قازاقستان رەسپۋبليكاسى ۇكىمەتىنىڭ قاۋلىسى  №262

2016 جىلعى 30 ءساۋىر, استانا, ۇكىمەت ءۇيى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن ورتا ءبىلىم بەرۋ ۇيىمدارىن جان باسىنا شاققانداعى قارجىلاندىرۋدى سىناقتان وتكىزۋگە بەرىلەتىن اعىمداعى نىسانالى ترانسفەرتتەردى پايدالانۋ قاعيدالارىن بەكىتۋ تۋرالى «2016 - 2018 جىلدارعا ارنالعان رەسپۋبليكالىق بيۋدجەت تۋرالى» 2015 جىلعى 30 قاراشاداعى قازاقستان رەسپۋبليكاسىنىڭ زاڭى 15-بابىنىڭ 10) تارماقشاسىنا سايكەس قازاقستان رەسپۋبلي­كاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن ورتا ءبىلىم بەرۋ ۇيىمدارىن جان باسىنا شاققانداعى قارجىلاندىرۋدى سىناقتان وتكىزۋگە بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى بەكىتىلسىن. 2. اقمولا, اقتوبە, الماتى, شىعىس قازاقستان جانە وڭتۇستىك قازاقستان وبلىستارىنىڭ اكىمدەرى: 1) بولىنگەن اعىمداعى نىسانالى ترانسفەرتتەردىڭ ۋاقتىلى جانە ماقساتتى پايدالانىلۋىن; 2) قازاقستان رەسپۋبليكاسى ءبىلىم جانە عىلىم مينيسترلىگىنە ەسەپتى ايدان كەيىنگى ايدىڭ 5-كۇنىنە دەيىن بولىنگەن اعىمداعى نىسانالى ترانسفەرتتەردىڭ پايدالانىلۋى تۋرالى ەسەپتەر بەرۋدى قامتاماسىز ەتسىن. 3. قازاقستان رەسپۋبليكاسى ءبىلىم جانە عىلىم مينيسترلىگى اقمولا, اقتوبە, الماتى, شىعىس قازاقستان جانە وڭتۇستىك قازاقستان وبلىستارى بيۋدجەتتەرىنىڭ رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردى پايدالانۋىن مونيتورينگتەۋدى قامتاماسىز ەتسىن. 4. وسى قاۋلى 2016 جىلعى 1 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ق.ءماسىموۆ قازاقستان رەسپۋبليكاسى ۇكىمەتىنىڭ 2016 جىلعى 30 ساۋىردەگى №262 قاۋلىسىمەن بەكىتىلگەن وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن ورتا ءبىلىم بەرۋ ۇيىمدارىن جان باسىنا شاققانداعى قارجىلاندىرۋدى سىناقتان وتكىزۋگە بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى 1. وسى وبلىستىق بيۋدجەتتەردىڭ, استانا جانە الماتى قالالارى بيۋدجەتتەرىنىڭ 2016 جىلعا ارنالعان رەسپۋبليكالىق بيۋدجەتتەن ورتا ءبىلىم بەرۋ ۇيىمدارىن جان باسىنا شاققانداعى قارجىلاندىرۋدى سىناقتان وتكىزۋگە بەرىلەتىن اعىمداعى نىسانالى ترانسفەرتتەردى پايدالانۋ قاعيدالارى (بۇدان ءارى - قاعيدالار) 099 «ساپالى مەكتەپ بىلىمىنە قولجەتىمدىلىكتى قامتاماسىز ەتۋ» رەسپۋبليكالىق بيۋدجەتتىك باعدارلاماسى 110 «وبلىستىق بيۋدجەتتەرگە, استانا جانە الماتى قالالارىنىڭ بيۋدجەتتەرىنە ورتا ءبىلىم بەرۋ ۇيىمدارىن جان باسىنا شاققانداعى قارجىلاندىرۋدى سىناقتان وتكىزۋگە بەرىلەتىن اعىمداعى نىسانالى ترانسفەرتتەر» كىشى باعدارلاماسى بويىنشا وبلىستاردىڭ بيۋدجەتتەرىنە رەسپۋبليكالىق بيۋدجەتتەن بولىنەتىن نىسانالى اعىمداعى ترانسفەرتتەردى (بۇدان ءارى - نىسانالى ترانسفەرتتەر) پايدالانۋ ءتارتىبىن ايقىندايدى. 