جاڭا جۇمىسقا جولداما

500-دەن استام جاس ۇستازعا بەرىلدى پاۆلودار وبلىسىندا 528 پەداگوگ جاس مامان جاڭا جۇمىس­قا جولداما الدى. ەندى ولار ەڭبەك جولىن وبلىستاعى ورتا مەكتەپتەردەن باستايدى. وبلىستىق ءبىلىم بەرۋ باس­قار­ماسىنىڭ حابارلاۋىنشا, بيىل پەداگوگيكالىق مامان­دىق­تار بويىنشا پاۆلودارداعى جوعارى جانە ارناۋلى ورتا وقۋ ورىندارىن مىڭنان اس­تام تۇلەك بىتىرەدى. اتالعان باس­قار­مانىڭ مامانى بالجان ءادىلحانوۆا: «اۋىلدىق كۆوتا بويىنشا – 87 تۇلەك, اۋدان جانە قالا اكىمدەرىنىڭ گرانتى بويىنشا – 77 مەكتەپ ءبىتىرۋشى جانە قازاقستانداعى ءبىلىم بەرۋ گرانتتارى بويىنشا 413 تۇلەك جوعارى وقۋ ورىندارىندا ءبىلىم الدى», – دەيدى. سونداي-اق, ول كوپ تىلدە وقىتۋ باعدارلاماسى بويىنشا پمپي-ءدىڭ 82 تۇلەگى وقۋ جىلىن اياقتاپ جاتقانىن ايتتى. –جۇمىس ورىندارىنا ءبولۋ كەزىندە ءبىتىرۋشى ديپ­لو­مىنىڭ ورتاشا بالى ەس­كەرى­لە­دى. ايماقتاعى ءبىلىم بەرۋ ۇيىمدارىنا جىبەرىلگەن 520 تۇلەكتىڭ 351-ءى جوعارى وقۋ ورىندارىنىڭ جانە 169-ى كوللەدج بىتىرۋشىلەر, – دەدى بالجان ءادىلحانوۆا. تالعات رايىمبەك, «ەگەمەن قازاقستان»