قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №18-04/120

2015 جىلعى 20 اقپان, استانا قالاسى حالىقارالىق جانە رەسپۋبليكالىق ماڭىزى بار بالىق شارۋاشىلىعى سۋ ايدىندارىنىڭ جانە (نەمەسە) ۋچاسكەلەرىنىڭ تىزبەسىن بەكىتۋ تۋرالى «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» 2004 جىلعى 9 شىلدەدەگى قازاقستان رەسپۋبليكاسى زاڭىنىڭ 9-بابى 1-تارماعىنىڭ 44) تارماقشاسىنا سايكەس بۇيىرامىن: 1. قوسا بەرىلىپ وتىرعان حالىقارالىق جانە رەسپۋبليكالىق ماڭىزى بار بالىق شارۋاشىلىعى سۋ ايدىندارىنىڭ جانە (نەمەسە) ۋچاسكەلەرىنىڭ تىزبەسى بەكiتiلسiن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋعا جىبەرىلۋىن; 3) وسى بۇيرىقتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا.مامىتبەكوۆ قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 20 اقپانداعى № 18-04/120 بۇيرىعىمەن بەكىتىلگەن حالىقارالىق جانە رەسپۋبليكالىق ماڭىزى بار بالىق شارۋاشىلىعى سۋ ايدىندارىنىڭ تىزبەسى 1. ارال تەڭىزى (حالىقارالىق ماڭىزى بار) 2. كاسپي تەڭىزى (حالىقارالىق ماڭىزى بار) 3. جايىق وزەنى (حالىقارالىق ماڭىزى بار) 4. قيعاش وزەنى (حالىقارالىق ماڭىزى بار) 5. ەرتىس وزەنى (حالىقارالىق ماڭىزى بار) 6. جايسان كولى (حالىقارالىق ماڭىزى بار) 7. ەرتىس وزەنىندەگى بۇقتىرما سۋ قويماسى (حالىقارالىق ماڭىزى بار) 8. ەرتىس وزەنىندەگى وسكەمەن سۋ قويماسى (حالىقارالىق ماڭىزى بار) 9. ەرتىس وزەنىندەگى شۋلبينسكوە سۋ قويماسى (حالىقارالىق ماڭىزى بار) 10. ەسىل وزەنى (حالىقارالىق ماڭىزى بار) 11. توبىل وزەنى (حالىقارالىق ماڭىزى بار) 12. سىرداريا وزەنى (حالىقارالىق ماڭىزى بار) 13. سىرداريا وزەنىندەگى شاردارا سۋ قويماسى (حالىقارالىق ماڭىزى بار) 14. ىلە وزەنى (حالىقارالىق ماڭىزى بار) 15. ىلە وزەنىندەگى قاپشاعاي سۋ قويماسى (حالىقارالىق ماڭىزى بار) 16. نۇرا وزەنى (رەسپۋبليكالىق ماڭىزى بار) 17. سىلەتى وزەنى (رەسپۋبليكالىق ماڭىزى بار) 18. الاكول كولدەر جۇيەسى (رەسپۋبليكالىق ماڭىزى بار) 19. بالقاش كولى (رەسپۋبليكالىق ماڭىزى بار) 20. قانىش ساتپاەۆ اتىنداعى كانال (رەسپۋبليكالىق ماڭىزى بار) بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 ناۋرىزداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10537 بولىپ ەنگىزىلدى.