2. وسى قاعيدالاردا مىناداي ۇعىمدار پايدالانىلادى: 1) ءبىلىم بەرۋ پروتسەسى - ءبىلىم بەرۋ قىزمەتىن جۇزەگە اسىراتىن ۇيىم ىسكە اسىراتىن ءبىلىم بەرۋ باعدارلامالارىن ىسكە اسىرۋ شەڭبەرىندە پەداگوگيكالىق تۇرعىدا نەگىزدەلگەن وقىتۋ, تاربيەلەۋ جانە دامىتۋ پروتسەسى; 2) ىنتالاندىرۋ قۇراۋىشى - جان باسىنا نورماتيۆتىك قارجىلاندىرىلاتىن ورتا ءبىلىم بەرۋ ۇيىمدارىنىڭ پەداگوگ قىزمەتكەرلەرىنە كورسەتىلەتىن ءبىلىم بەرۋ قىزمەتىنىڭ ساپاسى مەن قىزمەت ناتيجەلەرىنە قاراي سىيلىقاقىلار تولەۋگە جانە ىنتالاندىرۋ ۇستەمەاقىلارىن بەلگىلەۋگە, سونداي-اق ورتا ءبىلىم بەرۋ ۇيىمدارىنىڭ ءبىلىم بەرۋ پروتسەسىنە بايلانىستى باسقا دا قاجەتتىلىكتەردى وتەۋگە كوزدەلگەن رەسپۋبليكالىق بيۋدجەت قاراجاتى. 3. وبلىستىق بيۋدجەتتەرگە ورتا ءبىلىم بەرۋ ۇيىمدارىن جان باسىنا شاققانداعى قارجىلان­دىرۋدى سىناقتان وتكىزۋگە بولىنگەن اعىمداعى نىسانالى ترانسفەرتتەردى پايدالانۋ قازاقستان رەسپۋبليكاسىنىڭ بيۋدجەت زاڭناماسىندا بەلگىلەنگەن تارتىپپەن جۇزەگە اسىرىلادى. 4. نىسانالى ترانسفەرتتەر: 1) جۇمىس بەرۋشىنىڭ جارنالارىن ەسكەرە وتىرىپ, جان باسىنا قارجىلاندىرىلاتىن 10-11-سىنىپتاردا ءبىلىم بەرۋ پروتسەسىنە قاتىساتىن ورتا ءبىلىم بەرۋ ۇيىمدارىنىڭ قىزمەتكەرلەرىنە جالاقى تولەۋگە; 2) 10-11-سىنىپتاردا ءبىلىم بەرۋ پروتسەسىنە قاتىساتىن قىزمەتكەرلەردىڭ جىل سايىنعى اقى تولەنەتىن ەڭبەك دەمالىسىنا ءبىر لاۋازىمدىق جالاقى مولشەرىندەگى ساۋىقتىرۋعا ارنالعان جاردەماقىلاردى تولەۋگە جۇمسالاتىن شىعىستار; 3) 10-11-سىنىپتاردىڭ ءبىر وقۋشىسىنا اعىمداعى قارجى جىلىنا بەلگىلەنگەن كەمىندە ءبىر ايلىق ەسەپتىك كورسەتكىش ەسەبىنەن وقۋ شىعىستارىن (قوسىمشا وقۋلىقتار, وقۋ-ادىستەمەلىك كەشەندەر, وقۋ, كورنەكىلىك ماتەريالدار جانە قۇرالدار) تولەۋگە; 4) قاعيدالاردىڭ وسى تارماعىنىڭ 1), 2) جانە 3) تارماقشالارىندا كوزدەلگەن قارجىلاندىرۋدىڭ جالپى كولەمىنىڭ ون پايىزى مولشەرىندە ىنتالاندىرۋ قۇراۋىشىنىڭ ەسەبىنەن 10-11-سىنىپتاردا ءبىلىم بەرۋ پروتسەسىنە قاتىساتىن پەداگوگ قىزمەتكەرلەرگە كورسەتىلەتىن ءبىلىم بەرۋ قىزمەتىنىڭ ساپاسى مەن قىزمەت ناتيجەلەرىنە قاراي ىنتالاندىرۋ ۇستەمەاقىلارى مەن سىيلىقاقىلاردى تولەۋگە جانە ورتا ءبىلىم بەرۋ ۇيىمدارىنىڭ 10-11-سىنىپتارداعى ءبىلىم بەرۋ پروتسەسىنە بايلانىستى مۇقتاجدىقتارىن وتەۋگە