بەلگىلى كاسىپكەر ەكى ساعاتتا 4,3 ميلليارد دوللار پايدا تاپتى

استانا. 29 ءساۋىر. Facebook كومپانياسىنىڭ باسشىسى مارك تسۋكەربەرگ امەريكالىق NASDAQ ەلەكتروندى بيرجاسى اشىلعاندا العاشقى ەكى ساعات كولەمىندە 4,3 ميلليارد دوللار پايدا تاپتى. بۇل تۋرالى rg.ru-عا سىلتەمە جاساعان egemen.kz ءتىلشىسى حابارلادى. بۇل كومپانيانىڭ اكتسيا قۇنى كوتەرىلگەننەن كەيىن بولدى.  وتكەن سارسەنبى كۇنى, ياعني 27 ساۋىردە, Facebook العاشقى توقساندىق تابىسىن جاريالاعان كەزدە انىقتالدى. ونىڭ قۇندى قاعازدارى 10 پايىزعا ارتقان, ياعني ءبىر قاعاز 109 دوللاردان 118 دوللارعا كوتەرىلدى. وسى جىلدىڭ العاشقى ءۇش ايىندا ايگىلى كومپانيانىڭ تابىس كوزى وتكەن جىلدىڭ ءبىرىنشى توقسانىمەن سالىستىرعاندا, ءبىر جارىم ەسەگە ارتتى. ال تازا كىرىس كوزى 1,5 ميلليارد دوللاردى قۇرادى. بۇل 2015 جىلداعى ءۇش ايدا تاپقان 512 ميلليون دوللار كولەمىندەگى تابىستان ءۇش ەسە كوپ. مالىمەتتەر بويىنشا, پايدانىڭ نەگىزگى كوزى – جارناما. وسىعان بايلانىستى, مارك تسۋكەربەرگ Forbes باسىلىمىنىڭ نۇسقاسى بويىنشا الەمدەگى ەڭ داۋلەتتى ادامداردىڭ تىزىمىندە 5 ورىنعا تۇراقتادى. ونىڭ جاعدايى 51,7 ميلليارد دوللارعا باعالانىپ وتىر. ايان ءابدۋالي. دەرەك, فوتو: rg.ru.