رەسەيدە ەر كىسى ايەلىن قىزعانىشتان ۇرىپ ءولتىردى

استانا. 23 ءساۋىر. رەسەيدىڭ نيجني نوۆگورود قالاسىندا ءبىر ەر كىسى ەكى كۇن ۇيدە بولماعان ايەلىن قىزعانىشتان ۇرىپ ءولتىردى. بۇل تۋرالى ras.kz-كە سىلتەمە جاساعان egemen.kz ءتىلشىسى حابارلادى. نيجني نوۆگورود سوتى قىزعانىشتان ايەلىن ۇرىپ ولتىرگەن وبلىستىڭ سەمەنوۆ قالاسىنىڭ تۇرعىنى ۆياچەسلاۆ گورباچەۆتى 8 جىل, 6 اي تۇرمەدە وتىرۋ جازاسىنا كەستى. وقيعا 2015 جىلدىڭ 26 اقپانىندا بولعان. ۇيگە ەكى كۇن قونباعان ايەلى كەشكە كەلگەندە, كۇيەۋى ونى ىزالانا قارسى العان. ۆياچەسلاۆ كەيىنىرەك جۇبايىنا سول كۇندەرى قايتا-قايتا قوڭىراۋ شالىپ, الا الماعانىن ايتقان. سەبەبى, بايلانىس قۇرالى ءوشىرىلىپ تۇرعان. ۇيدە سوسىن كۇيەۋىنىڭ تەرگەۋى سوڭى جانجالعا ۇلاسادى. قاتتى ماس بولىپ تۇرعان ۆياچەسلاۆ وپاسىز ايەلىنە تارپا باس سالادى. ول كەلىنشەگىن بىرنەشە ساعات ۇرىپ-سوعىپ, ونى ەدەندە ەسىنەن تانعان كۇيى قالدىرىپ, ۇيقىعا كەتەدى. ەرتەڭىنە ويانعاندا, ايەلىنىڭ جانسىز جاتقانىن كورەدى. وسىدان كەيىن ءوزى پوليتسياعا كەلىپ, بولعان جايدى تۇگەل باياندايدى. تالعات رايىمبەك. دەرەك: ras.kz. فوتو: stan.kz.