العاشقى قىزعالداق

وڭتۇستىك وڭىرىندە قاۋىز اشتى وڭتۇستىك قازاقستاندا قىزىل كىتاپقا ەنگەن قىردىڭ قىزىل قىزعالداعى گۇلدەدى. ادەتتە, بۇل گۇلدەر ءساۋىر ايىندا قاۋىز جارىپ, كوزدىڭ جاۋىن الاتىنداي بولىپ جايقالاتىن. بيىل وڭتۇستىك وڭىردە كوك­تەم ەرتە شىقتى. وسىمدىكتەر دە ەرتە ويانىپ, مەرزىمىنەن بۇرىن گۇلدەي باستادى. وسىنىڭ ءبىر دالەلى قىردىڭ القىزىل قىز­عالداعى قاۋىز جارىپ, دالانى گۇلگە بولەدى. ستاتيستيكالىق مالىمەت­تەرگە سۇيەنسەك, الەمدە قىز­عال­داقتىڭ 83 ءتۇرى ەرەكشە قورعالاتىن وسىمدىكتەر ءتىزى­مىنە الىنعان ەكەن. ونىڭ 63-ءى تەك ورتا ازيا ەلدەرىندە عانا وسەدى. ال وڭتۇستىكتە سول قىزىل كىتاپقا ەنگەن قىز­عال­داقتىڭ 6 ءتۇرى كەزدەسەدى. ولار: البەرت, بورششوۆ, گرەي, كاۋف­مان, كورولكوف جانە لە­مانن دەپ اتالادى. بۇل گۇلدەر جىلىنا ءبىر-اق رەت بۇرشىك جارادى. ايتا كەتەيىك, اتالعان قىز­­­­عالداقتار قاراتاۋدىڭ ەتە­­­­گىندەگى بايدىبەك اۋدانى مەن الاتاۋدى بوكتەرلەي جات­قان قازىعۇرت, تولەبي جانە تۇلكىباس اۋداندارىنىڭ اۋما­عىندا عانا وسەدى. – قانشا قورعاشتاساق تا, كوزدىڭ جاۋىن الاتىن قىزعال­داققا قىزىعىپ, ج ۇلىپ الۋشىلار قاراسى ازايار ەمەس, – دەيدى تابيعات جاناشىرلارى. سونداي-اق, تابيعاتتى قورعاۋ ماماندارى جەر-انا توسىندەگى دالا بايلىعىن جۇ­لا­­تىندارمەن كۇرەس كۇشەي­تىل­گەنىمەن قىزعالداققا قىزى­عۋشىلار تىيىلماي كەلەدى, دەپ وتىر. – وتكەن جىلى جانە ال­­دىڭ­عى جىلى التى جايت بو­يىن­شا ءىس قوزعالىپ, قۇقىق قور­عاۋ ورىندارىنا وتكىزدىك. ولارعا قىلمىستىق كودەكس­تىڭ 339-بابى بويىنشا قىزعال­داق­تاردى جۇلعانى ءۇشىن 3 مىڭ ايلىق ەسەپتىك كورسەتكىش ەسەبىندە ايىپپۇل سالىنادى. سونىمەن قاتار, 3 جىل باس بوستاندىعىنان ايىرۋ جا­زاسى تاعايىندالۋى ءمۇم­كىن, – دەيدى وبلىستىق ورمان شارۋاشىلىعى جانە جانۋار­لار دۇنيەسى اۋماقتىق ينس­پەكتسياسىنىڭ باس مامانى حاميت جوراباەۆ. تورەبەك تۇرمانوۆ.