قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №18-02/163

2015 جىلعى 27 اقپان, استانا قالاسى مەملەكەتتىك ورمان قورى اۋماعىندا ورمان قورىنىڭ مەملەكەتتىك ەسەبىن, مەملەكەتتىك ورمان كاداسترىن, ورمانداردىڭ مەملەكەتتىك مونيتورينگىن جانە ورمان ورنالاستىرۋدى جۇرگىزۋ قاعيدالارىن بەكىتۋ تۋرالى قازاقستان رەسپۋبليكاسىنىڭ 2003 جىلعى 8 شىلدەدەگى ورمان كودەكسىنىڭ 13-بابى 1-تارماعىنىڭ 8) تارماقشاسىنا سايكەس بۇيىرامىن: 1. مىنالار: 1) وسى بۇيرىققا 1-قوسىمشاعا سايكەس ورمان قورىن مەملەكەتتىك ەسەپكە الۋدى جۇرگiزۋ قاعيدالارى; 2) وسى بۇيرىققا 2-قوسىمشاعا سايكەس مەملەكەتتىك ورمان كاداسترىن جۇرگiزۋ قاعيدالارى; 3) وسى بۇيرىققا 3-قوسىمشاعا سايكەس ورمانداردىڭ مەملەكەتتىك مونيتورينگىن جۇرگiزۋ قاعيدالارى; 4) وسى بۇيرىققا 4-قوسىمشاعا سايكەس مەملەكەتتiك ورمان قورى اۋماعىندا ورمان ورنالاستىرۋدى جۇرگiزۋ قاعيدالارى بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلۋدەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق ول العاش رەسمي جاريالانعان كۇنىنەن كەيىن ون كۇنتىزبەلىك كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشى س.وماروۆ «كەلىسىلگەن» قازاقستان رەسپۋبليكاسى ۇلتىق ەكونوميكا ءمينيسترى ______________ ە دوساەۆ 2015 جىلعى 16 مامىر «كەلىسىلگەن» قازاقستان رەسپۋبليكاسى ەنەرگەتيكا ءمينيسترى ____________ ۆ.شكولنيك 2015 جىلعى 30 ناۋرىز قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشى 2015 جىلعى 27 اقپانداعى № 18-02/163 بۇيرىعىنا 1-قوسىمشا ورمان قورىن مەملەكەتتiك ەسەپكە الۋدى جۇرگiزۋ قاعيدالارى 1. جالپى ەرەجەلەر 1. وسى ورمان قورىن مەملەكەتتىك ەسەپكە الۋدى جۇرگiزۋ قاعيدالارى قازاقستان رەسپۋبليكاسىنىڭ 2003 جىلعى 8 شىلدەدەگى ورمان كودەكسىنىڭ 13-بابىنىڭ 1-تارماعىنىڭ 8) تارماقشاسىنا سايكەس ازiرلەندi جانە ورمان قورىن مەملەكەتتىك ەسەپكە الۋدى جۇرگىزۋ ءتارتiبiن ايقىندايدى (بۇدان ءارى – قاعيدالار). 2. ورمان قورىن مەملەكەتتىك ەسەپكە الۋ (بۇدان ءارi – ەسەپكە الۋ) ورمان قورىن كۇزەتۋدى, قورعاۋدى, ورمانداردى مولىقتىرۋ مەن ورمان ءوسiرۋدi, ورمان پايدالانۋدى, ورمان قورىنىڭ ساندىق جانە ساپالىق وزگەرiستەرiنە جۇيەلi تۇردە باقىلاۋ جاساۋدى ۇيىمداستىرۋ جانە مەملەكەتتiك ورگانداردى, مۇددەلi جەكە جانە زاڭدى تۇلعالاردى ورمان قورى تۋرالى اقپاراتپەن قامتاماسىز ەتۋ ءۇشiن جۇرگiزiلەدi. ەرەكشە قورعالاتىن ورماندى اۋماقتار مەملەكەتتىك ورمان قورى قۇرامىندا جەكە بولىنەدى جانە ەسكەرىلەدى. مەملەكەتتىك تابيعي قورىقتاردىڭ, مەملەكەتتىك ۇلتتىق تابيعي پاركتەردىڭ, مەملەكەتتىك وڭىرلىك تابيعي پاركتەردىڭ جانە مەملەكەتتىك تابيعي رەزەرۆاتتاردىڭ شەكارالارىندا ورنالاسقان مەملەكەتتىك تابيعات ەسكەرتكىشتەرى سولاردىڭ قۇرامىندا ەسكەرىلەدى. 3. ورمان قورىنىڭ ەسكەرiلەتiن كورسەتكiشتەرiنە بايلانىستى ەسەبىن جۇرگىزۋ جىل سايىنعى جانە كەزەڭدiك ەسەبىن جۇرگىزۋ بولىپ بولiنەدi, ولار ەسەپتi جىلدان كەيiنگi جىلدىڭ 1 قاڭتارىنداعى جاعداي بويىنشا «ورمان قورى مەملەكەتتىك ەسەبىنىڭ نىساندارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2010 جىلعى 28 قىركۇيەكتەگى № 630 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6609 نومىرىمەن تىركەلگەن) نىساندار (بۇدان ءارى – ەسەبىن جۇرگىزۋ ماتەريالدارى) بويىنشا جۇرگiزiلەدi. 4. جىل سايىنعى ەسەبىن جۇرگىزۋ كەزiندە جەكەشە ورمان يەلەنۋشiلەر بويىنشا جەكەشە ورمان قورىنىڭ الاڭدارى جانە مەملەكەتتiك ورمان يەلەنۋشiلەر بويىنشا مەملەكەتتiك ورمان قورى القاپتارىنىڭ الاڭدارى, سونداي-اق ولاردى اۋداندار, قالالار, وبلىستار جانە رەسپۋبليكا بويىنشا ساناتتار مەن القاپتارعا بولىنەتىنى ەسكەرiلەدi. 5. كەزەڭدiك ەسەبىن جۇرگىزۋ بەس جىلدا بiر رەت جۇرگiزiلەدi. كەزەڭدiك ەسەبىن جۇرگىزۋ كەزiندە باسىم اعاش جانە بۇتا تۇقىمدىلارى مەن جاس توپتارى بويىنشا ورمان كومكەرگەن القاپتار مەن قورلاردى ءبولۋ,سونداي-اق ورمان شارۋاشىلىعىن جۇرگiزۋ جانە ورمان يەلەنۋشiلەر مەن ورمان پايدالانۋشىلاردىڭ شارۋاشىلىق قىزمەتiن باعالاۋ ءۇشiن قاجەت ورمان قورىنىڭ قورعالۋ جانە ەكونوميكالىق سيپاتتامالارى تۋرالى وسى قاعيدالاردىڭ 4-تارماعىندا كورسەتىلگەن جىل سايىنعى ەسەپتiڭ دەرەكتەرiنە قوسىمشا دەرەكتەر ەسكەرiلەدi. 6. ورمان قورىنىڭ الاڭى 0,05 گەكتاردان اساتىن (دوڭگەلەكتەپ العاندا 0,1 گەكتارعا دەيiن) بارلىق ۋچاسكەلەرi ەسەپكە الىنۋعا جاتادى. مالiمەتتەردىڭ ەسەبىن جۇرگىزۋ ماتەريالدارىندا تۇتاس گەكتارلار كۇيiندە كەلتiرiلەدi. 