اسسامبلەيانىڭ دەپۋتاتتىق توبى

«كوك بايراقتى اسقاقتاتا كوتەرەيىك» دەپ اتالاتىن ۇندەۋ قابىلدادى كەشە ماجىلىستە قازاقستان حالقى اسسامبلەياسى دەپۋتاتتىق توبىنىڭ كەزەكتى وتىرىسى بولدى. دەپۋتاتتىق توپ قازاقستان حالقى اسسامبلەياسىنىڭ ءححىV سەسسياسىنىڭ قورىتىندىلارى مەن الداعى اتقارىلار ماقساتتارىن تالقىلادى. وتكەن سەسسيا جايىندا بايانداعان دەپۋتاتتىق توپ جەتەكشىسى ساۋىتبەك ابدراحمانوۆ: «بۇگىنگى وتىرىسىمىزدىڭ كۇن تارتىبىندە «قازاقستان حالقى اس­سام­بلەياسى XXIV سەسسياسىنىڭ قورى­تىندىلارى تۋرالى» ماسەلەنىڭ قارالۋى بەكەر ەمەس. كۇنى كەشە ءبىز اسسامبلەيا ءۇشىن تاريحي كۇننىڭ كۋاسى بولدىق. قازاقستان رەسپۋبليكاسىنىڭ پرەزيدەنتى, قازاقستان حالقى اسسامبلەياسىنىڭ ءتور­اعاسى نۇرسۇلتان ءابىش ۇلى نازارباەۆ اس­سامبلەيانىڭ الدىنا ۇلكەن مىندەتتەر قويدى», – دەپ باستادى وتىرىستى. ول, سونداي-اق, قازاقستان حالقى اسسام­بلەياسىنىڭ كەزەكتى ءححىV سەسسياسى «تاۋەلسىزدىك. كەلىسىم. بولاشاعى ءبىرتۇتاس ۇلت» اتالعانىن اتاپ ءوتتى. بۇگىنگى كۇنى قاۋىپسىزدىك پەن تۇراقتىلىقتىڭ وزەكتى ماسەلە ەكەندىگىنە توقتالدى. ەلباسىنىڭ ارقاسىندا قازاقستان الەم الدىندا قۇرمەت پەن ابىرويعا بولەنىپ وتىر. بۇل سوزدەردىڭ دالەلدىلىگىن ءبىز ۆاشينگتوندا وتكەن يادرولىق قاۋىپسىزدىك جونىندەگى IV سامميتتە مەملەكەت باسشىسى ن.ءا.نازارباەۆ جاريالاعان «الەم.XXI عا­سىر» مانيفەسىنەن كوردىك, دەدى س.ابدراح­مانوۆ. قحا دەپۋتاتتىق توبىنىڭ جەتەكشىسى كەلەسى كەزەكتە مەملەكەت باسشىسى جينالعان حالىق الدىندا سويلەگەن سوزىندە قازاقستان حالقى اسسامبلەياسى ءبىزدىڭ تاۋەلسىزدىگىمىزدىڭ ەڭ قۇندى بايلىقتارىنىڭ ءبىرى ەكەندىگىن ايرىقشا اتاپ وتكەنىنە توقتالدى. سونىمەن قاتار, سەسسيادا «ماڭگىلىك ەل» – پاتريوتتىق اك­تىسى قابىلداندى. س.ابدراحمانوۆ قا­زاقستان پرەزيدەنتىنىڭ قابىلدانعان اكتىنى جالپىحالىقتىق مۇراتتىڭ قۇجاتتاعى ۇلگىسى دەپ اتاپ وتكەنىنە نازار اۋداردى. وتىرىستا ءماجىلىس توراعا­سى­نىڭ ورىنباسارى ۆلاديمير بوجكو ءسوز الىپ, كەشەگى وتكەن قحا سەسسياسىندا قازاق­ستان رەسپۋب­ليكاسىنىڭ پرەزيدەنتى نۇرسۇل­تان نازارباەۆتىڭ ناقتىلاعان باعىت­تارى جايىنا توقتالدى. قابىلدانعان پات­ريوت­تىق اكتىدەگى قالىپتاستىرىلعان ۇلت­تىق يدەيالاردى پارلامەنتشىلەر حالىق­قا جەتكىزۋى قاجەتتىگىن قاداپ ايتتى. وسى ماقساتتا جانە مەملەكەت باسشىسى ن.ءا.نازارباەۆتىڭ بەس ينستيتۋتتىق رەفور­ماسىن جۇزەگە اسىرۋ بويىنشا بەس دەپۋ­تاتتىق جۇمىس توبى قۇرىلعانىن حا­بار­لادى. دەپۋتاتتىق توپ مۇشەلەرى پىكىر الماسا كەلىپ, ءوز توپتارىنىڭ قۇرامىن جانە جەتەكشىلەرىن بەكىتتى. ال توپتىڭ الداعى ماقساتتارى جايىندا قۋانىش سۇلتانوۆ, گالينا بايماحانوۆا, مەرۋەرت قازبەكوۆا جانە احمەت مۋرادوۆ اڭگىمەلەدى. تالقىلاۋدىڭ قورىتىندىسى ناتيجە­سىندە دەپۋتاتتىق توپ پارلامەنت ءماجىلى­سىن­دەگى قازاقستان حالقى اسسامبلەياسى دە­پۋتاتتىق توبىنىڭ ۇندەۋىن قابىلدادى. * * * وتىرىستا دەپۋتاتتىق توپتىڭ التىنشى شاقىرىلىمىنىڭ ءبىرىنشى سەسسيا­سىنداعى جۇمىس جوسپارىن توپ حاتشىسى, دەپۋتات ناتاليا جۇمادىلداەۆا تانىستىر­دى. ونىڭ اقپاراتتارىن تىڭ­داعان دە­پۋتاتتىق توپ پالاتانىڭ ۆيتسە-سپي­كەرى ۆلاديمير بوجكونىڭ ۇسىنى­سىن ەسەپكە الا وتىرىپ, وزدەرىنىڭ جۇمىس جوسپارلارىن بەكىتتى. ايان قۋاندىق