كۇدىكتىلەر كيىكتىڭ مۇيىزىمەن قولعا ءتۇستى

قاراعاندى. 26 ءساۋىر. قاراعاندى وبلىسىندا «قىزىل كىتاپقا» ەنگەن كيىكتىڭ ءمۇيىزىن اكەتىپ بارا جاتقان بەس ادامدى پوليتسيا قىزمەتكەرلەرى ۇستادى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان  egemen.kz  ءتىلشىسى حابارلادى. جامبىل وبلىستىق ىشكى ىستەر دەپارتامەنتى جانە نۇرا اۋداندىق ىشكى ىستەر باسقارماسى جەرگىلىكتى پوليتسيا قىزمەتىنە قاراستى تابيعاتتى قورعاۋ پوليتسياسى «وحوتزووپروم» مەكەمەسىنىڭ ينسپەكتورلارىمەن بىرىگىپ وتكىزگەن «نەرەست» جەدەل-ىزدەستىرۋ شارالارى كەزىندە جانبوبەك ەلدى مەكەنىنىڭ ماڭىندا «نيۆا» اۆتوكولىگىن توقتاتىپ, تەكسەرۋ جۇرگىزدى. تەكسەرۋ بارىسىندا استانا قالاسىنىڭ 34 جاستاعى تۇرعىنى مەن جامبىل وبلىسىنىڭ جاس شامالارى 27 مەن 43-ءتىڭ ارالىعىنداعى ءتورت ەر ادام مىنگەن كولىك ىشىنەن كيىكتىڭ 22 ءمۇيىزى تابىلدى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋ ۇستىندە. قايرات ءابىلدينوۆ. دەرەك, فوتو: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.