7. وسى قاعيدالاردا مىناداي نەگىزگى ۇعىمدار پايدالانىلادى: 1) ورمان قورىن قورعاۋ, كۇزەتۋ, پايدالانۋ, ورمانداردى مولىقتىرۋ جانە ورمان ءوسىرۋ سالاسىندا باسقارۋ, باقىلاۋ جانە قاداعالاۋ فۋنكتسيالارىن جۇزەگە اسىراتىن ۋاكىلەتتى ورگاننىڭ ۆەدومستۆوسى – قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى (بۇدان ءارى – ۋاكىلەتتى ورگاننىڭ ۆەدومستۆوسى); 2) مەملەكەتتىك ورمان ورنالاستىرۋ ۇيىمى – ۋاكىلەتتى ورگاننىڭ قاراۋىنداعى «قازاقستان رەسپۋبليكاسى اۋىل شارۋاشىلىعى مينيسترلىگىنىڭ «قازاق ورمان ورنالاستىرۋ كاسىپورنى» رەسپۋبليكالىق مەملەكەتتىك قازىنالىق كاسىپورنى, ونىڭ قىزمەتى ورمان رەسۋرستارىنىڭ ەسەبىن, ورمان قورىن اۋماقتىق ورنالاستىرۋدى, ورمانداردىڭ مەملەكەتتىك مونيتورينگىن, ورمان شارۋاشىلىعىن جۇرگىزۋ مەن ورمان پايدالانۋدى جوسپارلاۋدى قامتاماسىز ەتۋگە باعىتتالعان. 2. ورمان قورىن مەملەكەتتىك ەسەپكە الۋدى جۇرگىزۋ ءتارتىبى 8. مەملەكەتتiك ورمان قورىندا ەسەپكە الىنۋعا مىنالار: 1) ەرەكشە قورعالاتىن تابيعي اۋماقتار جەرلەرiندەگi تابيعي جانە قولدان وسiرiلگەن ورماندار (ورماندى جانە اعاش وسپەگەن القاپتاردى قوسا العاندا); 2) مەملەكەتتiك ورمان قورى جەرلەرiندەگi ورمان شارۋاشىلىعىنىڭ مۇقتاجدىقتارى ءۇشiن بەرiلگەن تابيعي جانە قولدان وسiرىلگەن ورماندار, سونداي-اق ورمان وسiمدiكتەرi وسپەگەن جەر ۋچاسكەلەرi; 3) حالىقارالىق جانە رەسپۋبليكالىق ماڭىزى بار ورتاق پايدالانۋداعى تەمiر جولدار مەن اۆتوموبيل جولدارىنىڭ, كانالداردىڭ, ماگيسترالدىق قۇبىرلار مەن باسقا دا جەلiلiك قۇرىلىستاردىڭ ءبولiپ بەرiلگەن بەلدەۋلەرiندەگi ەنi ون مەتر جانە ودان كەڭiرەك, الاڭى 0,05 گەكتاردان استام قورعانىشتىق ەكپەلەر جاتادى. 9. جەكەشە ورمان قورىنىڭ قۇرامىندا ەسەپكە الۋعا: 1) قولدان وسىرىلگەن ەكپەلەر; 2) تۇقىمنان جانە (نەمەسە) ءوسۋ جولىمەن پايدا بولعان تابيعي ءوسىپ-ونگەن ەكپەلەر; 3) جەكەشە ورمان پيتومنيكتەرى; 4) ارنايى ماقساتتاعى پلانتاتسيالىق ەكپەلەر; 5) اگروورمان-مەليوراتيۆتىك ەكپەلەر; 6) جەكە مەنشىكتىڭ قاراۋىنداعى شارۋاشىلىق ماقساتتاعى اۆتوموبيل جولدارىنىڭ ءبولiپ بەرiلگەن بەلدەۋلەرiندەگi قورعانىشتىق ەكپەلەر جاتادى. 10. ەسەپكە الۋدى جۇرگىزۋ ماتەريالدارىنا وزگەرiستەر ەنگiزۋدى ورمان ورنالاستىرۋ ماتەريالدارىنا سايكەس مەملەكەتتىك ورمان يەلەنۋشىلەر جۇرگىزەدى, ولارعا جىل سايىن مىنا قۇجاتتاردىڭ نەگىزىندە وزگەرىستەر ەنگىزىلەدى: 1) اعاش كەسىلگەن جەرلەردى كۋالاندىرۋ اكتىسى, ورمان ءورتى تۋرالى حاتتاما, ورمان داقىلدارىن تەحنيكالىق قابىلداۋ اكتىسى, ەسەپكە الىنعان ورمان داقىلدارىنىڭ جيىنتىق ۆەدوموستارى; 2) مەملەكەتتiك ورگانداردىڭ: جەر ۋچاسكەلەرiن ورمان قورىنىڭ جەرلەرى جانە (نەمەسە) ەرەكشە قورعالاتىن تابيعي اۋماقتاردىڭ جەرلەرi ساناتىنا قوسۋ; مەملەكەتتىك ورمان قورىنىڭ جەرلەرىن الۋ; مەملەكەتتiك ورمان قورىن ساناتتارعا جاتقىزۋ, بiر ساناتتان باسقاسىنا اۋىستىرۋ, سونداي-اق ەرەكشە قورعالاتىن ۋچاسكەلەردى ءبولiپ الۋ; مەملەكەتتiك ورمان قورىندا ورمانسىز جەرلەردى ورمان شارۋاشىلىعىن جۇرگiزۋمەن جانە ورمان پايدالانۋمەن بايلانىستى ماقساتتاردا پايدالانۋ ءۇشiن ولاردى ورماندى جەرلەرگە اۋىستىرۋ; مەملەكەتتiك ورمان قورىنداعى ورمانسىز جەرلەردi ورماندى جەرلەرگە اۋىستىرۋ; مەملەكەتتiك ورمان قورىنىڭ جەرلەرiن ورمان شارۋاشىلىعىن جۇرگiزۋمەن بايلانىستى ەمەس ماقساتتار ءۇشiن باسقا ساناتتار جەرiنە اۋىستىرۋ جانە (نەمەسە) مەملەكەتتiك ورمان قورىنىڭ جەرلەرiن مەملەكەتتiك قاجەتتiلiكتەر ءۇشiن الۋ جونiندەگi شەشiمدەرi. 11. ەسەپكە الۋدى جۇرگىزۋدى مەملەكەتتىك ورمان ورنالاستىرۋ ۇيىمى جۇزەگە اسىرادى. 12. تولتىرىلعان ەسەپكە الۋ ماتەريالدارى ەسەپتى جىلدان كەيىنگى جىلدىڭ 20 قاڭتارىنا دەيىن جەرگiلiكتi اتقارۋشى ورگانداردىڭ اۋداندىق (قالالىق) جەر قاتىناستارى بولىمدەرىندە سالىستىرىلىپ, ۋاكىلەتتى ورگاننىڭ ۆەدومستۆوسىنىڭ اۋماقتىق بولىمشەلەرىنە ەلەكتروندىق جانە قاعاز تاسىعىشتاردا بەرىلەدى: 1) ورمان شارۋاشىلىعىمەن اينالىساتىن وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ قۇرىلىمدىق بولىمشەلەرى مەن وزگە مەملەكەتتىك ورگاندار – وزدەرىنىڭ قاراۋىنداعى مەملەكەتتىك ورمان يەلەنۋشىلەر بويىنشا; 2) ۋاكiلەتتi ورگاننىڭ قاراۋىنداعى مەملەكەتتiك ورمان يەلەنۋشىلەر; 3) جەكەشە ورمان يەلەنۋشiلەر بەرەدi. 13. ۋاكiلەتتi ورگان ۆەدومستۆوسىنىڭ اۋماقتىق بولىمشەلەرى (بۇدان ءارى -اۋماقتىق بولىمشەلەر) بەرiلگەن ەسەپكە الۋ ماتەريالدارىن تەكسەرەدى, ولاردى وڭدەيدi, وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ جەر قاتىناستارى جونىندەگى ۋاكىلەتتى ورگانىندا سالىستىرۋ جۇرگىزەدى, ولاردى ەسەپتى جىلدان كەيىنگى جىلدىڭ 1 اقپانىنا مەملەكەتتىك ورمان ورنالاستىرۋ ۇيىمىنا جiبەرەدi. 