جۇرتشىلىق سەنىم ارتقان ۇيىم

سوڭعى كۇندەرى «نۇر وتان» پارتياسىنىڭ ايماقتاعى فيليال­دارى ەسەپ بەرۋ-سايلاۋ كونفەرەنتسيالارىن وتكىزىپ جاتىر. وتكەن جىلدىڭ قورىتىندىسىن شىعارىپ, جاڭا قۇرامىن سايلاپ, بولاشاق باعدارىن بەلگىلەپ الۋ پارتيانىڭ قاشاننان بەرگى ءداستۇرى. بۇل داستۇردەن سىر بويىنداعى نۇروتاندىقتار دا سىرت قالعان جوق. بۇرناعى كۇنى «نۇر وتان» حدپ قىزىلوردا وبلىستىق فيليالى ەسەپ بەرۋ-سايلاۋ كونفەرەنتسياسىن وتكىز­دى. وعان استانادان ارنايى ات ارى­تىپ «نۇر وتان» حدپ ساياسي كەڭەسى بيۋروسىنىڭ مۇشەسى, ءبىلىم جانە عىلىم ءمينيسترى باقىتجان جۇما­عۇلوۆ, پارلامەنت ءماجىلىسى­نىڭ دەپۋ­تاتى قىلىشباي بيسەنوۆ, پارلامەنت سەناتىنىڭ دەپۋتاتى باق­­بەر­گەن دوسمامبەتوۆ كەلىپ, قاتىستى. كونفەرەنتسياداعى العاشقى ءسوز قىزىلوردا وبلىسىنىڭ اكى­مى, «نۇر وتان» حدپ قىزىلوردا وبلىستىق فيليالى ساياسي كەڭەسى بيۋروسىنىڭ مۇشەسى بولاتبەك قۋاندىقوۆقا ءتيدى. ايماق باس­شىسى وبلىس شەڭبەرىندە اتقا­رىل­عان اۋقىمدى ىستەردىڭ ايتۋ­لى­لارىنا توقتالدى. بۇگىنگى «نۇر وتان» حا­لىقتىق-دەموكراتيالىق پارتيا­سى­نىڭ وب­لىس­تىق كونفەرەن­تسيا­سى ءوڭىردىڭ وركەندەۋىنە سەرپىن  بەرەتىن ساياسي شارا بولىپ وتىر, دەپ باستادى بولاتبەك بايان ۇلى ءسوزىن. ايماق حال­قى­نىڭ ءال-اۋ­قاتىن ارت­تىرۋ مەن وبلىس ەكونو­­ميكاسىن نىعايتۋ با­عى­تىن­دا­عى جۇمىستارعا سەرپىن بەرەتىن ۇدە­مەلى يندۋس­تريالىق-ين­نوۆا­تسيا­لىق دامۋ باع­دار­لاما­سىن ءجۇ­زە­گە اسىرىپ كەلەمىز. ەكو­نو­مي­كا­لىق يدەولوگياعا اينالعان باس­تاما اياسىندا بىلتىر ايماقتا ءبىر­قاتار كاسىپورىندار ىسكە قوسى­لىپ, مىڭداعان ادام جۇمىسپەن قام­تىل­دى. سونداي-اق «نۇر وتان» پار­تياسىنىڭ حالىقتىق تۇعىرنا­ماسى­مەن بىرگە ءحىى سەزد العا قويعان ماقسات-مىندەتتەردى جۇزەگە اسىرۋدا پارتيانىڭ بەلسەندى ءمۇ­شە­لەرىنىڭ جەرگىلىكتى اتقارۋشى ور­گان­دارمەن بىرلەسە جۇمىستار ات­قارۋىنىڭ جانە ايماق حالقى­نىڭ ەرەن ەڭبەگىنىڭ  ارقاسىندا وب­لىس ەكونوميكاسىنىڭ بارلىق  سالالارى قارقىندى دامىپ, جو­عارى كورسەتكىشتەرگە قول جەتكىزىلدى, دەدى ول. وبلىس باسشىسىنان كەيىن ءسوز العان «نۇر وتان» حدپ قىزىل­وردا وبلىستىق فيليالىنىڭ ءتور­اعاسى نۇرلان قۇدايبەرگەنوۆ پارتيا اتقارعان ىستەرگە توقتالدى. بۇگىندە «نۇر وتان» پارتيا­سى­نان اراشا سۇراپ, ادىلەتتىلىك ىزدەپ كەلەتىندەر كوپ. بۇل – پارتيانىڭ ەل اراسىنداعى بەدەلىنىڭ ناقتى كور­سەت­كىشى. قىزىلوردا وبلىسىن­دا پار­تيا­نىڭ سىبايلاس جەمقور­لىق­قا قار­س­ى قوعامدىق كەڭەسى جۇ­مىس ىستەيدى. جىل بويىنا اتالعان كەڭەسكە حالىق تاراپىنان 20 جازباشا, 25 اۋىزشا ارىز-شاعىم ءتۇس­كەن. ارىز­دىڭ ءبارى بۇگە-شىگەسىنە دەيىن قارا­لىپ, ءتيىستى ورىندارعا جىبەرىلگەن. ونىڭ باسىم بولىگى وڭ شەشىمىن تاپ­قان. سونىمەن قاتار, وبلىس شەڭ­بەرىندە پار­تيا­نىڭ 245 پارتيا­لىق باقىلاۋ بەكەتتەرى بار. 735 ءمۇ­شە­سى بار اتالعان بەكەتتەر «بار­ماق باستى, كوز قىستىنى» قادا­عالاپ, مەملەكەت قارجى­سى­نىڭ ىسى­راپ بول­ماۋىن باقىلاپ وتىر. «حالىق – قۇدايدىڭ ءبىر اتى» دەيدى قازاق. ال «نۇر وتان» سول حالىقتىڭ سەنىمى ءۇشىن جۇمىس ىستەپ جاتىر. كونفەرەنتسيا بارىسىندا «نۇر وتان» حدپ قىزىلوردا وبلىستىق فيليالى باقىلاۋ-تەكسەرۋ كوميس­سيا­سىنىڭ ءتورايىمى ساپۋرا ءاب­دىراحىموۆا دا سويلەدى. ونىڭ ءسوزى دە كوپشىلىك كوڭىلىنەن شىقتى. كونفەرەنتسيا كەزىندە «نۇر وتان» حدپ «تۇران» في­ليا­لى­نىڭ توراعاسى, قورقىت اتا اتىن­داعى قىزىلوردا مەملەكەتتىك ۋني­ۆەر­سيتەتىنىڭ رەكتورى بايزاق مومىن­باەۆ, قارماقشى اۋدانى, ءىىى ينتەرناتسيونال باستاۋىش ۇيى­مىنىڭ ءتورايىمى گۇلجاميلا توق­تار­بەكوۆا, قىزىلوردا قالا­لىق في­ليا­لى­نىڭ «جاس وتان» جاستار قاناتى كەڭەسىنىڭ اتقارۋ­شى حات­شىسى ەركەبۇلان مەڭلى­باەۆ جا­رىس­سوزگە شىقتى. القالى جيىن­نىڭ سوڭىن­دا ءبىلىم جانە عىلىم ءمينيسترى باقىتجان جۇ­ما­عۇلوۆ قۇتتىقتاۋ ءسوز ايتتى. سودان كەيىن «نۇر وتان» حدپ قىزىوردا وبلىستىق فيليالى ساياسي كەڭە­سى­نىڭ 37 ادامنان تۇراتىن قۇرا­مى سايلاندى. سونداي-اق باقى­لاۋ-تەك­سەرۋ كوميسسياسىنىڭ دا قۇرا­مى بەكىتىلدى. ال باقىتجان جۇما­عۇلوۆ وسىعان دەيىن وبلىس­تىق في­ليالدى باسقارىپ كەلگەن نۇرلان قۇدايبەرگەنوۆتىڭ كان­دي­دا­تۋرا­سىن توراعالىققا قايتا ۇسىن­دى. كون­فە­رەنتسياعا كەلگەن دەلەگاتتار نۇرلان بايازيت ۇلى­نىڭ كانديدا­تۋرا­سىن ءبىر­اۋىزدان قولدادى. ەرجان بايتىلەس. قىزىلوردا.