6 000 كوشەت ەكى ايدا ەگىلەدى

شىعىس وڭىرىندە كوكتەمگى سا­نيتار­لىق ايلىق باستالدى. ءوت­كەن سەنبىدە وبلىس ورتالىعىنىڭ تۇرعىندارى قالا اۋماعىن تازالاۋ, كورىكتەندىرۋ جانە كوگالداندىرۋ جۇمىستارىن جۇرگىزدى. سەنبىلىكتەن شاھار باسشىسى تەمىربەك قاسىم­جانوۆ تا تىس قالعان جوق. قولىنا كۇرەك پەن تىرما ۇستاعان اكىمدىك جەتەكشىسى قالانىڭ جاڭادان بوي كو­تەرىپ كەلە جاتقان №19 شاعىن اۋدانىنداعى تازالىق جۇمىس­تارىنا قاتىستى. ەكى ايعا سوزىلاتىن سانيتارلىق تازالىق جۇمىستارىنا قالاداعى 27 ءىرى كاسىپورىن, 12 جەرگىلىكتى ءوزىن-ءوزى باسقارۋ كوميتەتى, 14 قالا­لىق ءبولىم جانە وبلىستىق دەپار­­تامەنتتەر مەن باسقارمالار, ستۋ­دەنتتەر اتسالىسادى. جالپى العاندا, 6 مىڭعا جۋىق ادام مەن 100 تەحنيكا شاھاردى قىس بويى جينالعان قوقىستان ارىلتادى. بۇل جولى تۇرعىنداردىڭ ورتاق كۇش-جىگەرىمەن ساياباقتار مەن سكۆەرلەر, اۋلالار تازالاندى. سونداي-اق, 500-دەن استام جاس كوشەتتەر وتىرعىزىلىپ, 400 تەكشە مەترگە جۋىق قوقىس قالا اۋماعىنان شىعارىلدى. جاڭا شاعىن اۋداندا اشىلعان №46 ورتا مەكتەپتىڭ ماڭايى مەن ك.ماركس داڭعىلى بويىنداعى تازالىق شارالارى بارىسىندا 100-دەن استام كوشەت ەگىلدى. قالا اكىمىنىڭ ورىنباسارى ارمان ىسقاقوۆتىڭ ايتۋىنشا, قالانى سانيتارلىق تازالاۋعا ارنالعان ەكى ايدا 6 مىڭنان استام جاس كوشەت وتىرعىزۋ جوسپارلانىپ وتىر. – قالانىڭ بارلىق اۋدان­دارىنىڭ تۇرعىندارى سەنبىلىككە بەلسەنە قاتىسىپ جاتىر. تۇر­عىندار تاراپىنان تەرەڭ ءتۇسى­نىستىك, قورشاعان ورتاعا دەگەن قامقور كوڭىل بايقالادى. سوندىقتان دا ولار تازالىق شارالارىنا ۇلكەن ۇلەس قوسۋدا, – دەدى ارمان ىسقاقوۆ. دۋمان اناش, «ەگەمەن قازاقستان» وسكەمەن