زيكا بەزگەگى 66 ەلگە تارادى

استانا. 22 ءساۋىر. دۇنيەجۇزىلىك دەنساۋلىق ساقتاۋ ۇيىمى 2007 جىلدىڭ 1 قاڭتارىنان 2016 جىلدىڭ 20 ساۋىرىنە دەيىن زيكا بەزگەگىنىڭ 66 مەملەكەتكە تاراعانىن مالىمدەدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. سەگىز مەملەكەتتە بۇل ۆيرۋستىڭ اۋرۋ تاراتقىش ماسالاردان بولەك ادامدار اراسىندا جۇقپالى تۇردە تاراعانى بەلگىلى بولدى. ارگەنتينا, سيلي, فرانتسيا, يتاليا, جاڭا زەلانديا, اقش ەلدەرىنىڭ قاتارىنا ەندى پەرۋ جانە پورتۋگاليا قوسىلدى. قاۋىپتى بەزگەك ادامنىڭ جۇيكە جۇيەسىنە كەرى اسەرىن تيگىزەدى, ال جۇكتى ايەلدەردە ىشتەگى سابيگە بەرىلىپ, تۇسىك تاستاۋعا دەيىن اپارۋى مۇمكىن. ايتا كەتەيىك, زيكا – مايمىلدار اراسىنداعى قاۋىپتى اۋرۋ. ادامعا ماسالار ارقىلى جۇعادى. ول اسىرەسە, اياعى اۋىر ايەلدەر ءۇشىن قاتەرلى بولىپ ەسەپتەلەدى. ءسابي دۇنيەگە كەلگەننىڭ وزىندە ميكروتسەفالياعا شالدىعۋى مۇمكىن, ياعني مي قۇرىلىسى ءوز مولشەرىندە دامىماي, كورۋ, ەستۋ مۇشەلەرىندە اۋىتقۋشىلىقتار پايدا بولادى. ايان ءابدۋالي. دەرەك: ريا «نوۆوستي». فوتو: nsu.ru.