بويىمىزعا كۇش-قۋات بەرەدى

«ءبىز – قازاقستاندىقتارمىز! ءبىز – ۇلكەن ەل, ۇلكەن وتباسىمىز. قا­زاق­ستاننىڭ ماڭگىلىك مەكەنى – ۇلى دالا ەلىنە باتا قونىپ, باق دارى­سىن! كەڭ-بايتاق جەرىمىز, دارقان ەلىمىز بار. قولدايمىز, قور­عايمىز. بۇل سوزدەردى ارقاشاندا ماق­تانىشپەن ايتامىز. قازاقستان حال­قى اسسامبلەياسىنىڭ سەسسياسى- پات­ريوتتىق اكتى قابىلداۋ ارقىلى بەي­بىتشىلىكتىڭ جاڭا كەزەڭىنە قادام جاسا­دى», – دەدى ەلباسى نۇرسۇلتان نازارباەۆ بەيبىتشىلىك جانە كەلىسىم سارايىندا وتكەن قازاقستان حالقى اسسامبلەياسىنىڭ «تاۋەلسىزدىك. كەلى­سىم. بولاشاعى ءبىرتۇتاس ۇلت» تاقى­رى­بىندا اشىلعان XXIV سەسسياسىندا. ءيا, ەلباسىنىڭ «ماڭگىلىك ەل» يدەياسى – ءاربىر قازاقستاندىقتىڭ, ءاربىر قازاق بالاسىنىڭ جۇرەگىندە دەپ ويلايمىن. بۇل پاتريوتتىق سەزىمدى جاس ۇرپاقتىڭ ساناسىنا ءسىڭىرۋ, ارينە, ءبىزدىڭ ۇلكەندەردىڭ ماق­­ساتى. بۇل ەلىمىزدىڭ الداعى بو­لا­­شاعىنا دەگەن پاتريوتتىق سە­نىمنىڭ بەرىكتىگىنە بۇگىننەن-اق نە­گىز بولا الادى. استاناداعى بەي­بىتشى­لىك جانە كەلىسىم سارايىندا قازاق­ستان حالقى اسسامبلەياسىنىڭ توراعا­سى نۇرسۇلتان نازارباەۆتىڭ ءتور­اعا­لىعىمەن «تاۋەلسىزدىك. كە­لى­­سىم. بولاشاعى ءبىرتۇتاس ۇلت» ات­تى مارتەبەلى جيىندى بۇقارا­لىق اقپارات قۇرالدارى ارقىلى كورىپ ءبىلىپ, تىڭداپ وتىردىق. اس­سام­بلەيا XXIV سەسسياسىنىڭ قورى­تىن­دىسى بويىنشا «ماڭگىلىك ەل» جال­پىۇلتتىق پاتريوتتىق اكتى­­سى دا جاريا ەتىلدى. ءبىز مەملە­كە­ت­تىك ءتىلدى قوعامدى بىرىكتىرۋدىڭ نەگى­زى, ۇشتىلدىلىكتى ەلدىڭ باسەكەگە قابى­لەت­تىلىگىنىڭ باستى شارتى رەتىن­دە دا­مىتۋ قاعيداتىن ۇستا­نا­تىن بولا­مىز. وسى القالى جيىندا ەلبا­سى تا­عى دا جاقسى, ساليقالى, ءار­بىر قازاق­­تىڭ جۇرەگىنە جەتەتىن وي­لى, وي­­لا­ن­تاتىن سوزدەر ايتتى. جەر­دىڭ مير­اس ەكەنىن جەتكىزدى. ءماڭ­گى­لىك ەل دە­­گەن ۇرپاقتان ۇرپاق­قا, اتا­دان با­لا­­عا, نەمەرە, شوبەرەگە جال­عا­سا­تىن ۇلى دالا جولى ەكەنىن ەسكە سالدى. «بۇگىنگى قازاقستان حالقى اسسامبلەياسىنىڭ سەسسياسى ەسىمىزدە ساق­تالادى دەپ ويلايمىن, ويتكەنى بۇل كۇننەن باستاپ ەلىمىزدەگى بەي­بىت­شىلىك پەن كەلىسىمنىڭ جاڭا كەزەڭى اشىلادى. ءبىز «ماڭگىلىك ەل» پاتريوتتىق اكتىسىن سالتانات­تى جاعدايدا قابىلدادىق. سول ءۇشىن, وسىناۋ تاريحي شەشىم قابىل­داعاندارىڭىز ءۇشىن العىسىمدى بىلدىرگىم كەلەدى», – دەدى ەلباسى. جالپى, پاتريوتتىق اكتى ماز­مۇنىندا ايتىلعانداي, ەلباسى­مىزدىڭ كوشباسشىلىعىمەن ەلىمىز­دىڭ جاڭا تاريحىن جازۋدىڭ بيىك مارتەبەسى مەن جاۋاپكەرشىلىگى ءبىزدىڭ ۇرپاقتىڭ ۇلەسىنە ءتيدى. قازىر ءبىزدىڭ قۋاتتى ەلىمىز بار, بىزدەر سول ەلدىڭ ازاماتىمىز دەپ قاي جەردە بولساق تا ماقتانىشپەن ايتا الاتىن كۇنگە دە جەتتىك. ويتكەنى, بىزدەر ءارتۇرلى ۇلت وكىلدەرى باس قوسىپ, ءبىر