بۇرا تارتۋعا جول بەرىلمەيدى

قاراعاندى قالاسىنا جۇمىس ساپارىمەن قازاقستان رەسپۋبليكاسىنداعى سايلاۋدى بايقاۋ جونىندەگى رەسپۋبليكالىق قوعامدىق كوميسسيانىڭ وكىلى ەگور كاپپەل كەلدى. ساپار بارىسىندا ول سايلاۋدى بايقاۋ جونىندەگى وبلىستىق كوميسسيانىڭ جۇمىسىمەن تانىستى. – سايلاۋ ناۋقانى كەزىندە قاراعان­دى ءوڭىرى قاشاندا بەلسەندىلىك تانى­تادى. بۇگىنگى كۇندە وبلىستا ساي­لاۋعا دايىندىق قىزۋ جۇرگىزىلىپ جاتىر. بايقاۋشىلار ءتىزىمى قۇرا­لىپ, كوميتەتتىڭ جۇمىسىنا العاش رەت قاتىسىپ وتىرعاندارعا ار­نا­لىپ سەمينار-ترەنينگتەر ۇيىم­داس­تىرىلۋدا, – دەدى ەگور كاپپەل. قازىرگى تاڭدا قاراعاندى وب­لى­سىندا بايقاۋشى بولعىسى كەلە­تىن­دەردىڭ سانى كوبەيگەن. مۇنىڭ ءوزى تۇرعىنداردىڭ ەلدىڭ بولاشاق تاع­دىرىنا الاڭداۋشىلىق ءبىلدى­رەتى­نىن اڭعارتسا كەرەك. ەگور كاپپەل­دىڭ ايتۋىنشا, حالىقارالىق بايقاۋ­شىلار قازاقستاندا سايلاۋدىڭ ءادىل جانە اشىق وتۋىنە بارلىق جاعداي جاسالعانىن اتاپ وتكەن. كەزدەسۋ بارىسىندا حالىقارالىق ادام قۇقىقتارى جانە زاڭدىلىقتى ساقتاۋ جونىندەگى قازاقستان بيۋرو­سى­نىڭ قاراعاندى قالالىق فيليا­لىنىڭ ديرەكتورى يۋري گۋسكوۆ قازاق­ستاننىڭ كوپتەگەن ەلدەرگە قاراعاندا دەموكراتيالىق باعىتتا دامىپ كەلە جاتقان مەملەكەت ەكەنىن تىلگە تيەك ەتتى. «سايلاۋ كەزىندە بىزگە قانداي دا ءبىر دەپۋتاتتىڭ جەڭگەنى ەمەس, ەشقانداي قىسىمسىز داۋىس بەرىپ, دۇرىس شەشىم جاساعان جالپى حالىقتىڭ جەڭىسى ماڭىزدىراق», – دەدى يۋ.گۋسكوۆ. سونىمەن قاتار, ول بيىلعى سايلاۋدا بايقاۋشىلار بيۋللەتەندەردى ساناۋ­مەن عانا شەكتەلىپ قالماي, ساناق حاتتاماسىن الۋعا دا قۇقىلى بولعانىن مالىمدەدى. مۇنىڭ ءوزى داۋىس بەرۋدىڭ ءادىل جانە اشىق تۇردە وتۋىنە زور ىق­پا­لىن تيگىزەتىن جاعىمدى جاڭالىق ەكە­نىن اتاپ ءوتتى قاراعاندىلىق قۇقىق قورعاۋشى. قايرات ءابىلدينوۆ,                «ەگەمەن قازاقستان». قاراعاندى.