پايدالانىلادى. ورتا ءبىلىم بەرۋ ۇيىمىنىڭ ءبىلىم بەرۋ پروتسەسىمەن بايلانىستى مۇقتاجدىقتارىنا شىعىستاردىڭ مولشەرى ىنتالاندىرۋ قۇراۋىشىنىڭ جالپى كولەمىنىڭ ەلۋ پايىزىنان كەم بولماۋعا ءتيىس. ورتا ءبىلىم بەرۋ ۇيىمىنىڭ ءبىلىم بەرۋ پروتسەسىمەن بايلانىستى مۇقتاجدىقتارىنا: پەداگوگ قىزمەتكەرلەردىڭ ەل ىشىندە بىلىكتىلىگىن ارتتىرۋعا جانە سونىمەن بايلانىستى ءىسساپار شىعىستارىنا; عىلىمي جوبالار كونكۋرستارىن (عىلىمي جارىستار), سپورتتىق جارىستار, زياتكەرلىك جانە وزگە دە كونكۋرستار, كورمەلەر مەن باسقا دا ءىس-شارالار وتكىزۋگە جانە ولارعا وقۋشىلاردىڭ قاتىسۋىنا; وقۋ ساباقتارىن (دارىستەرىن) وتكىزۋگە, ونىڭ ىشىندە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن شاقىرىلاتىن ءبىلىم بەرۋ ۇيىمىنىڭ شتاتىندا جوق قىزمەتكەرلەردىڭ قاشىقتىقتان وقىتۋدى وتكىزۋىنە; قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وقۋ جابدىقتارىن ساتىپ الۋعا; ءبىلىم جانە عىلىم سالاسىنداعى مەرزىمدى باسىلىمدارعا جازىلۋعا; ءبىلىم بەرۋ پروتسەسىن جەرگىلىكتى بيۋدجەتتەردە كوزدەلگەن كولەمدەردەن اسىرا قامتاماسىز ەتۋ ءۇشىن ينتەرنەت قىزمەتتەرىن تولەۋگە ارنالعان شىعىستارعا ورتا ءبىلىم بەرۋ ۇيىمىنىڭ قاجەتتىلىكتەرى جاتادى; 5) وسى قاعيدالاردا كوزدەلگەن شىعىستاردى جۇرگىزۋگە بايلانىستى بانك (قارجىلىق) قىزمەتتەرىنە اقى تولەۋگە پايدالانىلادى. جالاقى مەن جۇمىس بەرۋشىنىڭ جارنالارى بويىنشا جىل بويىنشا قالىپتاسقان ۇنەم بەكىتىلگەن كولەمنىڭ ۇستىنەن وقۋ شىعىستارىن ۇلعايتۋعا عانا پايدالانىلۋى مۇمكىن. 5 قازاقستان رەسپۋبليكاسى ءبىلىم جانە عىلىم مينيسترلىگى بيۋدجەت زاڭناماسىندا بەلگىلەنگەن تارتىپپەن تولەمدەر بويىنشا جانە قارجىلاندىرۋ جوسپارلارى نەگىزىندە رەسپۋبليكالىق بيۋدجەتتەن اقمولا, اقتوبە, الماتى, شىعىس قازاقستان جانە وڭتۇستىك قازاقستان وبلىستارىنىڭ بيۋدجەتتەرىنە اعىمداعى نىسانالى ترانسفەرتتەردى اۋدارۋدى جۇرگىزەدى. 6. اقمولا, اقتوبە, الماتى, شىعىس قازاقستان جانە وڭتۇستىك قازاقستان وبلىستارىنىڭ جەرگىلىكتى اتقارۋشى ورگاندارى: 1) جەكە قارجىلاندىرۋ جوسپارلارىنا جانە وسى قاعيدالارعا سايكەس رەسپۋبليكالىق بيۋدجەتتەن بەرىلەتىن اعىمداعى نىسانالى ترانسفەرتتەردىڭ سومالارىن نىسانالى ماقساتى بويىنشا پايدالانادى; 2) قازاقستان رەسپۋبليكاسى ءبىلىم جانە عىلىم مينيسترلىگىنە 2016 جىلعا ارنالعان رەسپۋبليكالىق بيۋدجەتتەن وبلىستىق بيۋدجەتتەرگە ورتا ءبىلىم بەرۋ ۇيىمدارىنىڭ جان باسىنا قارجىلاندىرۋدى سىناقتان وتكىزۋگە بولىنگەن اعىمداعى نىسانالى ترانسفەرتتەردىڭ پايدالانىلۋى تۋرالى اي سايىن ەسەپ بەرەدى.