اقمولا. 9 ناۋرىز. اقمولا وبلىسىنىڭ اكىمى سەرگەي كۋلاگين كوكشەتاۋ قالاسىنداعى وسىمدىك مايىن شىعاراتىن زاۋىتتىڭ ىسكە قوسىلۋ سالتاناتىنا قاتىستى. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وسiمدiك مايىن وندiرەتiن Blic Terminal جاۋاپكەرشىلىگى شەكتەۋلى سەرىكتەستىگى كۇنباعىس جانە راپس مايىن ساۋدا اينالىمىنا قوستى. بۇگiندە رافينادتالماعان ماي تۇرiنە دە سۇرانىس ارتىپ كەلەدى.
كاسiپورىن مايدى 1 جانە 5 ليترلiك پوليەتيلەن قۇتىعا قۇيىپ شىعارادى. مۇنداعى 5 ليترلiك مايدىڭ قۇنى 1700 تەڭگە, ال بiر ليترلiك ماي 300 تەڭگەنi قۇرايدى. جالپى, سەرiكتەستiك بىلتىر 15 مىڭ ليتر ماي شىعارعان ەكەن. كاسiپورىن قازىر 52 ادامدى تۇراقتى جۇمىسپەن قامتىپ وتىر.
سونىمەن قاتار, كوكشەتاۋدا «بيزنەستiڭ جول كارتاسى-2020» باعدارلاماسى اياسىندا قۋاتتىلىعى اۋىسىمىنا 500 كەلi قۋىرىلعان شەكىلدەۋىك شىعاراتىن جاڭا كاسiپورىن دا قىزمەت كورسەتiپ كەلەدi. SUPERNUTS جاۋاپكەرشىلىگى شەكتەۋلى سەرىكتەستىگى شيكiزاتتى رەسەيدىڭ التاي ولكەسىنەن ساتىپ الادى. ال, دايىن ءونiم قازاقستاننىڭ ءتۇرلi وڭiرلەرiنە جونەلتiلۋدە.
باقبەرگەن امالبەك.
دەرەك, سۋرەت: وبلىس اكىمىنىڭ ءباسپاسوز قىزمەتىنەن.
