سپورت • 10 قازان, 2024
بۇكىلالەمدىك بوكس ۇيىمى (WBO) ورتا سالماقتاعى WBO مەن IBF نۇسقاسى چەمپيوندىق ءتاجىنىڭ يەگەرى جانىبەك ءالىمحان ۇلىن (16-0, 11 كو) ۇلىبريتانيانىڭ ءدۇلد ۇلى حامزا شيرازبەن جۇدىرىقتاسۋدى مىندەتتەدى. قازىرگى كەزدە لوندوننىڭ ىرگەسىندەگى يلفورت قالاسىنىڭ تۋماسى EBU European مەن WBC Silver دەپ اتالاتىن ورتاڭقول نۇسقالاردىڭ التىن بەلبەۋىنە يە. بىراق شيرازبەن ساناسپاۋعا بولمايدى. 21 كەزدەسۋدىڭ بارلىعىن جەڭىسپەن اياقتاپ, 17 قارسىلاسىن نوكاۋتقا جىبەرگەن حامزا – وتە قارۋلى جىگىت.
سۇحبات • 23 تامىز, 2024
قازاق بوكسىنا تۇبەگەيلى وزگەرىس قاجەت - باقىت سارسەكباەۆ
بوكسشى باقىت سارسەكباەۆتىڭ ەسىمى قازاق جانكۇيەرلەرىنە جاقسى تانىس. 2008 جىلى بەيجىڭدەگى وليمپيا ويىندارىندا وتاندىق بىلعارى قولعاپ شەبەرلەرى اراسىنان جالعىز ءوزى باس جۇلدەنى ولجالاپ, ەلىمىزدىڭ ءانۇرانىن شىرقاتتى. ودان بولەك, قانداسىمىزدىڭ ازيا ويىندارىنىڭ جەڭىمپازى (2006 جىلى), ازيادانىڭ قولا جۇلدەگەرى (2002), قۇرلىقتىڭ ءۇش دۇركىن چەمپيونى (2002, 2005, 2007) دەگەن اتاقتارى تاعى بار. سول تابىسىنىڭ ارقاسىندا «قازاقستاننىڭ ەڭبەك سىڭىرگەن سپورتشىسى» اتاعىن الىپ, ءى دارەجەلى «بارىس» وردەنىمەن ماراپاتتالدى. سودان كەيىن ءبىراز ۋاقىت ەلىمىزدە جاتتىقتىرۋشى بولىپ قىزمەت ەتتى. تاياۋدا عانا بوكسشىمەن تىلدەسۋدىڭ ءساتى ءتۇسىپ, پاريج وليمپياداسىنداعى قازاق بوكسشىلارىنىڭ ونەرى اڭگىمەمىزدىڭ ارقاۋىنا اينالدى.
سپورت • 22 تامىز, 2024
پاريج وليمپياداسى تۇسىندا باس باسىلىمدا وسى باسەكەلەردىڭ بارىسى جونىندە قۇلاش-قۇلاش ماقالالار جارىق كوردى. مۇندا نەگىزىنەن ۇلتتىق قۇراما مۇشەلەرىنىڭ ناتيجەلەرىنە باسا نازار اۋداردىق. ال بۇگىن وزگە مەملەكەتتەردە قاي سپورت تۇرلەرىنە باسىمدىق بەرىلگەنىن انىقتاۋ ماقساتىندا ارقايسىسىنا جەكە-جەكە توقتالۋدى ءجون كوردىك.
