«اينالايىن!» بالاباقشاسى اشىلدى

ۇلىستىڭ ۇلى كۇنى قارساڭىندا قالاعا قاراستى «زارەچنىي» ەلدى مەكەنىندە ورنالاسقان «اي­نا­­­­لا­يىن!» جەكەمەنشىك بالا­باق­­شاسى پايدالانۋعا بەرىلدى. بۇل بالاباقشانىڭ قۇرىلىسىن  قارجىلاندىرعان كاسىپكەر نۇر­جان قۋاتوۆ سالعان. 50 ورىندىق مەكتەپكە دەيىنگى بالالار مەكەمەسىنىڭ سالتاناتتى اشىلۋىنا وبلىس اكىمى بەردىبەك ساپارباەۆ قاتىستى. ءوڭىر باسشىسى اتا-انالاردى قۋانىش­تى ساتتەرىمەن قۇتتىقتاپ, ونىڭ ناۋ­رىز مەرەكەسى قارساڭىندا اشى­لۋىن جاقسىلىق جورالعىسى رەتىندە باعالايتىنىن جەتكىزدى. ول, سونداي-اق, كاسىپكەرلەردىڭ قارجىلارىن حالىققا قاجەتتى شارۋاعا جۇمساپ, يگىلىكتى ءىس تىن­دىرۋى ءجون ەكەنىن العا تارتتى. حالىقتىڭ العىسىنا بولەنىپ, باتا­سىن الۋدان ارتىق باقىت جوق­تىعىن اتاپ ءوتتى. مۇندا بۇلدىرشىندەردى ءتار­بيەلەۋگە بارلىق جاعداي جا­سالعان. بالاباقشا اۋماعى ابات­تاندىرىلعان, قازىردىڭ وزىندە سەك­سەن ءتۇپ كوشەت وتىرعىزىلعان. ونىڭ ءوزىنىڭ دەربەس قازاندىعى مەن كىر جۋاتىن ورنى, بالالاردىڭ ويىن الاڭى بار. عيماراتتىڭ اۋماعى مەن توپ بولمەلەرىندە ونلاينعا قوسىلعان بەينەباقىلاۋ ورناتىلعان. باعدارلامادا مەملەكەتتىك ءتىل مەن اعىلشىن ءتىلىن تەرەڭدەتە وقىتۋ, حورەوگرافيامەن اينالىسۋ قاراستىرىلعان. باستى نازار «دەنى ساۋ ۇرپاق – دەنى ساۋ ۇلت» باعدارلاماسىنا اۋدارىلعان جانە اتا-انالاردىڭ قاتىسۋىمەن سپورتتىق شارالار وتكىزىلەتىن بولادى. بالاباقشادا 12 ادام جۇمىس ىستەيدى. سول كۇنى «وڭتۇستىك-باتىس» تۇر­عىن ءۇي كەشەنىندە ورنالاسقان 75 ورىندىق «Kinder JOY» جەكە­مەنشىك بالاباقشاسى دا سالتاناتتى جاعدايدا اشىلدى. مەكتەپكە دەيىنگى بالالار مەكەمەسى وسى زامانعا ساي تەح­نولوگيالىق جانە ويىن قۇرال­دارىمەن جاب­دىق­تالعان. بالالارمەن جۇرگىزىلەتىن تاربيەلىك وقۋ جۇمىستارى «زە­رەك» جانە «ءبىز مەكتەپكە بارامىز» باعدارلامالارى بويىن­شا ۇيىمداستىرىلادى. بالاباقشا باسشىلىعى الداعى ۋاقىتتا م.مون­­تەسسوري تەحنولو­گياسى نەگىزىندە بالانىڭ ينتەل­لەك­تۋال­دى-شىعارماشىلىق قابى­لەتىن دامىتۋعا ارنالعان جانە يننو­ۆاتسيالىق تەحنولوگيالاردى ەنگىزۋدى جوسپارلاپ وتىر. جالپى, وبلىس ورتالىعىندا حالقىمىزدىڭ ۇلىق مەرەكەسى ناۋ­رىزدىڭ قارساڭىندا 670 ورىنعا ارنالعان 10 بالاباقشا اشىلدى. وسى اتالعان مەكتەپكە دەيىنگى مە­كەمەلەردە بارلىعى 150 ادام ەڭبەكككە ورنالاستى. مەرەكە كۇندەرى وسىنشاما بالا مەن ولاردىڭ اتا-انالا­رى قۋانىشقا بولەندى. بۇعان دەيىن مەملەكەت-جەكەمەنشىك ارىپتەستىگى اياسىندا جۇمىس ىستەي­تىن بالاباقشالار سانى 33 بولسا, ەندى ولاردىڭ قاتارى 43-كە جەتتى. بۇل باعىت الداعى ۋاقىتتا دا جالعاسىن تاباتىن بولادى.  ساتىبالدى ءساۋىرباي, «ەگەمەن قازاقستان». اقتوبە وبلىسى.