ەل, ءبىر تاعدىر جولىندا بولاشاعى ءبىرتۇتاس ەل – ماڭگىلىك ەلدى قۇرۋ جولىندا بىرگە كەلە جاتىرمىز. اركىم ءوز وتباسىنىڭ اماندىعىن ساقتايدى, سول ارقىلى ۇلكەن مەملەكەتكە قورعان بولادى. ۇلتىمىزعا ءتان قوناقجايلىق جانە ەڭبەكسۇيگىشتىك قاسيەتتەرى, جالپى عالامدىق تۇراقتىلىق, قاۋىپسىز­دىك جانە بىرلىك, ەرتەڭگى كۇنگە دەگەن سەنىم ۇعىمدارىمەن قوسىلىپ نىعايارى ءسوزسىز. ماڭگىلىك ەل – ۇرپاق­تان ۇرپاققا امانات ەكەنى ونسىز دا تۇسىنىكتى. كەلەشەك ۇرپاق, ءوسىپ كەلە جاتقان ءسابي قۇلاعىندا ماڭگىلىك ەل, تاۋەلسىزدىك, استانا دەگەن سوزدەر جۇرەتىنىمەن دە با­قىت­تى. استانامەن ماقتانا­دى. جالپى, وتانسۇيگىشتىك, ماڭگى­لىك ەل, جالپىۇلتتىق بىرلىك, بەيبىت­شىلىك پەن كەلىسىم ماقساتى – ءبىزدىڭ كۇندەلىكتى جۇمىسىمىزبەن ارقاشان بىرگە عوي. ناۋرىز ايىندا قالامىزعا «مەنىڭ قازاقستانىم» پويىزى ايالدادى. «نۇر وتان» پارتياسى قالالىق بولىمشەسىندە وتكەن دوڭگەلەك ۇستەلگە قالالىق جانە اۋداندىق ەتنومادەني بىرلەستىكتەردىڭ باسشىلارى مەن مۇشەلەرى, ۇكىمەتتىك ەمەس ۇيىمداردىڭ وكىلدەرى قاتىستى. بۇل كۇندەرى «نۇر وتان» پارتيا­سى قالالىق فيليالىندا 11850 مۇشە بار بولسا, 55 باستاۋىش ۇيى­­مى جۇمىس اتقارۋدا. پارتياعا ءمۇ­شەلەردىڭ دەنى – كەنشىلەر, جۇمىس­شىلار. ولار قالامىزدا ورنالاسقان اقسۋ فەرروقورىتپا زاۋىتى مەن «ەۋروازيالىق ەنەرگەتي­كا­لىق كورپوراتسياسى» اق-تا ەڭبەك ەتەدى. بۇگىندە پارتيانىڭ قالالىق فيليالى جىلدىق جوسپارعا سايكەس جۇمىس اتقارۋدا. اتاپ وتسەك, ءارتۇر­لى سالالارعا باعىتتالعان 12 جوبا جۇزەگە اسىرىلۋدا. ولارعا قالا­لىق ءماسليحات دەپۋتاتتارى جەتەك­شى­لىك ەتەدى. ماڭگىلىك ەل, بۇل – يننو­ۆاتسيا نەگىزىندەگى تۇراقتى ەكونوميكالىق ءوسىم دەگەن وسى. كەن­شىلەر مەن ەنەرگەتيكتەر قالاسى ەلىمىز­دىڭ يندۋستريالىق جانە يننو­ۆا­تسيالىق كۇش-قۋاتىنىڭ دامۋى­نا ۇلەس قوسۋدا. بارلىق تابيعي رەسۋرستار مەن قورشاعان ورتاعا ۇقىپ­تىلىقپەن قاراپ ەڭبەك ەتۋدە. ماڭگىلىك ەل, بۇل – جالپىعا ورتاق ەڭبەك قوعامى بولسا, ەلىمىزدىڭ بارلىق تابىستارى مەن جەتىستىكتەرى قازاقستاندىقتاردىڭ كۇن سايىنعى ەڭبەكتەرىنىڭ ناتيجەسى ەكەنى بەلگىلى. ويتكەنى, ەلىمىزدە ەڭبەك ادامىنا دەگەن قۇرمەت ساقتالعان. سونىمەن قاتار, ەلباسى وسىناۋ اكتى ارقىلى بارشا قازاق­ستان­دىقتاردىڭ دوستىق, بەيبىت­شىلىك پەن كەلىسىمنىڭ بىرىڭعاي قۇجاتى قابىلدانعانىن اتاپ ءوتتى. «پاتريوتتىق اكتىدە ۇلى قۇندى­لىقتار قامتىلىپ وتىر. ونداي قۇندىلىقتار – ءبىزدىڭ حالقىمىزدىڭ ەرىك-جىگەرىنىڭ, دانا شەشىمىنىڭ كورىنىسى. اكت كابينەتتەردە ويلاس­تى­رىلعان قۇجات ەمەس, ول – تاۋەل­سىزدىگىمىزدىڭ جەمىسى», – دەدى ەلباسى. ءبىز وسىعان قۋانامىز. ايدوس ورازالين, «نۇر وتان» پارتياسى قالالىق فيليالى توراعاسىنىڭ ورىنباسارى پاۆلودار وبلىسى, اقسۋ قالاسى