قوستاناي. 28 ءساۋىر. ىشكى ىستەر مينيسترلىگى ش.قابىلباەۆ اتىنداعى قوستاناي اكادەمياسىندا «يسلام جانە زايىرلى قوعام» اتتى ءدىني سەمينار ءوتتى. وعان قازاقستان مۇسىلماندار ءدىني باسقارماسىنىڭ ۋاعىز-ناسيحات ءبولىمىنىڭ باسشىسى, عۇلامالار كەڭەسىنىڭ حاتشىسى, PhD دوكتورى ەرشات وڭعاروۆ, قوستاناي وبلىستىق, قالالىق مەشىتتەرىنىڭ باس يمامدارى جانە وبلىس اۋداندارىنان كەلگەن وكىل يمامدار قاتىستى. ءدىني تاربيە سالاسىنداعى كوپتەگەن ماسەلەلەر كوتەرىلدى. بۇل تۋرالى egemen.kz ءتىلشىسى حابارلادى.
باس قوسۋدا الدىمەن اكادەميانىڭ باستىعى, پوليتسيا پولكوۆنيگى ميرلان قىزىلوۆ قوناقتاردى وقۋ ورنىنىڭ بۇگىنگى تىنىس-تىرشىلىگىنەن, بولاشاق پوليتسەيلەر – كۋرسانتتارعا بەرىلىپ جاتقان وقۋ-تاربيە جۇمىستارىنان حاباردار ەتتى.
ەرشات وڭعاروۆ سەمينارعا قاتىسۋشى كۋرسانتتارعا ەلىمىزدە ءدىني احۋالدىڭ ءبىرشاما تۇراقتانعانىن, دەگەنمەن ءالى دە قۇقىق قورعاۋ ورگاندارىمەن بىرلەسىپ, كوپتەگەن جۇمىستار اتقارىلۋ كەرەكتىگىن تىلگە تيەك ەتتى. ول: «ەلدىڭ بىرلىگى مەن تاتۋلىعىن ساقتاپ قالۋ ءۇشىن ادامدارعا الدىمەن كۇشتى يمان كەرەك. بۇگىنگى تاڭدا كوپتەگەن قانداستارىمىز تەرىس اعىمدى, جالعان يسلامدىق قوزعالىستارعا كىرىپ كەتۋدە. بىزگە سولاردىڭ الدىن الىپ, باۋىرلارىمىزدىڭ اداسپاۋىنا جول بەرمەي, يسلام ءدىنى تۋرالى دۇرىس اقپارات تاراتۋىمىز قاجەت» – دەدى.
كۋرسانتتار مەن ارىپتەستەر زور قىزىعۋشىلىقپەن قوناققا كوكەيلەرىندە جۇرگەن سۇراقتارىن, ۇسىنىستارىن قويدى. ەكى ساعاتقا سوزىلعان سەميناردا قۇقىق قورعاۋ ورگاندارىنىڭ بولاشاق قىزمەتكەرلەرى – جاس كۋرسانتتارعا يسلام ءدىنى تۋرالى ناسيحاتتىق مول اقپارات جەتكىزىلدى.
ءنازيرا جارىمبەتوۆا.
دەرەك, فوتو: egemen.kz.
