الماتى قالاسىندا «تەاتر كوكتەمى – 2016» فەستيۆالى باستالدى

الماتى. 25 ناۋرىز. كەشە الماتىدا م. اۋەزوۆ اتىنداعى قازاق مەملەكەتتىك اكادەميالىق دراما تەاترىندا «تەاتر كوكتەمى – 2016» فەستيۆالى باستالدى.  بۇل تۋرالى م. اۋەزوۆ اتىنداعى قازاق مەملەكەتتىك اكادەميالىق تەاترىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. جىل سايىن ناۋرىز مەرەكەسى جانە حالىقارالىق تەاتر كۇنىنە وراي وتكىزىلەتىن ءداستۇرلى فەستيۆال تەاتردىڭ بۇگىنگى باعىت-باعدارىن انىقتاۋعا, رەپەرتۋار ساياساتىنداعى ىزدەنىستەرگە جول اشۋدا, سونداي-اق دراماتۋرگيا, رەجيسسەر, اكتەر ونەرىنىڭ بۇگىنى مەن ەرتەڭىن زەردەلەۋگە مۇمكىندىك بەرەدى. فەستيۆالدە الدىمەن كىشى زالدا الەمنىڭ كوپتەگەن ەلدەرىندەگى تەاترلاردا سان مارتە ءارتۇرلى ينتەرپرەتاتسيالارمەن ساحنالانعان «مەدەيا» تراگەدياسى قويىلدى. شارانىڭ سالتاناتتى اشىلۋىندا تەاتر ديرەكتورى ەرلان ءبىلال ءسوز سويلەپ, فەستيۆالگە قاتىسۋشىلاردى ونەر مەرەكەسىمەن قۇتتىقتادى. سودان كەيىن كسرو حالىق ءارتيسى ءاسانالى ءاشىموۆتىڭ قويۋىمەن «قازا مەن جازا» سپەكتاكلىنە كەزەك بەرىلدى. بۇدان كەيىن كورەرمەندەر نازارىنا  وتكەن ماۋسىمداعى «اي مەن ايشا» جانە «قازا مەن جازا» درامالارى, بيىلعى پرەمەلار - «قوشتاسقىم كەلمەيدى», «الماس قىلىش» ۇسىنىلادى. تەاتر ءۇشىن 90-ماۋسىم ۇلكەن تابىستارمەن باستالدى. تاراز قالاسىندا اتالىپ وتكەن قازاق حاندىعىنىڭ 550 جىلدىق مەرەكەسىندە مۇحتار اۋەزوۆ تەاترى «قيلى جول» تاريحي دراماسىن ۇسىندى.  تەاتر ۇجىمى قىرعىزستاندا وتكەن ARD ORDO حالىقارالىق فەستيۆالىندە «قاس-قاعىم» تراگەدياسى ءۇشىن, اتىراۋدا راحىمجان وتارباەۆ اتىنداعى حالىقارالىق فەستيۆالدە «بەيبارىس سۇلتان» تاريحي دراماسى ءۇشىن باس جۇلدەلەر الدى. ايناش ەسالي. دەرەك: م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ءباسپاسوز قىزمەتى. سۋرەت: silkadv.com.