سپورت • 15 تامىز, 2024
ەركىن كۇرەستە ەسەمىز كەتىپ ءجۇر
پاريج وليمپياداسىندا ەركىن كۇرەستەن قازاقستاننىڭ ۇلتتىق قۇراماسىنا بىردە-ءبىر جۇلدە بۇيىرماعانى, ارينە, وكىنىشتى. سەنىم ارتقان ءتورت بالۋان باستاپقى باسەكەلەرىندە جەڭىلىستىڭ كەرمەك ءدامىن تاتىپ, ەلگە ەڭسەسى تۇسكەن كۇيدە ورالدى. بىراق ودان جارىستىڭ قىزىعى مەن شىجىعى ەش كەمىگەن جوق. بارشا جانكۇيەر الەمنىڭ ءار قيىرىنان كەلگەن ساقا سپورتشىلار مەن دارىندى جاستاردىڭ «جان الىسىپ, جان بەرىسكەن» ايقاستارىن تاماشالاپ, سولاردىڭ ورەلى ونەرىنەن كەرەمەت اسەر الدى.
سپورت • 14 تامىز, 2024
پاريج وليمپياداسىنداعى گرەك-ريم كۇرەسى شەبەرلەرىنىڭ ايقاسىن تاماشالاي وتىرىپ نەبىر كەرەمەت كورىنىستەردىڭ كۋاسى بولدىق. وسى جارىستا بىرقاتار سەنساتسيالىق ناتيجە تىركەلدى. چەمپيوندار تۇعىردان تايىپ, ولاردىڭ ورنىن باسقا بالۋاندار باستى. كەيبىر سالماقتاعى ساقا سپورتشىلار ءوزىنىڭ مىقتىلىعىن كەزەكتى رەت مويىنداتتى. كەيبىر كوكجالدار سۇرەڭسىز ونەر كورسەتىپ, قالىڭ توپتىڭ اراسىندا قالىپ قويدى.
وليمپيادا • 13 تامىز, 2024
پاريج وليمپياداسى: جەتىستىگىمىز – جەتى جۇلدە
فرانتسيا استاناسى پاريجدە وتكەن ءححىىى جازعى وليمپيا ويىندارى اياقتالدى. 17 تاۋلىك بويى جەر-جاھاندى دۇبىرگە بولەگەن بايراقتى باسەكەگە 206 مەملەكەتتەن كەلگەن 10 714 سپورتشى قاتىستى. تارقاتىپ ايتساق, افريكادان – 51, ەۋروپادان – 48, ازيادان – 44, امەريكادان – 17 جانە مۇحيت جاعالاۋىنان 17 ەلدىڭ وكىلدەرى شەبەرلىك بايقاستى. بۇعان قوسا باق سىناۋشىلار قاتارىندا بەيتاراپ سپورتشىلار مەن بوسقىندار كومانداسى بولدى. «وليمپيادالىق ءبىتىم» دەپ اتالاتىن كونەدەن كەلە جاتقان اتا ءداستۇردى بۇزعانى ءۇشىن رەسەي مەن بەلارۋستىڭ جارىسقا قاتىسۋىنا قاتاڭ شەكتەۋ قويىلدى. ۇمىتكەرلەر 32 سپورت ءتۇرى بويىنشا 329 مەدال جيىنتىعىن ساراپقا سالدى. ال كەيىنگى ءۇش كۇندە ەلىمىزدىڭ ورەندەرى قالاي ونەر كورسەتتى؟ بۇگىنگى ماقالامىزدى وسىدان باستاساق.