14. مەملەكەتتىك ورمان ورنالاستىرۋ ۇيىمى ەسەپكە الۋ ماتەريالدارىن ەسەپتىك جىلدان كەيىنگى جىلدىڭ 10 اقپانىنا دەيىن تەكسەرەدى. دالسiزدiكتەر بايقالعان جانە (نەمەسە) تولىق كولەمىندە بەرىلمەگەن جاعدايلاردا ەسەپكە الۋ ماتەريالدارى پىسىقتاۋعا قايتارىلادى. پىسىقتالعان ەسەپكە ماتەريالدارى ەسەپتىك جىلدان كەيىنگى جىلدىڭ 20 اقپانىنا دەيىن مەملەكەتتىك ورمان ورنالاستىرۋ ۇيىمىنا قايتا جىبەرىلەدى. 15. مەملەكەتتىك ورمان ورنالاستىرۋ ۇيىمى ەسەبىن جۇرگىزۋ ماتەريالدارىنىڭ دەرەكتەرىن اۋداندار, قالالار, وبلىستار جانە جالپى رەسپۋبليكا بويىنشا وڭدەپ, ەسەپتى جىلدان كەيىنگى جىلدىڭ 20 ناۋرىزىنا تۇسىندىرمە جازباحاتپەن ۋاكىلەتتى ورگاننىڭ ۆەدومستۆوسىنا قاراۋعا جانە بەكىتۋگە ەلەكتروندىق تۇردە, سونداي-اق قاعاز تاسىعىشتاردا جولدايدى. قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشى 2015 جىلعى 27 اقپانداعى № 18-02/163 بۇيرىعىنا 2-قوسىمشا مەملەكەتتىك ورمان كاداسترىن جۇرگىزۋ قاعيدالارى 1. جالپى ەرەجەلەر 1. وسى مەملەكەتتىك ورمان كاداسترىن جۇرگىزۋ قاعيدالارى (بۇدان ءارi – قاعيدالار) قازاقستان رەسپۋبليكاسىنىڭ 2003 جىلعى 8 شىلدەدەگى ورمان كودەكسىنىڭ (بۇدان ءارi – ورمان كودەكسى) 13-بابىنىڭ 1-تارماعىنىڭ 8) تارماقشاسىنا سايكەس ازiرلەندi جانە مەملەكەتتىك ورمان كاداسترىن جۇرگىزۋ ءتارتىبىن ايقىندايدى. 2. مەملەكەتتىك ورمان كاداسترى قازاقستان رەسپۋبليكاسى تابيعي رەسۋرستارىنىڭ مەملەكەتتiك كاداسترلارى بiرىڭعاي جۇيەسiنiڭ قۇرامداس بولiگi بولىپ تابىلادى جانە ونى مەملەكەتتىك ورمان ورنالاستىرۋ ۇيىمى جۇرگiزەدi. 3. مەملەكەتتiك ورمان كاداسترى مەملەكەتتىك جەر كاداسترىمەن ءوزارا بايلانىستى. مەملەكەتتىك ورمان كاداسترىن جۇرگiزۋ ءۇشiن قاجەتتى ورمان قورىنىڭ جەر ۋچاسكەلەرi تۋرالى مالiمەتتەر مەملەكەتتىك جەر كاداسترىنان الىنادى. 2. مەملەكەتتiك ورمان كاداسترىن جۇرگiزۋ ءتارتiبi 4. مىنالار مەملەكەتتىك ورمان كاداسترىنىڭ قۇجاتتاماسى: 1) مەملەكەتتىك ورمان كاداسترى وسى قاعيدالاردىڭ 1-قوسىمشاسىنا سايكەس نىسان بويىنشا جۇرگىزىلەتىن مەملەكەتتىك ورمان قورىنىڭ ورمان كاداسترى كىتابى; 2) ورمان يەلەنۋشىنىڭ شارۋاشىلىق قىزمەتىنىڭ قورىتىندىلارى بويىنشا ەسەپتىك كەزەڭدەگى مەملەكەتتىك ورمان قورىنىڭ قۇرامىنداعى وزگەرىستەر تۋرالى وسى قاعيدالاردىڭ 2-قوسىمشاسىنا سايكەس نىسان بويىنشا جىل سايىن بەرىلىپ تۇراتىن مەملەكەتتىك ورمان كاداسترىن جۇرگىزۋ ءۇشىن قاجەت مالىمەتتەر; 3) «ورمان قورى مەملەكەتتىك ەسەبىنىڭ نىساندارىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2010 جىلعى 28 قىركۇيەكتەگى № 630 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6609 نومىرىمەن تىركەلگەن) ورمان قورىنىڭ مەملەكەتتىك ەسەبىن جۇرگىزۋ نىساندارى (بۇدان ءارى – ەسەپكە الۋ ماتەريالدارى) بولىپ تابىلادى. 5. مەملەكەتتىك ورمان يەلەنۋشىلەر جانە ورمان پايدالانۋشىلار جىل سايىن اقپارات جيناۋدىڭ, وڭدەۋدىڭ جانە ساقتاۋدىڭ ەلەكتروندىق جۇيەلەرىن, سونداي-اق قاعاز تاسىعىشتاردى پايدالانىپ: 1) ەسەپتi جىلدان كەيiنگى 1 قاڭتارداعى جاعداي بويىنشا ورمان قورىنىڭ اعىمداعى وزگەرiستەرى مەن جاي-كۇيi تۋرالى مالiمەتتەردi مەملەكەتتىك ورمان كاداسترىنىڭ قۇجاتتاماسىنا ەنگىزەدi; 2) ەسەپتi جىلدان كەيiنگى جىلدىڭ 20 اقپانىنا دەيiن ۆەدومستۆولىق تيەسىلىگى بويىنشا ورمان قورىندا بولعان وزگەرiستەر تۋرالى مالiمەتتەردi ۋاكiلەتتi ورگان ۆەدومستۆوسىنىڭ اۋماقتىق بولىمشەلەرىنە (بۇدان ءارى – اۋماقتىق بولىمشەلەر) جانە ورمان شارۋاشىلىعىمەن اينالىساتىن وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ قۇرىلىمدىق بولىمشەلەرىنە (بۇدان ءارى – قۇرىلىمدىق بولىمشەلەر) بەرەدi. 6. اۋماقتىق بولىمشەلەر مەن قۇرىلىمدىق بولىمشەلەر جىل سايىن ەلەكتروندىق جيناۋ جۇيەلەرىن, سونداي-اق قاعاز تاسىعىشتاردى پايدالانىپ, ەسەپتi جىلدان كەيiنگى جىلدىڭ 10 ساۋىردەگى دەيiنگى مەرزىمدە, تۇسىندىرمە جازبالارى بار وبلىس بويىنشا جيىنتىق ەسەپتەردى مەملەكەتتىك ورمان ورنالاستىرۋ ۇيىمىنا جىبەرەدى. 7. مەملەكەتتىك ورمان ورنالاستىرۋ ۇيىمى جىل سايىن, 1 ماۋسىمعا دەيىن تۇسىندىرمە جازباحاتتارى بار وبلىس بويىنشا جانە رەسپۋبليكا بويىنشا جيىنتىق ەسەپتەردى ەلەكتروندىق جانە قاعاز تاسىعىشتاردا ورمان شارۋاشىلىعى سالاسىنداعى ۋاكىلەتتى ورگاننىڭ ۆەدومستۆوسىنا, اۋماقتىق بولىمشەلەرگە جانە قۇرىلىمدىق بولىمشەلەرگە جىبەرەدى. 