پرەزيدەنت «حيمفارم» كومپانياسىنىڭ جاڭا تسەحىندا بولدى

استانا. 22 ءساۋىر. قازاقستان پرەزيدەنتى نۇرسۇلتان نازارباەۆ شىمكەنت قالاسىنداعى «حيمفارم» اكتسيونەرلىك قوعامىنىڭ جاڭا تسەحىندا بولدى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى. قازاقستان پرەزيدەنتى كاسىپورىننىڭ جاڭا تسەحىنىڭ جۇمىسىمەن جانە وندىرەتىن ونىمدەرىمەن تانىستى. سونداي-اق, مەملەكەت باسشىسى ەڭبەك ۇجىمى وكىلدەرىمەن اڭگىمەلەسىپ, تسەحتىڭ اشىلۋىمەن قۇتتىقتادى جانە ونىڭ تابىستى دامۋىنا, باسەكەگە قابىلەتتىلىگىنىڭ جوعارى بولۋىنا تىلەكتەستىگىن ءبىلدىردى. نۇرسۇلتان نازارباەۆ بۇگىندە دارىلىك پرەپاراتتار نارىعى پەرسپەكتيۆالى باعىتتاردىڭ ءبىرى بولىپ وتىرعانىن, سوندىقتان وتاندىق فارماتسەۆتيكا سالاسىنىڭ كوشباسشىسى رەتىندە كاسىپورىن مەن قالا ءۇشىن زور مۇمكىندىكتەرگە جول اشىلاتىنىن ايتتى. تسەح ەڭبەككەرلەرى قازاقستان پرەزيدەنتىنە وسى سالاعا كوڭىل ءبولىپ وتىرعانى ءۇشىن العىس ايتتى. ايتا كەتەيىك, «حيمفارم» اكتسيونەرلىك قوعامىنىڭ جوباسى جالپى قۇنى 14 ميلليارد تەڭگە بولاتىن 4 كەزەڭنەن تۇرادى. بۇگىندە قۇنى 5,8 ميلليارد تەڭگە بولاتىن ءبىرىنشى كەزەڭى جۇزەگە اسىرىلعان. جوبا 350 ميلليون امپۋلا ينەكتسيالىق ەرىتىندى, 4 ميلليون پاكەت ينفۋزيوندى ەرىتىندى, 40 ميلليون فلاكون انتيبيوتيك جانە 1 ميلليارد تابلەتكا شىعارۋعا مۇمكىندىك بەرەدى. كاسىپورىن ەلدىڭ جالپى ءدارى-دارمەك نارىعىنىڭ 5 پايىزدان استامىن قامتيدى جانە دارىلىك زاتتاردىڭ ىشكى ءوندىرىسىنىڭ 50 پايىزدان استامىن قامتاماسىز ەتەدى. تالعات رايىمبەك. دەرەك: akorda.kz. فوتو: inform.kz.