پولشا ۇكىمەتى تايىنشا اۋدانىنا 57 مىڭ ەۋرو ءبولدى

پەتروپاۆل. 3 مامىر. تايىنشا اۋدانىندا ونداعان ەلدى مەكەندى قارعىن سۋ باسىپ, توتەنشە جاعداي جاريالانعان بولاتىن. پولشا بيلىگى جەرگىلىكتى تۇرعىندارعا كومەك كورسەتۋ ماقساتىمەن 57 مىڭ ەۋرو ءبولدى. بۇل تۋرالى وبلىستىق قازاقستان حالقى اسسامبلەياسى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. «سولتۇستىك قازاقستاندا ۇيلەردى جوندەۋگە جانە مال ساتىپ الۋ ءۇشىن پولشا ۇكىمەتى 57 مىڭ ەۋرو بولۋگە شەشىم قابىلدادى. بۇل قاراجات ازىق-ت ۇلىكتەر مەن كيىم-كەشەك ساتىپ الۋعا باعىتتالادى ءارى ادامداردىڭ ۇلكەن توبىنا كومەكتەسۋگە مۇمكىندىك بەرەدى», – دەدى پولشانىڭ سىرتقى ىستەر ءمينيسترى يان دزەدزيچاك. سەنات سپيكەرى ستانيسلاۆ كارچەۆسكي مەن سەناتور اننا ماريا اندەرس باستاعان پولياك دەلەگاتسياسى, سونداي-اق, رەپاترياتسيالاۋ ماسەلەلەرىمەن اينالىساتىن بيلىك جانە ءتۇرلى ۇيىمداردىڭ وكىلدەرى قازاقستانعا كەلەدى دەپ كۇتىلۋدە. قازاقستاندا 34 مىڭنان استام پولياك ۇلتى ادام تۇرىپ جاتسا, باسىم بولىگى تايىنشا اۋدانىندا شوعىرلانعان. ءومىر ەسقالي. دەرەك: سولتۇستىك قازاقستان وبلىستىق قازاقستان حالقى اسسامبلەياسىنىڭ ءباسپاسوز قىزمەتى. فوتو: radiopolsha.pl.