8. مەملەكەتتiك ورمان كاداسترىن جۇرگىزۋ شەڭبەرiندە الىنعان ناتيجەلەر قازاقستان رەسپۋبليكاسى تابيعي رەسۋرستار مەملەكەتتىك كاداسترلارىنىڭ بiرىڭعاي جۇيەسiنە بەرiلەدi. مەملەكەتتىك ورمان قورى كاداسترىن جۇرگىزۋ قاعيدالارىنا 1-قوسىمشا نىسان مينيسترلىك, ۆەدومستۆو ______________________________________________________________________ وبلىستىڭ, رەسپۋبليكالىق ماڭىزى بار قالانىڭ, استانانىڭ ورمان شارۋاشىلىعىمەن اينالىساتىن جەرگىلىكتى اتقارۋشى ورگانى _______________________________________________________________________ ورمان يەلەنۋشى ______________________________________________________ پوشتالىق مەكەنجايى _______________________________________________ كاداسترلىق ءنومىرى __________________________________________________ مەملەكەتتىك ورمان قورىنىڭ ورمان كاداسترلىق كىتابى باستالدى: 20____ جىلعى 01.01. جاعدايى بويىنشا اياقتالدى: 20____جىلعى 01.01. جاعدايى بويىنشا ___________ پاراق تۇراقتى ساقتالادى 1-ءبولىم. ورمان يەلەنۋ جانە ورمان پايدالانۋ قۇقىعى جەر رەسۋرستارىن باسقارۋ جونىندەگى ۋاكىلەتتى ورگان بەرگەن تۇراقتى جەر پايدالانۋ قۇقىعىنا ارنالعان اكت, بەلگىلەنگەن تارتىپپەن بەكىتىلگەن ورمان يەلەنۋشىنىڭ ەرەجەسى (جارعىسى), ورمان يەلىگىنىڭ ورنالاسۋ كارتا-سحەماسى, ورمان يەلىگىنىڭ قۇرىلىمى, بولىمدە قوسا بەرىلىپ وتىرعان 1 جانە 2-كەستەلەرگە سايكەس ورمان يەلەنۋشىنىڭ ورمان شارۋاشىلىعى قىزمەتىنىڭ ەسەپتىك دەرەكتەرى ەنگىزىلەدى. 1-كەستە ورمان يەلەنۋ قۇرىلىمى № ورمانشىلىق-تاردىڭ اتاۋى اكىمشىلىك اۋدان اۋدانى, گەكتار ورمانشىلىق-تار مەن ورمان يەلەنۋشى كەڭسەلەرىنىڭ ورنالاسقان جەرى جالپى ونىڭ ىشىندە ۇزاق مەرزىمدى پايدالانۋدا 1 2 3 4 5 6 2-كەستە ورمان يەلەنۋشىنىڭ ورمان شارۋاشىلىعى قىزمەتى تۋرالى ەسەپتىك مالىمەتتەر كورسەتكىشتەردىڭ اتاۋلارى, ولشەم بىرلىگى ەسەپكە الۋ جىلدارى 2015 2016 1 2 3 4 5 6 7 8 9 وندىرىلگەن ءونىمنىڭ جانە كورسەتىلگەن قىزمەتتىڭ جالپى كولەمى, مىڭ تەڭگە ونىڭ ىشىندە نەگىزگى قىزمەت بويىنشا, مىڭ تەڭگە ءتىزىم بويىنشا قىزمەتكەرلەر سانى, ادام ونىڭ ىشىندە ورمان شارۋاشىلىعىنىڭ بىلىكتى قىزمەتكەرلەرى, ادام ەكپە ورمان جۇمىستارى: اعاش وتىرعىزۋ, گەكتار تۇقىمباقتاردا سەبۋ, گەكتار اعاش تۇقىمدارىن دايىنداۋ, كيلوگرامم ناقتى اعاش كەسۋ: باستى ماقساتتا پايدالانۋ بويىنشا, گەكتار/مىڭ تەكشە مەتر ارالىق ماقساتتا پايدالانۋ بويىنشا, گەكتار/مىڭ مەتر كۋب باسقا ماقساتتاردا كەسۋ بويىنشا, گەكتار/مىڭ تەكشە مەتر جاناما ورمان پايدالانۋ: ءشوپ شابۋ, گەكتار مال جايۋ, گەكتار اۋىلشارۋاشىلىق پايدالانۋ, گەكتار 2-ءبولىم. مەملەكەتتىك ورمان قورى ۋچاسكەلەرىن ورمان يەلەنۋ قۇقىعىمەن بەرۋ, سونداي-اق جەرلەردى قابىلداۋ جانە بەرۋ مەملەكەتتىك ورمان قورى ۋچاسكەلەرىن ورمان يەلەنۋ قۇقىعىمەن بەرۋدىڭ قۇقىقتىق نەگىزدەرى, سونداي-اق مەملەكەتتىك ورمان قورىنىڭ قۇرامىنان جەر قابىلداۋ جانە بەرۋ ەنگىزىلەدى, مۇندا سوڭعى ورمان ورنالاستىرۋدان كەيىن نەمەسە قۇرىلعان جىلىنان باستاپ (ورمان ورنالاستىرۋ جوباسى بولماسا) قوسا بەرىلىپ وتىرعان بولىمدەگى دەرەكتەردى كەستەگە ەنگىزۋ جىلىنا دەيىن ورمان قورىنىڭ القابىندا بولعان وزگەرىستەر كورسەتىلەدى. ورمان قورىنىڭ قۇرامىنا قابىلداۋعا نەمەسە بەرۋگە نەگىز بولعان قۇقىقتىق قۇجاتتار كورسەتىلەدى. سوڭعى ورمان ورنالاستىرۋ جىلى __________________________________ جازىل عان كۇنى مەملەكەتتىك ورمان قورى القاپتارىنداعى وزگەرىس تەرگە نەگىز بولعان قۇجاتتىڭ اتاۋى, كۇنى, ءنومىرى جانە قىسقاشا مازمۇنى جەر بەرىلگەن نەمەسە قابىلدانعان جەر پايدالانۋ-شىنىڭ اتاۋى القابى , گەكتار قابىل داندى بەرىلدى 1 2 3 4 5 1. سوڭعى ورمان ورنالاستىرۋ جىلىنداعى مالىمەتتەر 2. ورمان قورىنداعى القاپتاردىڭ وزگەرۋى ەسكەرتپە: مالىمەتتەردە نەگىز ەتىپ سوڭعى ورمان ورنالاستىرۋدىڭ دەرەكتەرى بويىنشا نەمەسە ورمان يەلەنۋشىنىڭ قۇرىلعان كۇنىنەن باستاپ (ورمان ورنالاستىرۋ جوباسى بولماسا) مەملەكەتتىك ورمان قورىنىڭ القابى الىنادى. 3-ءبولىم. ورمان قورىن مەملەكەتتىك ورمان قورىنىڭ ساناتتارى جانە القاپتار بويىنشا ءبولۋ جانە باعالاۋ بولىمدە قوسا بەرىلىپ وتىرعان كەستەگە سايكەس جىل سايىنعى جانە كەزەڭدىك ورمان قورىن مەملەكەتتىك ەسەپكە الۋدان الىنعان جەر ساناتتارى القاپتارىنىڭ دەرەكتەرى جانە مەملەكەتتىك ورمان قورى ساناتتارىنىڭ (بۇدان ءارى - موق ساناتتارى) شەگىندە ولاردىڭ ەكونوميكالىق باعاسى ەنگىزىلەدى. ءاربىر موق ساناتى ءۇشىن جەكە كەستە جاسالادى. موق ساناتى _________________________________________________________ الىمى – اۋدان, مىڭ گەكتار ءبولىمى – باعاسى, مىڭ تەڭگە وزگەرىستەر ەنگىزىلگەن كۇن ورماندى القاپتار ورمانمەن كومكەرىل گەن ارنايى ماقساتتاعى پلانتاتسيالار, ورمان تۇقىمباقتارى جيناقتالما عان ورمان ەكپەلەرى ورمانمەن كومكەرىل مەگەن ورماندى القاپتار جيىنى 1 2 3 4 5 6 01.01.2014 01.01.2015 2014 جىلعى وزگەرىستەر 01.01.2015 2015 جىلعى وزگەرىستەر جانە سول سياقتى كەستەنىڭ جالعاسى ورمانسىز القاپتار ورماندى جانە ورمانسىز القاپتار, بارلىعى ەگىستىكتەر تىڭايعان جەرلەر شابىن-دىقتار جايى-لىمدار جولدار, ورام سوقپاقتارى ۋساد- بالار سۋ بات پاق مۇز دىق تار قۇمدار جانە باسقا دا القاپتار ورمانسىز القاپتار, جيىنى 7 8 9 10 11 12 13 14 15 16 17 ەسكەرتپە : الىمىنا – جىل سايىنعى جانە كەزەڭدىك ورمان قورىن مەملەكەتتىك ەسەپكە الۋدان الىنعان ورمان قورى ساناتتارىنىڭ القابى, بولىمىندە – ەسەپتەلگەن اقشالاي باعاسى ەنگىزىلەدى. 