جامبىل فەرمەرلەرى

50 گەكتار جەردى قامتيتىن الما باعى القابىنا كوشەت وتىرعىزىپ جاتىر جامبىلدىق فەرمەرلەر «ءبىر­لىك بولماي تىرلىك بولمايتىنىن» جاقسى تۇسىنگەن سياقتى. وبلىس­تىڭ جامبىل اۋدانىندا 30 شا­رۋاشىلىق بىرىگىپ, ۇلكەن ءبىر تىرلىكتى قولعا الدى. اتاپ ايتار بولساق, «التىن الما» كووپە­را­تيۆى 50 گەكتار جەرگە الما باعى­نىڭ كوشەتىن وتىرعىزىپ جاتىر. – بۇل جەردە المانىڭ 7 ءتۇرى وسىرىلەتىن بولادى, – دەيدى كووپەراتيۆ توراعاسى راشيد شوڭ­باەۆ. – بارلىق كوشەتتەردى پولشادان اكەلدىك. اگرونوم­داردىڭ ايتۋىنا قاراعاندا, الما كوشەتتەرى ءبىزدىڭ توپىراقتا ءوسىپ-ونۋگە قابىلەتتى. ارينە, كۇتىپ-باپتاۋ ماسەلەسىنە كوپ ءمان بەرۋ قاجەت. سوندىقتان بىزدە ارنايى تەحنولوگيالىق كارتا جاسالعان. جۇمىس سول بويىنشا جۇرەدى. 2017 جىلى العاشقى ءونىمدى جينايمىز دەگەن جوسپارىمىز بار. جوبانىڭ جالپى قۇنى 470 ميلليون تەڭگەنى قۇرايدى. اۋىل شارۋاشىلىعىن قولداۋ قورى بويىنشا سۋبسيديا العان. قازىر وبلىستا 400 گەكتاردان استام وسىنداي قارقىندى باۋ بار. – 2-3 گەكتار جەرى بار شا­رۋا­لارعا نەسيە مەن تەحنيكا بەرىلمەيدى. سوندىقتان شارۋالار كووپەراتسيا تۋرالى زاڭنىڭ ءتيىمدى ەكەنىنە كوزدەرى جەتتى. بىرىگۋدىڭ ارقاسىندا ولاردىڭ ۇلكەن اۋماقتى يگەرىپ, قوماقتى نەسيە الۋعا مۇمكىندىكتەرى بار. بيىلدىڭ وزىندە وسى قارقىندى باۋ ەگۋگە 1,5 ميلليارد تەڭگە ين­ۆەستيتسيا تارتىلماق, – دەيدى جامبىل اۋدانىنىڭ اكىمى مادەن مۇساەۆ. ورالحان ءداۋىت, «ەگەمەن قازاقستان». جامبىل وبلىسى.