جاقسى ءداستۇر جالعاسا بەرەدى

سوڭعى بەس جىلدا جەتiم بالا­لار مەن اتا-اناسىنىڭ قامقورلىعىنسىز قالعاندارعا اقمولا وبلىسى بويىنشا 170 پاتەر ءبولiندi. كەزەكتە تاعى دا 1758 جەتiم بالا تۇر.  بىزگە وبلىس اكىمدىگىنەن بەلگىلى بولعانداي, بيىل اتالعان ساناتتاعى بالالارعا 100-دەن استام پاتەر بولىنەدى. ناقتى اتاپ وتەتiن بول­ساق, ولارعا كوكشەتاۋدان – 45, ستەپنوگوردان – 18, ەسiل اۋدانىنان – 10, تسەلينوگراد اۋدانىنان – 15, بۋراباي اۋدانىنان – 6, جارقايىڭ اۋدانىنان – 4, ەرەيمەنتاۋ اۋدانىنان – 7 پاتەر قاراستىرىلعان. سونداي-اق, قالعان باسقا اۋدانداردان 2-3 پاتەردەن بولiنەتىندىگى جونىندە شەشىم قابىلداندى. بۇعان قوسىمشا, ورتالىق كوم­مۋنيكاتسيالار قىزمەتىنىڭ وبلىستىق فيليالىندا وتكەن ءباسپاسوز ءماسليحاتىندا ءوڭىر باسشىسى سەرگەي كۋلاگين: «بار­شالارىڭىز بiلەسiزدەر, ەسiل اۋدانىنداعى ەسiل قالاسى مەن جارقايىڭ اۋدانىنداعى دەرجاۆين قالاسىندا كالاچي اۋىلى مەن كراسنوگور كەنتi تۇرعىندارى ءۇشiن ۇيلەر سالىندى. ولاردىڭ ءبىرشاماسى بوس تۇر. تۇرعىندار باسپانادان باس تارتقان جاعدايدا پاتەرلەر جەتiم بالالارعا بەرi­لەدi», – دەپ مالىمدەگەنى دە بار ەدى. ەندەشە, اتا-انا قامقورلىعىنسىز قالعان بالالاردى مەملەكەت تاراپىنان قولداۋ ودان ءارى جالعاسا بەرمەك. باقبەرگەن امالبەك, «ەگەمەن قازاقستان» اقمولا وبلىسى