4-ءبولىم. باسىم تۇقىمدىلار مەن جاس توپتارى بويىنشا ورمان كومكەرگەن القاپتاردى ءبولۋ جانە باعالاۋ بولىمدە قوسا بەرىلىپ وتىرعان كەستەگە سايكەس القاپتار مەن قور دەرەكتەرى, سونداي-اق باسىم تۇقىمدىلار مەن جاس توپتارى بويىنشا ورمان كومكەرگەن جەرلەردىڭ باعالاۋ قۇنى ەنگىزىلەدى. ءاربىر نەگىزگى ورمان قۇراۋشى تۇقىمدى ءۇشىن جەكە كەستە جاسالادى. وزگە اعاش تۇقىمدىلارى مەن بۇتالار بويىنشا دەرەكتەر القابى مەن باعالاۋ قۇنى بويىنشا عانا جيىنتىق كۇيىندە كەلتىرىلەدى. مالىمەتتەر ەسەپكە الۋ ارالىعىنداعى كەزەڭدە بولعان وزگەرىستەردى ەسكەرە وتىرىپ ورمان قورىن مەملەكەتتىك ەسەپكە الۋ دەرەكتەرىنەن الىنعان موق ساناتتارى ەسەپكە الىنباي ورمان يەلەنۋ بويىنشا تۇتاس ەنگىزىلەدى. باسىم تۇقىمدىلار ___________________________________________________ القاپ, مىڭ گەكتار; قور, مىڭ تەكشە مەتر; قۇنى, مىڭ تەڭگە وزگەرىستەر ەنگىزىلگەن كۇن تۇقىمدى بويىنشا بارلىعى ونىڭ ىشىندە جاس توپتارى بويىنشا جاس تالدار القاپ قور باعالاۋ قۇنى القاپ قور باعالاۋ قۇنى 1 2 3 4 5 6 7 01.01.2014 01.01.2015 2014 جىلعى وزگەرىستەر 01.01.2015 2015 جىلعى وزگەرىستەر جانە سول سياقتى كەستەنىڭ جالعاسى ونىڭ ىشىندە جاس توپتارى بويىنشا ورتا جاستاعىلار ءپىسىپ كەلە جاتقاندار پىسكەن جانە كونەرگەندەر القاپ قور باعالاۋ قۇنى القاپ قور باعالاۋ قۇنى القاپ قور باعالاۋ قۇنى 8 9 10 11 12 13 14 15 16 5-ءبولىم. وبلىس (رەسپۋبليكا) ورماندارىنىڭ ۆەدومستۆولار مەن مەنشىك نىساندارى بويىنشا ءبولىنۋى بولىمدە قوسا بەرىلىپ وتىرعان كەستەگە سايكەس وبلىس (رەسپۋبليكا بويىنشا وبلىستار) بويىنشا ورمان يەلەنۋشىلەرىنىڭ 3 جانە 4-بولىمدەردەن الىنعان وبلىس (رەسپۋبليكا) بويىنشا بارلىق, سونداي-اق ۆەدومستۆولىق تەگى مەن مەنشىك نىساندارى بويىنشا جيىنتىق مالىمەتتەر ەنگىزىلەدى. وبلىس, رەسپۋبليكا ___________________________________________________ القاپ, مىڭ گەكتار وزگەرىستەر ەنگىزىلگەن كۇن ورمان قورىنىڭ جەرى, بارلىعى مەملەكەتتىك ورمان قورى جەرلەرىنىڭ ۆەدوموستۆولىق باعىنىستىلىعى بويىنشا ءبولىنۋى سونداي-اق جەكەشە ورمان قورى* قر اشم ورمان شارۋا-شىلىعى جانە جانۋار-لار دۇنيەسى كوميتەتى مينيسترلىك-تەر مەن ۆەدومستۆولار وبلىستىق اكىمدىكتەر رەسپۋبليكالىق ماڭىزى بار قالالار,استانا اكىمدىكتەرى جەكەشە ورمان قورى 1 2 3 4 5 6 7 8 9 ەسكەرتپە: * - مينيسترلىكتەر, ۆەدومستۆولار, وبلىستىق اكىمدىكتەر, رەسپۋبليكالىق ماڭىزى بار قالالار, استانا اكىمدىكتەرى, وبلىس جانە رەسپۋبليكا اۋماعىنداعى دارا تۇلعالار قاراۋىنداعى ورمان قورى تۋرالى مالىمەتتەر ەنگىزىلەدى; قر اشم – قازاقستان رەسپۋبليكاسى اۋىل شارۋاشىلىعى مينيسترلىگىنىڭ. مەملەكەتتىك ورمان كاداسترىن جۇرگىزۋ قاعيدالارىنا 2-قوسىمشا نىسان ورمان يەلەنۋشىنىڭ شارۋاشىلىق قىزمەتىنىڭ قورىتىندىلارى بويىنشا ەسەپتىك كەزەڭدەگى مەملەكەتتىك ورمان قورىنىڭ قۇرامىنداعى وزگەرىستەر تۋرالى مالىمەتتەر 1-كەستە مەملەكەتتىك ورمان قورىنىڭ ساناتتار بويىنشا القاپتارى جانە ورمان يەلەنۋشىنى باسقارۋ قۇرىلىمى تۋرالى مالىمەتتەر ورمان يەلەنۋشى ______________________________________________________ قۇرىلىمدىق بولىمشەلەردىڭ اتاۋى (فيليال, ورمانشىلىق) جالپى القابى, مىڭ گەكتار ونىڭ ىشىندە مەملەكەتتىك ورمان قورىنىڭ ساناتتارى بويىنشا مەملەكەتتىك ورمان قورى ساناتىنىڭ اتاۋى 1 2 3 4 5 جيىنى 2-كەستە مەملەكەتتىك ورمان قورى ۋچاسكەلەرىندە ورمان پايدالانۋ تۇرلەرى تۋرالى مالىمەتتەر ورمان يەلەنۋشى ____________________________________________________ ورمان پايدالانۋ تۇرلەرى ورمان پايدالانۋشىنىڭ اتاۋى بەكىتىلگەن القاپ, گەكتار 1 2 4 3-كەستە ەسەپكە الۋ ارالىعىنداعى كەزەڭدە بولعان مەملەكەتتىك ورمان قورى القاپتارىنىڭ اعىمداعى وزگەرىستەرى تۋرالى مالىمەتتەر ورمان يەلەنۋشى_______________________________________________ القاپ, گەكتار جەر بەرۋ, قابىلداۋ ءۇشىن نەگىز (بۇيرىقتىڭ, قاۋلىنىڭ ءنومىرى جانە كۇنى) جەر بەرگەن نەمەسە قابىلداعان جەر پايدالانۋشىنىڭ اتاۋى وزگەرىستەر مەملەكەتتىك ورمان قورىنىڭ جەرلەرى ۇزاق مەرزىمدى ورمان پايدالانۋعا بەرىلدى ورمان يەلەنۋ قۇرامىنا قابىلداندى ورمان يەلەنۋ قۇرامىنان بەرىلدى 1 2 3 4 5 4-كەستە مەملەكەتتىك ورمان قورى ۋچاسكەلەرىندەگى سۇرەك قورى تۋرالى مالىمەتتەر (جىل سايىنعى ءوسىمدى قوسقاندا) ورمان يەلەنۋشى _________________________________________________ قور, مىڭ تەكشە مەتر جالپى ولاردىڭ تولىسقانى جانە