Samsung جانە Philips 3D-تەلەديدار شىعارمايتىن بولدى

استانا. 9 ناۋرىز. بەلگىلى Samsung جانە Philips كومپانيالارى 3D تەحنولوگياسى بار تەلەديدار شىعارۋدان باس تارتتى. بۇل تۋرالى iphones.ru سايتىنا سىلتەمە جاساعان egemen.kz ءتىلشىسى حابارلادى. Forbes باسىلىمىنىڭ حابارلاۋىنشا, Philips باسشىلىعى مۇنداي شەشىمگە كەلگەندەرىن بەلگيادا وتكەن جيىنداردىڭ بىرىندە ايتقان. كومپانيا ديرەكتورى دەنني تەكتىڭ ايتۋىنشا, 3D تەحنولوگيانى قازىرگى كەزدە ەشكىم قاجەت ەتپەيدى. ال Samsung 3D تەحنولوگيادان باس تارتقانى جونىندە رەسمي حابارلاماسىندا مالىمدەگەن. ولار ءوز شەشىمىن تەلەديداردىڭ مۇنداي تۇرىنە سۇرانىستىڭ ازدىعىمەن جانە قاجەتتى كونتەنتتىڭ كوپ ەمەستىگىمەن ءتۇسىندىردى. وسىعان بايلانىستى 3D تەلەديدارلارعا ارنالعان كوزىلدىرىك شىعارۋدى ەكى ەسەگە ازايتتى. كومپانيا باسشىلىعى سۇرانىسقا يە بولعان كۆانتتى نۇكتەلەرى بار ديسپلەيلى SUHD TV تەلەديدارىنا باسا نازار اۋدارۋدى جوسپارلاپ وتىر. ايتا كەتەيىك, وسىعان دەيىن LG كومپانياسى اتالعان تەحنولوگيا تۇرىندەگى تەلەديدارلار سانىن ەكى ەسەگە ازايتقان بولاتىن. ايان ءابدۋالي. دەرەك: iphones.ru. سۋرەت: donbass.ua.