ينتەللەكتۋالدىق-فيلوسوفيالىق شىعارما ەكەنىن تانىپ, وزەكتىلىگىنە ءمان بەرسە, ەندى ءبىرى ءدىني-ميفولوگيالىق ماڭىزىنا سوققى بەرىپ, فانتاستيكالىق-ميستيكالىق سارىنى توڭىرەگىندەگى سىني پىكىرىن جارىسا جاريالاپ جاتتى. بۇل شىعارماشىلىعىن جەڭىل دۇنيەمەن شيىرلامايتىن كەمەل ش.ايتماتوۆتىڭ «ۇلتتىق» دەگەن دەڭگەيدەن بيىكتەپ, الەمدىك ىزگىلىكتى, جالپىادامزاتتىق قۇندىلىقتى قاۋزاپ جۇرگەن تولىسقان شاعى-تىن.
كورمە • 17 ءساۋىر, 2023
«پەرىشتە ءىزى» – شەبەر مەن شاكىرت تارتۋى
اتا-بابادان مۇرا بولىپ كەلگەن ءتورت ت ۇلىكتىڭ پاديشاسى جىلقى جانۋارىنىڭ ءا.قاستەەۆ اتىنداعى ونەر مۋزەيىنىڭ كەڭ زالىنا ءۇيىر-ۇيىرىمەن جوسىلا كەلگەن ءساتىن الماتىلىقتار العاش رەت كوردى. «ىشسە – سۋسىن, جەسە – ازىق, مىنسە – كولىك» قامبار اتا ت ۇلىگى قىلقالام شەبەرلەرىنىڭ سۋرەتتەۋىندە ءار قىرىنان اشىلىپ, ءبىر تاقىرىپتى جىرلاۋدىڭ مۇنشاما مول باي ۇلگىسىنە ەرىكسىز ءتانتى بولدى. جاعالاتا ىلىنگەن كارتينالارداعى مولدىرەگەن جىلقىنىڭ جانارىنا قاراعان ادامنىڭ بويىنا قانات ءبىتىپ, جۇرەگىندە رۋح وياندى. باۋىر ەتى بالاسىنا «ق ۇلىنىم» دەپ ەمىرەنگەن قازاق پەن جىلقىنىڭ ورتاق قاسيەتىن, جاقىندىعىن سەزىندىرگەن كورمە «Izder Iv/پەرىشتە ءىزى» دەپ اتالادى.