كونەر گەنى جالپى قوردان قىلقان تۇ-قىمدىلار ولاردىڭ تو-لىسقانى جانە كونەرگەنى قاتتى جاپىراقتى تۇقىمدىلار ولاردىڭ تولىسقانى جانە كونەرگەنى جۇمساق جاپىراقتى تۇقىمدىلار ولاردىڭ تو-لىسقانى جانە كونەرگەنى 1 2 3 4 5 6 7 8 5-كەستە مەملەكەتتىك ورمان قورىنىڭ ۋچاسكەلەرىندە ناقتى دايىندالاتىن سۇرەك تۋرالى مالىمەتتەر ورمان يەلەنۋشى ___________________________________________________ كەسۋ تۇرلەرى تۇقىمدىلار توپتارى دايىنداۋ كولەمى مىڭ تەكشە مەتر ەسەپتى كەسپەاعاش ناقتى دايىندالاۋ ەسەپتى كەسپەاعاشتىڭ پايىزى 1 2 3 4 5 6-كەستە مەملەكەتتىك ورمان قورىنىڭ ۋچاسكەلەرىندە ورمانداردى مولىقتىرۋ جانە ورمان ءوسىرۋ تۋرالى مالىمەتتەر ورمان يەلەنۋشى __________________________________________________ ءىس-شارالار اتاۋى ولشەم بىرلىگى بارلىعى ونىڭ ىشىندە تۇقىمدىلار بويىنشا قاراعاي قايىڭ سەكسەۋىل جانە باسقا تۇقىمدىلار 1 2 3 4 5 6 7 7-كەستە مەملەكەتتىك ورمان قورىنداعى سۇرەك ەمەس رەسۋرستار تۋرالى مالىمەتتەر ورمان يەلەنۋشى ______________________________________________________ رەسۋرستاردىڭ نەگىزگى تۇرلەرى ولشەم بىرلىگى ورتاشا جىلدىق قور وتكەن جىلى وندىرىلگەنى بيولوگيالىق وندىرۋگە بولاتىن رۇقسات بەرۋ قۇجاتتارى بويىنشا حالىقتىڭ كەلۋ تارتىبىمەن جيىنى 1 2 3 4 5 6 7 8-كەستە مەملەكەتتىك ورمان قورى ۋچاسكەلەرىندە ورماندى كۇتىپ-باپتاۋ ماقساتىندا كەسۋ تۋرالى مالىمەتتەر ورمان يەلەنۋشى ______________________________________________________ القابى, گەكتار; قور, مىڭ تەكشە مەتر كۇتىپ-باپتاۋ ماقسا-تىندا كەسۋ تۇرلەرى باسىم تۇقىمدى كۇتىپ-باپتاۋ ماقساتىندا كەسۋ جاسىنداعى ەكپەلەر القابى كۇتىپ-باپتاۋ ماقساتىندا كەسۋدى قاجەت ەتەتىن ەكپەلەر القابى 1 2 3 4 كۇتىپ-باپتاۋ ماقساتىندا كەسۋگە بەلگىلەنگەنى القاپ قور قايتالانۋ مەرزىمى, جىل جىل سايىنعى القاپ جانە كەسۋ كولەمى 1 گەكتاردا كەسىلەتىن قور جالپى كەسىلەتىن القاپ قور تەكشە مەتر ىرىك تەۋ پايىزى كەسىلەتىن ءوتىمدى كادەلىك 5 6 7 8 9 10 11 12 13 14 قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشى 2015 جىلعى 27 اقپانداعى № 18-02/163 بۇيرىعىنا 3-قوسىمشا ورمانداردىڭ مەملەكەتتىك مونيتورينگىن جۇرگىزۋ قاعيدالارى 1. جالپى ەرەجەلەر 1. وسى ورمانداردىڭ مەملەكەتتىك مونيتورينگىن جۇرگىزۋ قاعيدالارى (بۇدان ءارi – قاعيدالار) قازاقستان رەسپۋبليكاسىنىڭ 2003 جىلعى 8 شىلدەدەگى ورمان كودەكسىنىڭ 13-بابىنىڭ 1-تارماعىنىڭ 8) تارماقشاسىنا سايكەس ازiرلەندi جانە ورمانداردىڭ مەملەكەتتiك مونيتورينگiن جۇرگiزۋ ءتارتiبiن بەلگiلەيدi. 2. مەملەكەتتiك ورمان مونيتورينگi ورمان قورىن كۇزەتۋ, قورعاۋ مەن پايدالانۋ جانە ورمانداردى مولىقتىرۋ ورمانداردىڭ بيولوگيالىق ارالۋاندىعى مەن ەكولوگيالىق فۋنكتسيالارىن ساقتاۋ سالاسىن مەملەكەتتiك باسقارۋ ماقساتىندا ورمان قورىنىڭ جاي-كۇيi مەن قارقىنىن قاداعالاۋ, باعالاۋ جانە بولجاۋ جۇيەسiن بiلدiرەدi. 3. ورمانداردىڭ مەملەكەتتىك مونيتورينگiن جۇرگiزۋدi وسى قاعيدالارعا سايكەس مەملەكەتتىك ورمان ورنالاستىرۋ ۇيىمى قازاقستان رەسپۋبليكاسىنىڭ بۇكىل اۋماعىندا بiرىڭعاي جۇيە بويىنشا جۇزەگە اسىرادى. 2. ورمانداردىڭ مەملەكەتتiك مونيتورينگiن جۇرگىزۋ ءتارتiبi 4. مەملەكەتتىك ورمان يەلەنۋشىلەر مەن ورمان پايدالانۋشىلار جىل سايىن, ەسەپتى جىلدان كەيىنگى جىلدىڭ 20 قاڭتارىنا دەيىن ۆەدومستۆولىق تيەسىلىگى بويىنشا ورمان قورىندا بولعان وزگەرiستەر تۋرالى مالiمەتتەردi ورمان شارۋاشىلىعى سالاسىنداعى ۋاكiلەتتi ورگان ۆەدومستۆوسىنىڭ اۋماقتىق بولىمشەلەرىنە (بۇدان ءارى – اۋماقتىق بولىمشەلەر) جانە ورمان شارۋاشىلىعىمەن اينالىساتىن وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىنىڭ قۇرىلىمدىق بولىمشەلەرىنە (بۇدان ءارى – قۇرىلىمدىق بولىمشە) بەرەدi. 5. اۋماقتىق بولىمشەلەر مەن قۇرىلىمدىق بولىمشەلەر ورمانداردىڭ مەملەكەتتىك مونيتورينگى بويىنشا ماتەريالدار دايىنداپ, ولاردى ەسەپتى جىلدان كەيىنگى جىلدىڭ 1 ناۋرىزىنا دەيىن مەملەكەتتىك ورمان ورنالاستىرۋ ۇيىمىنا بەرەدى. 6. اۋماقتىڭ قامتىلۋىنا بايلانىستى ورمانداردىڭ رەسپۋبليكالىق, وڭىرلiك جانە جەرگىلىكتى مەملەكەتتiك مونيتورينگى جۇزەگە اسىرىلادى: 1) رەسپۋبليكالىق – قازاقستان رەسپۋبليكاسى ورمان قورىنىڭ بۇكىل اۋماعىن قامتيدى; 2) وڭiرلىك – فيزيكا-گەوگرافيالىق, اكiمشىلىك, ورمان-وسiمدiك, ورمان-ەكونوميكالىق شەكارالارمەن شەكتەلگەن اۋماقتاردى قامتيدى; 3) جەرگىلىكتى – ورمان قورىنىڭ جەكەلەگەن ۋچاسكەلەرiنە دەيiن وڭiرلiك دەڭگەيدەن تومەن اۋماقتىق وبەكتىلەردە جۇرگiزىلەدi. 7. ورمانداردىڭ مونيتورينگi: 1) مەملەكەتتىك ورمان قورىنىڭ ساناتتارى بويىنشا جۇيەلi قاداعالاۋدى ورىنداۋ (iزدەستىرۋ, تاسپاعا ءتۇسiرۋ, تەكسەرۋ, تۇگەندەۋ); 2) ورمان قورىنىڭ جاي-كۇيiنە باعالاۋ جۇرگىزۋ; 3) ورمان قورىنىڭ جاي-كۇيiنە بولجام جاساۋ جونiندەگi جۇمىستاردى قامتيدى. 