ادىلدىكتىڭ ارتىنان ءسوز ەرمەيدى

مەن بىرنەشە سايلاۋ ۋچاسكەلەرىندە بولىپ, ساي­لاۋدىڭ ءوتۋىن قادا­عا­لادىم. بۇرىن وتكەن ساي­لاۋلارعا دا بايقاۋشى بولىپ قاتىس­قانمىن. سوندىقتان دا, سايلاۋ ۋچاسكەلەرى اشىلعان بويدا بارۋعا تىرىسامىن. سوندا بايقاعانىم داۋىس بەرۋگە الدىمەن قارتتارىمىز قادام باستى. ساعات ءتىلى 9-دان كەتە جاستاردىڭ بەلسەندىلىگى اڭعارىلدى. سايلاۋ ۋچاسكەلەرىنىڭ ماتەريالدىق-تەحنيكالىق جاقسى جابدىقتالعانى اڭ­عارىلدى. سايلاۋعا دايىندىق وتە جوعارى دەڭگەيدە جۇرگىزىلگەندىگىنە كوز جەتكىزدىم. سايلاۋ كەزىندە قاي پارتيانىڭ دا سەنىمدى وكىلدەرىنەن رەنىش بولا قوي­عان جوق. بارلىق بايقاۋشىلارعا دا, سە­نىم­­دى وكىلدەرگە دە سايلاۋدىڭ ءوتۋىن باي­قاۋ­عا, قاداعالاۋعا زاڭ اياسىندا جاعداي تۋعىزىلدى. سايلاۋ ءادىل ءوتتى. ساي­لاۋشىلار ءوز تاڭداۋىن ەركىن جاسادى. ەشكىم ەشكىمگە داۋىس بەرۋ تۋرالى نۇسقاۋ بەرىپ, قىستاعان جوق. ەشبىر ۋچاسكەدە كوميسسيا تاراپىنان دا, سايلاۋشىلار تاراپىنان دا ەسكەرتۋلەر, ارىز-شاعىمدار بولعان ەمەس. سايلاۋ كۇنى وبلىستاعا 526 سايلاۋ ۋچاسكەسىندە ءبىزدىڭ 530 بايقاۋشىمىز بولدى. ولاردىڭ ەشقايسىسى دا سايلاۋ زاڭدىلىعىنىڭ بۇزىلعاندىعى تۋرالى دەرەكتىڭ, ارىز-شاعىمنىڭ بولماعا­نىن حابار­لادى. بارىنەن بۇرىن بۇل جولى اۋا راي­ىنىڭ كۇردەلىلىگىنە قاراماستان, ساي­لاۋ­شىلاردىڭ بەلسەندىلىگى جوعارى بول­عانىن ايتۋ ءلازىم. ءتىپتى, جولدا قالعان جولاۋ­شى­لاردى سايلاۋ ۋچاسكەلەرى جابىل­ماي تۇرىپ اۋىلدارىنا قام-قارەكەتى جاسالعانىن دا ەستىپ جاتىرمىز. مۇ­نىڭ ءوزى جەرگىلىكتى بيلىكتىڭ سايلاۋدى ۇيىم­داس­تىرۋعا قانشا­لىق­تى نازار اۋدار­عانىن كورسەتسە كەرەك. مۇنى وبلىس ساي­لاۋشىلارىنىڭ 72 پا­يىزىنىڭ كۇن­دىزگى 16.00 ساعاتقا دەيىن داۋىس بەرىپ ۇلگەر­گەنىنەن دە اڭعارۋعا بولادى. پارلامەنت ءماجىلىسى جانە بارلىق دەڭگەيدەگى ءماسليحاتتار سايلاۋىنا تەك سايلاۋدى وتكىزۋدى بايقاۋ جونىندەگى رەسپۋب­ليكالىق قوعامدىق كوميسسيانىڭ عانا ەمەس, شەتەلدىك بايقاۋشىلار دا قاتىستى. بايقاۋشىلار ءوز مىندەتتەرىن ءوز قۇزى­رەتى شەگىندە, زاڭ اياسىندا ابىرويلى ات­قاردى دەۋ ورىندى. سايلاۋدىڭ ءادىل ءوت­كەن­دىگى سونداي, سوڭىنان ەشقانداي قاڭقۋ ءسوز بولعان جوق. ەڭ باستىسى دا وسى. جانە ءبىر ايتايىن دەگەنىم, «نۇر وتاننىڭ» – پرەزيدەنت توراعاسى بولىپ تابىلاتىن ساياسي ۇيىمنىڭ 82,20 پايىزدىق كورسەتكىشپەن جەڭىسكە جەتۋى. وسى ورايدا, ماجىلىستەن باسىم ورىن الاتىن پارتيا وزىنە كورسەتىلگەن سەنىمدى تولىقتاي اقتاۋ ءۇشىن جۇمىس ىستەيتىنىنە سەنىمىم كامىل. نۇرلىبەك مۋسين, سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ اقتوبە وبلىسىنداعى وڭىرلىك بايقاۋشىسى. اقتوبە وبلىسى.