تاۋەلسىزدىككە تارتۋ

تاياۋدا «جاستار» تەاترىندا قازاقستان حالقى اسسامبلەياسىنىڭ استانا قالاسى بويىنشا حاتشىلىعى, ەلوردانىڭ مادەنيەت, مۇراعاتتار جانە قۇجاتتاما باسقارماسىنىڭ ۇيىمداستىرۋىمەن ەل تاۋەلسىزدىگىنىڭ 25 جىلدىعىنا ارنالعان XVII قالالىق «دوستىق. بىرلىك. تاۋەلسىزدىك» اتتى تاقىرىپتا قازاقستان حالقى دوستىعىنىڭ فەستيۆالى بولىپ ءوتتى. ءىس-شارانىڭ كوزدەگەن ماقساتى – انا تىلىندەگى ەركىن شىعارماشىلىققا جاعداي جاساۋ, ءتول مادەنيەتكە, سالت-ءداستۇر مەن ادەت-عۇرىپقا دەگەن سۇيىسپەنشىلىككە باۋلۋ, وعان قۇرمەت كورسەتۋ, مادەني جەتىستىكتەردى ساقتاپ, كوبەيتۋ بولىپ تابىلادى. فەستيۆالعا استانا قالاسىنىڭ ەتنومادەني بىرلەستىكتەرىنىڭ شىعارماشىلىق ۇجىمدارى قاتىسىپ, شارا اياسىندا ءتۇرلى جانرداعى كوركەمدىك نومىرلەردى كوپشىلىك نازارىنا ۇسىندى. سونداي-اق, بەينەلەۋ ونەرى, گرافيكا مەن قولونەر تۋىندىلارىنىڭ كورمەسى ۇيىمداستىرىلدى. كونتسەرتتىك باعدارلاما بارىسىندا «راديما» بەلورۋس, «ۆاترا» ۋكراين, «تاڭ» تاتار-باشقۇرت, «پارۆيز» تاجىك, «ۆان» ارميان, «حازار» ازەربايجان, «الەف» ەۆرەي مادەني-اعارتۋ ورتالىقتارىمەن قوسا, «باربانگ» كۇردتەر قاۋىم­داستىعى» رقب استانا قالالىق فيليالى, قازاقستانداعى ۇيعىر­لاردىڭ رەسپۋبليكالىق مادەني ورتالىعىنىڭ استاناداعى في­ليالى, استاناداعى ورىس قاۋىمى ءما­دەني بىرلەستىگى, «ۆايناح» چەشەن-ينگۋش ەمب, «پولياكي» قب, «زلاتا» بولگار, «بەلارۋس» مادەني بىرلەستىگى, وزبەك ەتنومادەني بىرلەستىگى, «قىرعىزستان-استانا» قب, ۆوزروجدەنيە» نەمىس, «وبەرەگ» ۋكراين قوعامى, «لاد» رەسپۋبليكالىق سلاۆيان قوزعالىسىنىڭ فيليالى, استانا قالاسى كورەيلەرىنىڭ ەتنومادەني بىرلەستىگى, «دالا ولكەسى كازاكتارىنىڭ وداعى» رقب الماتى اۋداندىق فيليالدارى قاتىسىپ, ءوز ونەرلەرىن پاش ەتتى. راۋشان تاۋىرحانقىزى, «ەگەمەن قازاقستان»