8. ورمانداردىڭ مەملەكەتتiك مونيتورينگiن جۇرگiزۋ ءۇشiن: 1) قاشىقتىقتان زوندتاۋ; 2) ورمان قورىنىڭ مەملەكەتتiك ەسەبi مەن مەملەكەتتiك ورمان كاداسترىنىڭ; 3) ورمان ورنالاستىرۋدىڭ; 4) قور دەرەكتەرiنiڭ (جوسپارلاردىڭ, كارتالاردىڭ, سحەمالاردىڭ, كەستەلىك جانە باسقا دا ماتەريالداردىڭ); 5) تابيعي زەرتتەۋلەر مەن iزدەستىرۋلەردiڭ ماتەريالدارى پايدالانىلادى. 9. ورمان قورىنىڭ جاي-كۇيiن باعالاۋ جۇرگiزiلەتiن قاداعالاۋدى تالداۋ, وزگەرiستەردiڭ باعىتى مەن قارقىندىلىعىن زەردەلەۋ ارقىلى ورىندالادى. 10. مەملەكەتتىك ورمان ورنالاستىرۋ ۇيىمى ورمانداردىڭ مەملەكەتتىك مونيتورينگىنiڭ ناتيجەلەرi بويىنشا ورمان قورىنىڭ جاي-كۇيi تۋرالى تۇسىندىرمە جازبانى جاسايدى جانە ەسەپتى جىلدان كەيىنگى 1 ماۋسىمعا دەيىن كارتوگرافيالىق ماتەريالدارمەن دياگراممالاردى قوسا بەرە وتىرىپ, وبلىستىق ورمان شارۋاشىلىعى سالاسىنداعى ۋاكىلەتتى ورگاننىڭ ۆەدومستۆوسىنا بەرەدى. قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشى 2015 جىلعى 27 اقپانداعى № 18-02/163 بۇيرىعىنا 4-قوسىمشا مەملەكەتتىك ورمان قورى اۋماعىندا ورمان ورنالاستىرۋدى جۇرگىزۋ قاعيدالارى 1. جالپى ەرەجەلەر 1. وسى مەملەكەتتiك ورمان قورىنىڭ اۋماعىندا ورمان ورنالاستىرۋدى جۇرگiزۋ قاعيدالارى (بۇدان ءارi – قاعيدا) قازاقستان رەسپۋبليكاسىنىڭ 2003 جىلعى 8 شىلدەدەگى ورمان كودەكسىنىڭ (بۇدان ءارى – ورمان كودەكسى) 13-بابىنىڭ 1-تارماعىنىڭ 8) تارماقشاسىنا سايكەس ازىرلەندى جانە مەملەكەتتiك ورمان قورى اۋماعىندا ورمان ورنالاستىرۋدى جۇرگiزۋ ءتارتiبiن رەگلامەنتتەيدi. 2. مەملەكەتتىك ورمان قورى اۋماعىندا ورمان ورنالاستىرۋ وسى قاعيدالارعا جانە «ورمان ورنالاستىرۋدى جۇرگىزۋ نۇسقاۋلىعىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2012 جىلعى 9 قاراشاداعى № 17-02/566 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8181 نومىرمەن تىركەلگەن) (بۇدان ءارى – ورمان ورنالاستىرۋدى جۇرگىزۋ نۇسقاۋلىعى) سايكەس بىرىڭعاي جۇيە بويىنشا ورىندالادى. 3. ورمان رەسۋرستارىن ەسەبىن جۇرگىزۋمەن, ورمان قورىن اۋماقتىق ورنالاستىرۋمەن, ونىڭ ىشىندە مەملەكەتتىك ورمان قورىنىڭ شەكارالارىن بەلگىلەۋمەن, ورمانداردى مەملەكەتتىك مونيتورينگىلەۋمەن, ورمان شارۋاشىلىعىن جۇرگىزۋدى جوسپارلاۋمەن جانە ورمان پايدالانۋمەن بايلانىستى ورمان ورنالاستىرۋ مەملەكەتتىك مونوپولياعا جاتادى جانە ونى مەملەكەتتىك ورمان ورنالاستىرۋ ۇيىمى جۇزەگە اسىرادى. 4. ورمان ورنالاستىرۋ جوبالارىندا ورمان شارۋاشىلىعىن جۇرگىزۋدىڭ جانە وتكەن رەۆيزيالىق كەزەڭدە مەملەكەتتىك ورمان قورىن پايدالانۋدىڭ كەشەندى باعاسىن, الداعى رەۆيزيالىق كەزەڭدە جوسپارلانىپ وتىرعان ورمان شارۋاشىلىعى ءىس-شارالارى مەن ورمان شارۋاشىلىعىن ۇيىمداستىرۋ مەن جۇرگىزۋدىڭ نەگىزگى ەرەجەلەرىن قامتيدى. 5. وسى قاعيدالاردا مىناداي ۇعىمدار پايدالانىلادى: 1) ورمان قورىن قورعاۋ, كۇزەتۋ, پايدالانۋ, ورمانداردى مولىقتىرۋ جانە ورمان ءوسىرۋ سالاسىندا باسقارۋ, باقىلاۋ جانە قاداعالاۋ فۋنكتسيالارىن جۇزەگە اسىراتىن ۋاكىلەتتى ورگاننىڭ ۆەدومستۆوسى – قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى (بۇدان ءارى – ۋاكىلەتتى ورگاننىڭ ۆەدومستۆوسى); 2) مەملەكەتتىك ورمان ورنالاستىرۋ ۇيىمى – ورمان شارۋاشىلىعى جانە جانۋارلار دۇنيەسى سالاسىنداعى ۋاكىلەتتى ورگاننىڭ قاراۋىنداعى «قازاقستان رەسپۋبليكاسى اۋىل شارۋاشىلىعى مينيسترلىگىنىڭ «قازاق ورمان ورنالاستىرۋ كاسىپورنى» رەسپۋبليكالىق مەملەكەتتىك قازىنالىق كاسىپورنى, ونىڭ قىزمەتى ورمان رەسۋرستارىنىڭ ەسەبىن, ورمان قورىن اۋماقتىق ورنالاستىرۋدى, ورمانداردىڭ مەملەكەتتىك مونيتورينگىن, ورمان شارۋاشىلىعىن جۇرگىزۋ مەن ورمان پايدالانۋدى جوسپارلاۋدى قامتاماسىز ەتۋگە باعىتتالعان. 2. مەملەكەتتىك ورمان قورى اۋماعىندا ورمان ورنالاستىرۋدى جۇرگiزۋ ءتارتiبi 6. مەملەكەتتىك ورمان قورى اۋماعىندا ورمان ورنالاستىرۋ جىل سايىن بەلگىلەنگەن تەكسەرۋ كەزەڭiنiڭ ۇزاقتىعىن ەسكەرە وتىرىپ, مەملەكەتتiك ورمان يەلەنۋشىلەردiڭ ورمان ورنالاستىرۋ جوبالارىنىڭ ۋاقتىلى جاڭارتىلىپ تۇرۋىن قامتاماسىز ەتەتiن كولەمدە جۇرگiزىلەدi. 