باستى ستراتەگيالىق باعىتىمىز

كۇندەلىكتى ومىردەگى ءاربىر ءىس جوسپاردان باستالادى. جوسپارسىز جاسالعان ءىستىڭ ناتيجەلىلىگى دە از. وسىنداي ءبىر اۋقىمدى جوس­پار ەلباسىمىزدىڭ باستاماسىمەن حالىققا قاراي جول تارتقان «100 ناقتى قادام» ۇلت جوسپارى» ستراتەگيالىق قۇجاتى. قۇجاتپەن تانىسقان ءاربىر قا­زاق­ستاندىق ازاماتتىڭ بويىندا بولا­شاعىنا دەگەن ۇلكەن سەنىم ويانادى. سەبەبى, ەلباسىمىزدىڭ كو­رە­­­گەندىگى بۇل قۇجاتتا دا كورىنىس تاپقان. 5 ينستيتۋتتىق رەفورمانى ىسكە اسىرۋ بويىنشا جاسالعان 100 قا­دامنىڭ ءبىزدىڭ باستى سترا­تەگيالىق باعىتىمىزعا اينالۋى – ەلدىڭ مە­رەيىن ۇستەم ەتەتىنى انىق. ءبىز, جاس­­­­تار, ارقاشان ەلباسىنىڭ سارابدال ساياساتىنىڭ قولداۋشىلارىمىز. سەبەبى, وسكەلەڭ ۇرپاقتى مىندەتتى تۇردە ەلدىڭ بولاشاعى الاڭداتادى. قازىرگى تاڭدا الەمدە, قالا بەردى ەلىمىزدە بولىپ جاتقان ءتۇرلى ساياسي وقيعالار قاراپايىم حالىقتى دا ويلاندىرماي قويمايدى. ەلباسىمىز ءوزىنىڭ ءاربىر ءسوي­لەگەن سوزىندە ەلدىڭ بىرلىگى مەن حالىقتىڭ تۇتاستىعى جايىندا وي قوزعايدى. «بىرلىگى مىقتى ەل وزار» دەگەن ءسوز ماڭگىلىك ەلدىڭ باستى قاعيداسىنا اينالۋى ءتيىس. 100 ناقتى قادامنان تۇراتىن ۇلت جوسپارىندا تۇراقتىلىقتى ساق­تاۋ مەن حالىق دوستىعىن دامىتۋ باس­تى ءمىن­دەتتەردىڭ ءبىرى رەتىندە قاراس­­تىرىل­عان. وسىدان 8 جىل بۇرىن ەلبا­سى­مىزدىڭ تىكەلەي باستاماسىمەن قۇرىلعان «جاس وتان» جاس­تار قاناتى بۇگىنگى تاڭدا ەلىمىزدەگى ءار­تۇرلى ۇلت وكىلدەرى جاستارىنىڭ باسىن بىرىكتىرگەن ەڭ ءىرى جاستار ۇيى­مىنا اينالدى. جاسوتاندىق جاستار تاراپىنان بىلتىر اسسامبلەيا جىلىن اتاپ ءوتۋ بارىسىندا ءتۇرلى ءىس-شارالار ۇيىمداستىرىلدى. ءبىزدىڭ باستى قۇندىلىعىمىز – تاۋەلسىزدىك. بيىلعى جىل ەلى­مىز ءۇشىن ەڭ ەرەكشە جىلداردىڭ ءبى­رى. ەلىمىز ەركىندىك الىپ, تۋىمىز تۇ­عى­رىنا قونعانىنا 25 جىل. جۇ­مىلا كوتەرگەن جۇك جەڭىل دە­مەكشى, تاۋەلسىزدىك جولىندا ايانباي ەڭبەك ەتكەن اعا بۋىن وكىلدەرىنىڭ ءىزىن جالعاپ, ەلدىڭ دامۋىنا ۇلەس قوسقىسى كەلەتىن بارلىق جاستى ءبىزدىڭ قاتارىمىزعا شاقىرامىز. تاۋەلسىزدىگىمىز تۇعىرلى, ەلدىگىمىز عۇمىرلى بولسىن!  نۇرعالي جولداسقاليەۆ,  «جاس وتان» جاستار قاناتىنىڭ باتىس قازاقستان وبلىستىق فيليالىنىڭ توراعاسى. ورال.