ونەردى ورگە, ولەڭدى تورگە شىعارعان

اي سوڭىنداعى ايشىقتى ءسات­­تەر­دىڭ ءبىرى وسى بولدى دەسەك, ار­تىق ايتقاندىق بولماس, ءسىرا. ەۋ­رازيا ۇلتتىق ۋنيۆەر­سيتە­تىندەگى «كاۋسار» بىرلەستىگىنىڭ ۇيىم­­داستىرۋىمەن بەل­­گىلى اقىن, قازاقستاننىڭ ەڭبەك ءسى­ڭىر­گەن قايراتكەرى, اي­تىس اقىند­ا­­رى مەن جىرشى-تەر­مەشىلەردىڭ حا­لىقارالىق وداعىنىڭ توراعاسى ءجۇرسىن ەرماننىڭ 65 جاسقا تولۋى­نا وراي اقىنمەن كەزدەسۋ كەشى بولىپ ءوتتى. ءبىرىنشى بولىمدە ۋنيۆەرسيتەتتىڭ فيلولوگيا فاكۋلتەتىنىڭ ستۋدەنت­تەرى اقىننىڭ ولەڭدەرىن وقىپ, اتالمىش وقۋ ورداسىنىڭ ءىىى كۋرس ستۋدەنتى نۇر­قانات قاي­رات پەن قازاق ۇلتتىق ونەر ۋني­ۆەرسيتەتىنىڭ ءى كۋرس ستۋدەنتى راي ءدوڭبايدىڭ ەكەۋارا ايتىسى تىڭداۋشىلاردىڭ قانىن قىزدىرىپ, ساحنانىڭ ءسانىن كىرگىزدى. ودان ءارى كەزدەسۋ كەشى سۇراق-جاۋاپ ارقىلى ءوز جالعاسىن تاپتى. ءتۇرلى سۇراقتارعا تۇششىمدى جاۋاپتار بەرىلىپ, اقىن­نىڭ ولەڭ­دەرى تىڭدالدى. «ايتىس ۇيىمداستىرىپ, سو­نىڭ باسى-قاسىندا جۇرگەن سوڭ, مەنىڭ كوبىنەسە جازبا ولەڭدەرىم تاسادا قالىپ قويادى. ال بۇگىنگى كەزدەسۋ مەنىڭ سول قىرىمدى اشا ءتۇستى دەپ ويلايمىن», – دەدى ءجۇرسىن ەرمان باسقوسۋ بارىسىندا. شىنىندا دا اقىندى ايتىس­تىڭ كو­شىن العا سۇيرەگەن قارا نار دەپ قازاق جۇرت­شىلىعى قا­بىلداپ العالى قاشان. «ايتىس دەسە ءجۇرسىن, ءجۇرسىن دەسە ايتىس ەسكە تۇسەدى», دەپ ەلدىڭ ءبارى جارىسا جازىپ جاتاتىنى دا جاتتاندى جاعداي بولىپ قالدى بۇل كۇندە. ءيسى قازاقتىڭ يگىلىگىنە جاراسىن دەپ, اتامۇرا ونەرىمىزدىڭ اتاسىنا اينالعان اقىننىڭ بۇل جولدا ات­قارعان ەڭبەگى ەل تاريحىندا ۇلكەن ارىپتەرمەن جازىلارى ءسوزسىز. كەزدەسۋدىڭ سوڭى ءان مەن كۇيگە ۇلاسىپ, ەرلان رىسقالي مەن شا­حا­ريزات سەيداحمەت ءان شىرقاپ, سەكەن تۇرىسبەك پەن ايبەك بەكبو­سىن كۇي شەرتتى. تارتىمدى وتكەن كەز­دەسۋ­دى ۋني­ۆەرسيتەت رەكتورى ەرلان سىدى­­قوۆ قورىتىندىلاپ, ءجۇرسىن ەرماندى «كۇل­تەگىن» مەدالى­مەن ماراپاتتادى. راۋان قايدار, «ەگەمەن قازاقستان»