7. مەملەكەتتىك ورمان ورنالاستىرۋ ۇيىمى مەملەكەتتىك ورمان قورى اۋماعىندا: 1) دايىندىق جۇمىستارى جۇرگىزىلەتىن جىلى تابيعي-كليماتتىق, ورمان وسiمدiكتەرi مەن ورمان ەكونوميكالىق شارتتاردىڭ ەرەكشەلiكتەرiن قورىتىندىلايتىن, ورمان شارۋاشىلىعىن جۇرگiزۋ قاعيداتتارىن, ورمان باعالاۋدىڭ نورماتيۆتiك-انىقتامالىق ماتەريالدارىن iرiكتەپ الىپ, ورمان شارۋاشىلىعى iس-شارالارىن جوبالاۋ ەرەكشەلiكتەرiن نەگiزدەيتiن وبلىستىڭ ء(وڭiر), رەسپۋبليكالىق ماڭىزى بار قالانىڭ, استانانىڭ ورمان شارۋاشىلىعىن جۇرگىزۋدىڭ نەگىزگى ەرەجەلەرىن ازىرلەيدى; 2) وبلىس ء(وڭiر), رەسپۋبليكالىق ماڭىزى بار قالالار, استانا قالاسى بويىنشا جيىنتىق ورمان ورنالاستىرۋ ماتەريالدارىن جاسايدى, سونداي-اق ورمان قورىنىڭ ءتيiستى تاقىرىپتىق كارتالارىن دايىندايدى; 3) قاشىقتىقتان بەلدەمدەۋ ماتەريالدارىن, كومپيۋتەرلiك تەحنولوگيالاردى پايدالانۋ, گەواقپاراتتىق جۇيەلەردi ەنگiزۋ نەگiزiندە ورمان رەسۋرستارىن ەسەپكە الۋدى جۇرگىزۋدىڭ جاڭا تەحنولوگيالارى مەن ادiستەرiن ازiرلەيدى; 4) مەملەكەتتiك ورمان يەلەنۋ اۋماعىنداعى ءدارi-دارمەكتiك جانە تەحنيكالىق شيكiزات رەسۋرستارىن انىقتايدى; 5) مەملەكەتتiك ورمان كاداسترىن, ورمان قورىن مەملەكەتتىك ەسەپكە الۋدى جانە ورمانداردىڭ مەملەكەتتىك مونيتورينگiن جۇرگiزۋدى جۇزەگە اسىرادى; 6) ورمان ءورت ءسوندىرۋ ستانتسيالارىن ورنالاستىرۋ جانە ولاردىڭ ءتۇرى بويىنشا ۇسىنىستار ازىرلەيدى; 7) تاكساتسيالىق سيپاتتامالارعا ۇزاق مەرزىمدى ورمان پايدالانۋعا بەرۋ جوبالانىپ وتىرعان ورمان رەسۋرستارى تۋرالى بەلگىلەر قويادى جانە ولاردىڭ شەكاراسىن كارتوگرافيالىق ماتەريالدارعا تۇسىرەدى; 8) ۋاكىلەتتى ورگان ۆەدومستۆوسىنىڭ ورمان ورنالاستىرۋ جوباسىنىڭ قۇرامىندا بەكىتۋى ءۇشىن ورمانشىلىقتار مەن (نەمەسە) مەملەكەتتىك ورمان يەلەنۋشى بويىنشا ەسەپتىك كەسپەاعاشتى ايقىندايدى. 8. ورمان ورنالاستىرۋعا تيiس وبەكتiدە ورمان ورنالاستىرۋ جۇمىستارى ءۇش جىل بويى جۇرگiزiلەدi جانە مىناداي ءۇش كەزەڭنەن تۇرادى: 1) ازiرلiك كەزەڭi (1-جىل) – جۇمىستار دالالىق ورمان ورنالاستىرۋ جۇمىستارىنىڭ الدىنداعى جىلى جۇرگiزiلەدi, بۇل رەتتە ۇيىمدىق-تەحنيكالىق سيپاتتاعى ماسەلەلەر شەشىلەدi جانە ورمان ورنالاستىرىلۋى تيiس اۋماقتاردىڭ اەروفوتوسۋرەتكە ءتۇسiرiلۋi جۇرگiزىلەدi; 2) دالالىق كەزەڭ (2-جىل) – ورمان ورنالاستىرۋدىڭ جەردەگى جانە ديستانتسيالىق ادiستەرi قولدانىلىپ, ورمان ورنالاستىرۋ وبەكتiسiندە مەملەكەتتiك ورمان قورىن تۇگەندەۋ جۇرگiزiلەدi; 3) كامەرالدىق كەزەڭ (3-جىل) – دالالىق كەزەڭدە الىنعان اقپاراتتى كامەرالدىق وڭدەۋ جۇرگiزىلەدi, ورمان ورنالاستىرۋ جوباسى ازiرلەنەدi. 9. ورمان ورنالاستىرۋ جۇمىستارىن جۇرگiزۋ كەزiندە اەروفوتوسۋرەتكە ءتۇسiرۋ جانە عارىشتىق ءتۇسىرىلىم ماتەريالدارى تەحنيكالىق نەگiز بولىپ تابىلادى. دالالىق ورمان ورنالاستىرۋ جۇمىستارىن جۇرگىزۋ كەزىندە پايدالانىلاتىن اەروفوتوسۋرەتتەر مەن عارىشتىق ءتۇسىرىلىم دەرەكتەرىنىڭ مەرزىمى 3 جىلدان اسپايتىن ۋاقىتقا بەلگىلەنەدى. 10. ورمان ورنالاستىرۋ جوباسى ازiرلەنىپ جاتقان تەكسەرۋ كەزەڭiنiڭ ۇزاقتىعى ورمان شارۋاشىلىعىن جۇرگiزۋدiڭ قارقىندىلىعىنا, سونداي-اق مەملەكەتتiك ورمان يەلەنۋشىلەرiنە جۇكتەلگەن مiندەتتەرگە بايلانىستى جانە ورمان ورنالاستىرۋدى جۇرگىزۋ نۇسقاۋلىعىمەن ايقىندالادى. 11. تەكسەرۋ كەزەڭi اياقتالىپ, مەملەكەتتiك ورمان يەلiگiنiڭ اۋماعىندا جاڭا ورمان ورنالاستىرۋ جوباسى كۇشiنە ەنبەگەن جاعدايدا: 1) ورتكە قارسى iس-شارالار تەكسەرۋ كەزەڭiنiڭ سوڭعى جىلىنا بەلگىلەنگەن كولەمدە ورىندالادى; 2) ورماندى سانيتاريالىق ماقساتتا كەسۋدi قوسا العاندا, ورمان قورعاۋ iس-شارالارى مەملەكەتتiك ورمان يەلەنۋشiلەر نەمەسە وسى سالادا مامانداندىرىلاتىن ۇيىمدار جۇرگiزەتiن ورمان-پاتولوگيالىق زەرتتەۋلەردiڭ ماتەريالدارى بويىنشا ايقىندالاتىن كولەمدە ورمانداردىڭ سانيتارلىق جاي-كۇيiنە بايلانىستى ورىندالادى; 3) ورمانداردى مولىقتىرۋ جانە ورمان ءوسiرۋ جونiندەگi iس-شارالار تەكسەرۋ كەزەڭiنiڭ سوڭعى جىلىنا, ەڭ الدىمەن اعاش كەسىلiمدەرi مەن ورتەڭدەرگە بەلگىلەنگەن كولەمدە ورمان داقىلدارى قورىنىڭ بار-جوعىنا بايلانىستى ورىندالادى; 4) ورماندى كۇتiپ-باپتاۋ ماقساتىندا كەسۋ ونى تەكسەرۋ كەزەڭiنiڭ سوڭعى جىلىنا بەلگىلەنگەن كولەمدە جۇرگiزۋدi قاجەت ەتەتiن, ەكپەلەردiڭ اراسىنان وسپەي قالعان نەمەسە اعاشتاردىڭ باستى تۇقىمدىلارىنىڭ وسۋiنە كەدەرگi كەلتiرەتiن اعاشتاردى ەكپەلەردەن الاستاتۋدى تالاپ ەتەتiن ەكپەلەردiڭ بار-جوعىنا بايلانىستى ورىندالادى; 5) باستى ماقساتتا پايدالانۋ ءۇشىن اعاش كەسۋ مەملەكەتتىك ورمان قورى اۋماعىندا اعاش كەسۋدىڭ جىل سايىنعى كولەمى شەگىندە جۇرگiزىلەدi; 6) وسى قاعيدالاردىڭ 11-تارماعىنىڭ 2), 4) جانە 5) تارماقشالارىندا كورسەتىلمەگەن ورمان پايدالانۋدىڭ قالعان تۇرلەرi ورمان ورنالاستىرۋ جوبالارىنا سايكەس جۇزەگە اسىرىلادى. 12. مەملەكەتتىك ورمان يەلەنۋشىلەر ورمان كودەكسىنىڭ 26-بابىنىڭ 2) تارماقشاسىنا سايكەس مەملەكەتتىك ورمان قورى اۋماعىندا ورمان ورنالاستىرۋدىڭ جۇرگىزىلۋىن قامتاماسىز ەتەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 18 ماۋسىمداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11387 بولىپ ەنگىزىلدى.