قازاقستان رەسپۋبليكاسى ۇكىمەتىنىڭ قاۋلىسى  №210

2016 جىلعى 14 ءساۋىر,  استانا, ۇكىمەت ءۇيى الەۋمەتتىك مەديتسينالىق ساقتاندىرۋ قورىنىڭ اكتيۆتەرىن ينۆەستيتسيالاۋ ءۇشىن قارجىلىق قۇرالداردىڭ تىزبەسىن ايقىنداۋ تۋرالى «مىندەتتى الەۋمەتتىك مەديتسينالىق ساقتاندىرۋ تۋرالى» 2015 جىلعى 16 قاراشاداعى قازاقستان رەسپۋبليكاسى زاڭىنىڭ 10-بابىنىڭ 3) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان الەۋمەتتىك مەديتسينالىق ساقتاندىرۋ قورىنىڭ اكتيۆتەرىن ينۆەستي­تسيالاۋ ءۇشىن قارجىلىق قۇرالداردىڭ تىزبەسى ايقىندالسىن. 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ قازاقستان رەسپۋبليكاسى ۇكىمەتىنىڭ 2016 جىلعى 14 ساۋىردەگى №210 قاۋلىسىنا قوسىمشا الەۋمەتتىك مەديتسينالىق ساقتاندىرۋ قورىنىڭ اكتيۆتەرىن ينۆەستيتسيالاۋ ءۇشىن قارجىلىق قۇرالداردىڭ تىزبەسى ر/س № قارجىلىق قۇرالدىڭ ءتۇرى 1 2 1. قازاقستان رەسپۋبليكاسىنىڭ جەرگىلىكتى اتقارۋشى ورگاندارى شىعارعان باعالى قاعازداردى قوسپاعاندا, قازاقستان رەسپۋبليكاسىنىڭ مەملەكەتتىك باعالى قاعازدارى (باسقا مەملەكەتتەردىڭ زاڭناماسىنا سايكەس اينالىسقا شىعارىلعانداردى قوسا العاندا), قازاقستان رەسپۋبليكاسىنىڭ ۇلتتىق بانكىندەگى كوررەسپوندەنتتىك شوتتارداعى اقشا 2. قازاقستان رەسپۋبليكاسىنىڭ ۇلتتىق بانكىندەگى دەپوزيتتەر 3. قارجىلىق قۇرالدىڭ نەمەسە ەميتەنتتىڭ كرەديتتىك رەيتينگى Standard & Poor’s بويىنشا «ا-»-دان تومەن ەمەس نەمەسە Fitch, Moody’s Investors Service رەيتينگىنە تەڭ حالىقارالىق قارجى ۇيىمدارىنىڭ وبليگاتسيالارى 4. اگەنتتىك وبليگاتسيالار, ونىڭ ىشىندە ۇلتتىق باسقارۋشى حولدينگتەر شىعارعان, قارجىلىق قۇرالدىڭ نەمەسە ەميتەنتتىڭ كرەديتتىك رەيتينگى Standard & Poor’s بويىنشا قازاقستان رەسپۋبليكاسىنىڭ تاۋەلسىز رەيتينگىنەن تومەن ەمەس نەمەسە Fitch, Moody’s Investors Service رەيتينگىنە تەڭ 5. قارجىلىق قۇرالدىڭ نەمەسە ەميتەنتتىڭ رەيتينگى Standard & Poor’s بويىنشا «ۆۆ-»-دان تومەن ەمەس نەمەسە Fitch, Moody’s Investors Service رەيتينگىنە تەڭ اگەنتتىك وبليگاتسيالار, كورپوراتيۆتىك وبليگاتسيالار 6. كەرى رەپو مامىلەلەرى