چەمپيوندار ليگاسىنىڭ جارتىلاي فينالى باستالدى

استانا. 27 ءساۋىر. بۇگىن مانچەستەر قالاسىندا فۋتبولدان چەمپيوندار ليگاسىنىڭ جارتىلاي فينالى باستالدى. بۇل تۋرالى egemen.kz ءتىلشىسى حابارلادى. «مانچەستەر سيتي» ءوز الاڭىندا ءمادريدتىڭ «رەال» كومانداسىن قابىلداپ, 0:0 ەسەبىمەن تەڭ ءتۇستى. بۇل كوماندالار بيىلعى چەمپيوندار ليگاسىنىڭ توپتىق تۋرنيرىندە ەكى رەت كەزدەسكەن بولاتىن. سول ويىنداردىڭ بىرىندە «رەال» «مانچەستەر ءسيتيدى» سىرت الاڭدا 3:2 ەسەبىمەن جەڭسە, ەكىنشى ماتچتا قارسىلاستار 1:1 ەسەبىمەن تەڭ تاراستى. قىزىق بولعاندا, اعىلشىندار ءبىرىنشى ويىندا يسپانيانىڭ اتاقتى كلۋبىن 2:0 ەسەبىمەن ۇتىپ جاتىپ, 3:2 ەسەبىمەن ۇتىلعان ەدى. وسى ويىندا قوناقتار سوڭعى ەكى گولدى 87 جانە 90 مينۋتتاردا سوعىپ, الاڭ يەلەرىن سان سوقتىرىپ كەتكەن. بۇگىنگى ماتچتا روبەرتو ءمانچينيدىڭ كومانداسى سول جولعى ەسەنى قايتارۋعا تىرىسىپ وينادى. الايدا, «مانچەستەر سيتي» 90 مينۋت بويى يسپانيا كلۋبىنا دوپ سوعا الماي كەتتى. كەزدەسۋدە «رەال» دا قاراپ وتىرمادى. ويىندا كوماندانىڭ باستى شابۋىلشىسى كريشتيانۋ رونالدۋ بولماعانىمەن بەنزەما, بەيل, ۆاسكەس, مودريچتەر ءبىر گول سوعىپ, پيرەنەي تۇبەگىنە ءۇش ۇپايدى اكەتۋگە بارىن سالدى. جالپى, ويىن كوماندالاردىڭ الما-كەزەك شابۋىلدارىمەن ءوتتى. بۇل كەزدەسۋدە ءبىرىنشى بولىپ ەسەپ اشقان كوماندا جەڭەتىن ەدى. بىراق, 90 مينۋت بويى ءبىر-ءبىرىنىڭ جۇيكەسىن جۇقارتقان جاساقتار تاس قامالداي قورعانعان قاقپالاردىڭ كىلتىن سول كۇيى تابا الماي كەتتى. ۋەفا چەمپيوندار ليگاسى 1/2 فينالىنداعى قارسىلاستاردىڭ ءبىرىنشى ماتچى. 26 ءساۋىر. مانچەستەر. «ەتيحاد ستەديۋم» ستاديونى.   تورەشى: چاكىر دجيۋنەيت  (تۇركيا) «مانچەستەر سيتي: حارت, سانيا, كومپاني (كاپيتان), وتامەندي, كليشي, فەرناندو, فەرناندينو, ناۆاس (ستەرلينگ 77’), سيلۆا (يحەناچو 41’), دە بريوينە, اگۋەرو. «رەال» (مادريد): ناۆاس, كارۆاحال, راموس (كاپيتان), پەپە, مارسەلو, كرووس, كاسەميرو, مودريچ, بەيل, ۆاسكەس, بەنزەما (حەسە 46’) ەسكەرتۋ الدى:  سيلۆا 38’ — پەپە 24’ كارۆاحال 90' داستان كەنجالين. دەرەك, فوتو: eurosport, euro-football.ru, EPA/URG ۆيدەو: vkontakte الەۋمەتتىك جەلىسى.