استانا. 9 ناۋرىز. «استانا» فۋتبول كلۋبى «استانا» پرەزيدەنتتىك كلۋبىمەن بىرلەسىپ, كوماندانىڭ ويىندارىنا بيلەت ساتۋدىڭ قولايلى جۇيەسىن ازىرلەدى. بۇل تۋرالى egemen.kz ءتىلشىسى حابارلادى.
ەندى جانكۇيەرلەر بيلەتتەردى تاۋلىگىنە 24 ساعات, دۇنيەجۇزىنىڭ كەز كەلگەن جەرىنەن ينتەرنەت, تەلەفوننىڭ موبيلدىك قوسىمشاسى جانە ەلىمىز بويىنشا ورناتىلعان تەرمينالدار ارقىلى الۋعا بولادى.
بۇل «استانا» كلۋبىنىڭ مادەني-بۇقارالىق ءىس-شارالارعا بيلەت ساتۋشى «تيكەتون» جەلىسىمەن بىرىگىپ جاسالىپ وتىر. ماۋسىمنىڭ العاشقى ماتچتارىنان باستاپ, فۋتبول سۇيەر قاۋىم ءۇشىن بيلەتتەر ون-لاين تارتىبىندە «تيكەتون» (ticketon.kz سايتى نەمەسە موبيلدىك قوسىمشالارى) ارقىلى, كلۋبتىڭ سايتىندا (fca.kz), سونىمەن قاتار «تيكەتون» سەرىكتەستەرىنىڭ كومەگىمەن sports.kz جانە vesti.kz, nur.kz, zakon.kz, jam.kz, afisha.kz, yvision.kz جانە باسقا دا سايتتاردا, قازاقستاننىڭ ويىن-ساۋىق ورتالىقتارىندا, Qiwi جانە Kassa24 تەرمينالدارى ارقىلى ساتىلادى.
بىرىنشىدەن, ويىندى جانە «استانا ارەنا» ستاديونىنىڭ كەز كەلگەن سەكتورىندا قالايتىن ورىندى تاڭداۋ كەرەك. تولەمدى جۇزەگە اسىرعاننان كەيىن بيلەتتىڭ ءوزى ۇيالى تەلەفونعا جانە ەلەكتروندىق پوشتاعا جولدانادى. ستاديونعا ءوتۋ ءۇشىن جانكۇيەر تەك قاعاز بەتىندە باسىلعان ەلەكتروندىق بيلەتتى كورسەتەدى.
فۋتبول كلۋبىنىڭ اكىمشىلىگى اتاپ وتكەندەي, فۋتبول ماتچتارىندا بيلەتتەردى ون-لاين تارتىبىندە عانا ەمەس, «استانا ارەنا» ستاديونىنىڭ كاسسالارىندا دا ويىن بولعان كۇنى الۋعا بولادى.
بيلەت اقىسى 200 تەڭگەدەن باستاپ 2000 تەڭگەگە دەيىن, سەكتورعا بايلانىستى. 7 جاسقا دەيىنگى بالالار ءۇشىن كىرۋ تەگىن. سونىمەن قاتار 7-16 جاس ارالىعىنداعى جەتكىنشەكتەر, ستۋدەنتتەر مەن زەينەتكەرلەر ءۇشىن ولاردىڭ زەينەتكەرلىك كۋالىك, تۋ تۋرالى كۋالىك, ستۋدەنتتىك بيلەت بولسا بيلەتتىڭ باعاسى 50 پايىز كولەمىندە جەڭىلدىكپەن ساتىلادى.
بۇعان قوسا, ماۋسىمدىق ابونەمەنتتەر دە ساتۋعا شىعارىلادى. ونىڭ باعاسى 3500 تەڭگەدەن باستاپ 34000 تەڭگەگە دەيىن بولادى. ابونەمەنت العان ادام پرەمەر ليگانىڭ 16 ويىنىن, قازاقستان كۋبوگىنىڭ بارلىق جەرگىلىكتى ويىندارىن, سونداي-اق چەمپيوندار ليگاسىنىڭ كۆاليفيكاتسيالىق راۋندتارىنىڭ ەكى ويىنىن تاماشالاي الادى.
بيلەتتەردى ساتىپ الۋ ماسەلەلەرى بويىنشا «تيكەتون» كومپانياسىنا مىنا 8 7172 4763 50, 8 777733 53 53 تەلەفوندار ارقىلى حابارلاسۋعا بولادى:
داستان كەنجالين.
دەرەك, سۋرەت: «استانا» فۋتبول كلۋبى.
[caption id="attachment_28330" align="aligncenter" width="448"]
دليا ينتەرنەتا[/caption]
