بۇگىن قازاقستاننىڭ باسىم بولىگىندە تۇراقسىز اۋا رايى ساقتالادى

استانا. 2 مامىر. بۇگىن قازاقستاننىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى كەي ايماقتاردا جاۋىن جاۋادى, نايزاعاي ويناپ, تۇمان تۇسەدى. سونىمەن قاتار, جەلدىڭ كۇشەيۋى ساقتالادى, وڭتۇستىك وڭىردە بۇرشاق جاۋى مۇمكىن. بۇل تۋرالى ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. وڭتۇستىك قازاقستان وبلىسىنىڭ كەي جەرلەرىندە تۇندە نايزاعاي وينايدى, جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى, تۇندە ەكپىنى 23 مەتر بولادى. قوستاناي وبلىسىنىڭ كەي جەرلەرىندە نايزاعاي ويناپ, تۇندە جەل كۇشەيەدى, كۇندىز باسىم بولىگىندە جەلدىڭ جىلدامدىعى سەكۋندىنا 15-20 مەترگە دەيىن بارادى. سولتۇستىك قازاقستان, كۇندىز اقمولا, پاۆلودار, قاراعاندى, قىزىلوردا وبلىستارىنىڭ كەي جەرلەرىندە جەلدىڭ جىلدامدىعى 15-20 مەترگە دەيىن كۇشەيەدى. اتىراۋ وبلىسىنىڭ كەي جەرلەرىندە نايزاعاي, تۇمان كۇتىلەدى. ماڭعىستاۋ وبلىسىنىڭ كەي جەرلەرىندە تۇمان, كۇندىز كەي جەرلەرىندە نايزاعاي وينايدى. باتىس قازاقستان, تۇندە جانە تاڭەرتەڭ شىعىس قازاقستان  وبلىستارىنىڭ كەي جەرلەرىندە تۇمان كۇتىلەدى. الماتى وبلىسىنىڭ كەي جەرلەرىندە نايزاعاي بولادى دەپ كۇتىلەدى. شىعىس قازاقستان وبلىسىنىڭ كەي جەرلەرىندە اۋا تەمپەراتۋراى -2 گرادۋسقا دەيىن بارادى. ال اقتوبە وبلىسىنىڭ كەي جەرلەرىندە وتە جوعارى ءورت قاۋپى ساقتالادى. ايان ءابدۋالي. دەرەك: ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتى. فوتو: newsbomb.gr.