بايقاۋشىلارمەن بايىپتى اڭگىمە

قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ ءماجىلىستىڭ سايلاۋىن بايقاۋعا قاتىسقان تمد پارلامەنتارالىق اسسامبلەياسىنىڭ, سونداي-اق, ۇقشۇ جانە رەسەي مەملەكەتتىك دۋماسىنىڭ بايقاۋشىلارىمەن كەزدەستى, دەپ حابارلادى وسى پالاتانىڭ ءباسپاسوز قىزمەتى. ازەربايجان ميللي مەد­جليسى توراعاسىنىڭ ورىنبا­سارى ۆالەح الەسكەروۆ باس­تاعان تمد بايقاۋشىلارى داۋىس بەرۋ قارساڭىندا سايلاۋ كوميسسيالارى مەن بارلىق دەڭگەيدەگى بيلىك ورگاندارى جۇرگىزگەن ەلەۋلى جۇمىستاردى اتاپ ءوتتى. سايلاۋعا ازىرلىك جانە ۇگىت ناۋقانى مەن داۋىس بەرۋ ۇدەرىستەرى ىشكى ساياسي تىنىشتىق جاعدايىندا وتكەنى ەرەكشە اتاپ ءوتىلدى. ۆ.الەسكەروۆ 2016 جىلعى 20 ناۋرىزدا قازاقستان رەس­پۋب­لي­كاسى پارلامەنتى ءماجى­لى­سى- ءنىڭ دەپۋتاتتارىن كەزەكتەن تىس سايلاۋىن رەتتەيتىن زاڭ­نا­ما­نىڭ حالىقارالىق سايلاۋ ستان­دارتتارىنا سايكەستىگى تۋرالى قورىتىندىنى, سونداي-اق, ساراپشىلار توبىنىڭ ءما­جىلىس دەپۋتاتتارىن كەزەك­تەن تىس سايلاۋىنا ازىرلىك جانە ونىڭ ءوتۋى جونىندەگى ۇزاق مەر­زىمدى مونيتورينگ ەسەبىن ق.تو­قاەۆقا تابىس ەتتى. بۇل قۇجات­تاردى دەموكراتيانىڭ, پارلا­مەنتاريزمنىڭ دامۋىن جانە تمد پاا-عا قاتىسۋشى مەملەكەتتەر ازاماتتارىنىڭ سايلاۋ قۇقىقتارىنىڭ ساقتالۋىن مونيتورينگىلەۋ جونىندەگى حا­لىقارالىق ينستيتۋت ازىرلەگەن بولاتىن. كەزدەسۋگە ازەربايجان, ار­مەنيا, بەلارۋس, قىرعىزستان, رەسەي جانە تاجىكستان زاڭ شى­عارۋ ورگاندارىنىڭ دەپۋتاتتارى قاتىستى. ق.توقاەۆ تمد پاا-نىڭ وكىل­دى دەلەگاتسياسىنا سايلاۋدى بايقاۋعا قاتىسقانى ءۇشىن ال­عىس ايتتى. توراعا ءماجىلىس بولماعان كەزدەگى سەناتتىڭ زاڭ شىعارۋ جۇمىستارى تۋرالى اڭگىمەلەدى. «بۇل كەزەڭدە جوعارعى پالاتا قىرىققا جۋىق زاڭ قابىلدادى, سەناتورلار زاڭ جوبالارىنا 1500-دەن استام تۇزەتۋ ەنگىزدى. زاڭداردىڭ بۇل توپتاماسى «100 ناقتى قادام» ۇلت جوسپارىن ىسكە اسىرۋدا اسا ماڭىزدى», – دەدى ق.توقاەۆ. ۇقشۇ پا بايقاۋ­شى­لارىنىڭ قۇرامىنداعى رەسەي مەملەكەتتىك دۋماسى ءتورا­عا­سىنىڭ ورىنباسارى ۆلاديمير ۆاسيلەۆپەن بولعان كەزدەسۋدە دە قازاقستانداعى سايلاۋ ۇدە­رىستەرىنىڭ جوعارى دەڭگەيى اتاپ ءوتىلدى. قازاقستان مەن رەسەي اراسىنداعى, سونداي-اق, ۇقشۇ اياسىنداعى ىنتىماقتاستىقتىڭ اۋقىمدى ماسەلەلەرى تال­قىلاندى. ق.توقاەۆ دونداعى­روستوۆتاعى اۋە ۇشاعىنىڭ اپاتىنا بايلانىستى رەسەيلىك پارلامەنتشىلەرگە كوڭىل ايتتى. سەنات دەپۋتاتتارى يتاليا مەن گەرمانيادان كەلگەن حا­لىق­ارالىق بايقاۋشىلار توبىمەن دە كەزدەستى.