سپورت • 06 تامىز, 2024
ەلدوستىڭ ەرلىگى جانە ساڭلاقتاردىڭ سان سوققان كۇنى
دزيۋدوشىلار پاريج وليمپياداسىن اياقتادى. بۇل قازاقستان ءۇشىن تاريحي ويىندار بولدى. ويتكەنى بۇعان دەيىن ەلىمىزدىڭ بىردە-ءبىر تاتامي شەبەرى اتالعان جارىستىڭ التىن تۇعىرىنا كوتەرىلگەن ەمەس. ونداي ەرلىك جاساۋعا اسا جەڭىل سالماقتاعى ەلدوس سمەتوۆتىڭ كۇش-جىگەرى مەن قارىم-قابىلەتى جەتتى. وسىعان دەيىن وتاندىق دزيۋدو تاريحىندا جاستار اراسىنداعى تۇڭعىش الەم چەمپيونى جانە ازيا ويىندارىنىڭ جەڭىمپازى, وسى سپورت ءتۇرىن سەرىك ەتكەن قازاق بالۋاندارى اراسىنداعى تۇڭعىش الەم چەمپيونى رەتىندە ەسىمى سپورتتىق شەجىرەدە التىن ارىپتەرمەن جازىلعان ەلدوس فرانتسيانىڭ باس شاھارىندا تاعى ءبىر تاريحتا قالاتىنداي ۇلكەن ءىس تىندىردى. احمەت جۇماعۇلوۆ پەن عالىمجان جىلكەلديەۆ شاكىرتىنىڭ تابىسىنا كۇللى الاش جۇرتى شاتتانا قۋاندى. ەندى سمەتوۆتىڭ قورجىنىندا وليمپيادانىڭ تولىق جۇلدە جيىنتىعى بار. اتاپ ايتساق, ول 2016 جىلى ريودا – كۇمىس, 2021 جىلى توكيودا – قولا, 2024 جىلى پاريجدە التىن مەدالدى موينىندا جارقىراتتى.
وليمپيادا • 06 تامىز, 2024
سەنبىنىڭ كەشىندە پاريج وليمپياداسىن تاماشالاعان سان ميلليون جانكۇيەردى ناريمان قۇربانوۆ قۋانتتى. سپورتتىق گيمناستيكانىڭ ات جاتتىعۋى بويىنشا سىنعا تۇسكەن ساڭلاق كۇمىس مەدالدى ولجالادى. بۇل – سپورتتىڭ وسى ءتۇرى بويىنشا وتانداستارىمىزدىڭ تاۋەلسىزدىك العان كەزەڭنەن بەرگى وليمپيا ويىندارىنىڭ العاشقى جۇلدەسى.
سپورت • 28 ماۋسىم, 2024
بوكسشىلار قورجىنى بوس قايتپايدى
فرانتسيانىڭ باس شاھارىندا الاۋى تۇتاناتىن XXXIII جازعى وليمپيا ويىندارىندا بوكستان ەلىمىزدىڭ ەرلەر قۇراما كومانداسىنىڭ مۇشەلەرى بارلىق جەتى سالماق دارەجەسىندە كۇش سىناسادى. جانكۇيەرلەر بوكسشىلارىمىزدان اركەز تەك جوعارى ناتيجە كۇتەتىنى ءسوزسىز. بۇل جولى پاريجدە دە ۇكىلى ءۇمىتىمىز اقتالادى دەپ ويلايمىز.
وليمپيادا • 21 ماۋسىم, 2024
جەتى وليمپيادادا – 70 جۇلدە. از با, كوپ پە؟
وليمپيا ويىندارىنا قاتىسىپ, ءتورت جىلدا ءبىر وتەتىن عالامدىق دودادا جەڭىس تۇعىرىنا كوتەرىلۋ – ءار سپورتشىنىڭ اسقاق ارمانى ءارى ومىرلىك ۇستانىمى. ەلىمىزدىڭ ساڭلاقتارىنا دا وسىنداي باق سان مارتە بۇيىردى. الايدا ارادا ءبىراز ۋاقىت وتكەننەن سوڭ رۇقسات ەتىلمەگەن ءدارى-دارمەكتى پايدالانعانى ءۇشىن جازالانىپ جاتقاندار دا بار. سول سەبەپتى وليمپيادا دا العان جۇلدەلەرگە كەيدە وزگەرىس ەنىپ جاتادى. بۇگىنگى ماقالامىزدا 1996-2021 جىلدار وتكەن جازعى وليمپيا ويىندارىندا العان جۇلدەلەرىمىزدى قايتا ساراپتاپ كورگەندى ءجون ساناپ وتىرمىز.
