اسكەري ويىندارعا دايىندىق

قازاقستاننىڭ قارۋلى كۇشتەرىندەگى اسكەري مەديتسينالىق قىزمەتتەر العاش رەت «اسكەري مەديتسينالىق ەستافەتا» بايقاۋىندا ارميا حالىقارالىق ويىندارىنا قاتىسادى. وسىعان بايلانىستى جاقىن­دا قۇرلىق اسكەرلەرىنىڭ گۆار­دەيسك گارنيزونى وقۋ-جاتتىعۋ ورتالىعىنىڭ بازاسىندا باي­قاۋ­دىڭ اشىلۋ ءراسىمى ءوتتى. وندا 34 اسكەري-مەديتسينالىق مامان جاتتىعۋدان ءوتىپ, قۇر­لىق اسكەرلەرى اراسىندا «ءاس­كە­ري-مەديتسينالىق ەستافەتا» باي­­قاۋىنا قاتىساتىن بولىپ شە­شىلدى. بايقاۋدىڭ ماق­ساتى – حالىقارالىق اسكەري ىن­تى­­ماقتاستىقتى نىعايتۋ, اسكە­ري قىزمەت پەن مەديتسينالىق ما­مان­­داردىڭ اسكەري-كاسىپتىك قىزمەتىنىڭ بەدەلىن ارتتىرۋ. سايىستا «جەكە شەبەرلىك» پەن «كوماندالىق بىرىنشىلىك» اتالىمدارىندا ۇزدىكتەر انىقتالادى. سودان كەيىن كونكۋرستىڭ جەڭىم­پاز­دارى رەسەيدە وتەتىن ارميا ويىندارىنا قاتىسادى. قازىرگى كەزدە ارميا حالىقارا­لىق ويىندارىندا ەل نامىسىن قورعايتىنىن اسكەريلەردى انىق­تاۋ جۇمىستارى جۇرگىزىلۋدە. جۋىردا وسى ويىندارعا قاتى­سۋعا ارنالعان تاعى ءبىر بايقاۋ ءوتتى. ول «وڭتۇستىك» وڭىرلىك قولباسشىلىعىنا قاراس­تى «ايشا-ءبيبى» پوليگونىن­دا ءوتىپ, وعان 5 كوماندادان قۇرالعان اسكەري قىزمەتشىلەر قاتىستى. سايىستا «وڭتۇستىك», «شىعىس», «باتىس», «استانا» وڭىرلىك قول­باس­شىلىقتارى مەن اەروۇتقىر اسكەر­لەرىنىڭ اسكەري قىزمەتشىلەرى جاق­سى قىرىنان كورىندى. اسكەريلەر «قارۋ-جاراق شەبەرى» بايقاۋىندا اك-74 پەن ارتيللەريالىق قارۋ-جاراقتى بولشەكتەپ جينادى. ودان كەيىن قارۋ-جاراقتى تەكسەرىپ, سول قارۋدان مەجەگە وق اتىپ, 400-500 مەترلىك ەستافەتانى جۇگىرۋ تاپسىرماسىن ورىندادى. بايقاۋدىڭ سوڭىندا «وڭ­تۇستىك» وڭق 01731 اسكەري ءبولى­مى ءبىرىنشى ورىندى, «شىعىس» وڭق كو­مانداسى ەكىنشى ورىندى يەلەن­دى. اەروۇتقىر اسكەرلەرى, «باتىس» جانە «وڭتۇستىك» ءوڭىر­لىك قولباسشىلىقتارى قارۋلى كۇشتەر قۇرلىق اسكەرلەرى باس قول­باسشىسىنىڭ گراموتاسىمەن ماراپاتتالدى. ەندى جەڭىمپاز كوماندالار ارميا ويىندارىنا دايىندالادى. داستان كەنجالين, «ەگەمەن قازاقستان»