جاقسى مامان قاشاندا قۇرمەتكە يە

كەشە «بىرلىك» ساياسي پارتياسىنىڭ توراعاسى سەرىك سۇل­تان­عالي, پارتيا توراعاسىنىڭ ورىنباسارى باۋىر­جان ءبورى­بەك جانە «بىرلىك» پارتياسى وقو فيليالىنىڭ ءتورا­عاسى سامات قاراباەۆ وڭتۇستىك قازاقستان پولي­تەح­ني­كالىق كوللەدجى ستۋدەنتتەرىمەن كەزدەستى. – مەن ءوزىم 16-17 جاسىمدا اۋىلدان قالاعا كەلگەنمىن, – دەدى سەرىك سۇل­تانعالي ۇلى. – بار ارمانىم ال­ماتى­عا ورنىعىپ, ءۇي-جاي الۋ, ورنىقتى جۇ­مى­س ورنىن تابۋ ەدى. بۇل ماقساتىما جەت­تىم. سەندەر عاجاپ كەزەڭدە ءومىر ءسۇرىپ جا­تىرسىڭدار. بوداندىق قامىتىن كيىپ, وزگەگە جاۋتاڭداعان ەلدە ەمەس, تاۋەل­سىزدىگىنىڭ كۇنى جارقىراعان, ارمان-ماقساتى اسقاق قازاقستاننىڭ ۇرپا­عى­سىڭدار. سەندەردى ۇلكەن مۇمكىندىكتەر كۇتىپ تۇر. وسىلاي دەپ ءسوز ساپتاعان پارتيا سەركەسى «بىرلىكتىڭ» ماقسات-مۇراتىنان وي­لارىن تاراتتى. ونىڭ ايتۋىنشا, الەمدىك داعدارىس باسقا دا مەملەكەت­تەر سياقتى قازاقستانعا دا اسەرىن تيگىزىپ جاتىر. وسىنداي جاعدايدا كۇيزەلۋدىڭ, ۋايىمعا بەرىلۋدىڭ ءجونى جوق. ءاربىر وتباسىنىڭ اللا تاعالا بەرگەن ءوز نەسىبەسى بار. وسىعان دەيىن قازاق وتباسىلارى بالا-شاعاسىن جوعارى وقۋ ورىندارىندا وقىتۋعا ءمان بەرىپ كەلدى. ءوزىنىڭ جانى قالاماعان, اتا-اناسىنىڭ قالاۋىمەن ماماندىق العان جاستار قولىندا ديپلومى بولسا دا جۇمىس تابا الماي, ىلىككەن جۇمىستى ىستەپ ءجۇر. كەلەسى كەزەكتە ول قازاق جاستارىنىڭ جالعان نامىستى قويىپ, كاسىپتىك-تەح­نيكالىق ماماندىقتاردى مەڭگەرۋى كەرەك ەكەنىن اتاپ كورسەتتى. «مەن ۇزاق جىل گاز سالاسىندا باسشىلىق قىزمەتتە بولدىم. سوندا بايقاعانىم, جوعارى دارەجەلى ەڭ جاس توكاردىڭ جاسى الپىس­تا ەدى. ياعني, تالاپتى جاسقا جۇمىس كوپ. ەلباسىمىز 2017 جىلدان باستاپ كاسىپتىك-تەحنيكالىق ماماندىقتارعا تەگىن وقىتۋ ماسەلەسىن ۇكىمەتكە تاپسىردى. وسى مۇمكىندىكتى قۇر جىبەرىپ الماڭىزدار», – دەدى «بىرلىك» پارتياسىنىڭ كوشباسشىسى سەرىك سۇلتانعالي ۇلى. «بىرلىك» ساياسي پارتياسىنىڭ ءبىر ۇستانىمى – جاستارعا بۇگىنگى ومىرگە قات ماماندىقتاردى مەڭگەرتۋگە كومەكتەسۋ بولىپ تابىلادى ەكەن. ماماندىق الۋ – جان باعۋ عانا ەمەس, ءوزىڭنىڭ ورنىڭدى اداسپاي تابۋدىڭ ءبىرىنشى قادامى. جاقسى مامان قاشاندا قۇرمەتكە يە. كەڭ بايتاق قازاقستاندا تابيعي قازبا بايلىقتارى كوپ. بىراق مۇنايدان تۇسەتىن تابىستارعا توقمەيىلسىمەي, جوعارى تەحنولوگيا جەتىستىكتەرىمەن جۇمىس جاساۋعا بەت الۋ كەرەك. «بىرلىك» پارتياسىنىڭ توراعاسى جاس­تارعا «كەيدە ميللياردتاعان قارجىسى بار ادامعا اقشاسى باقىت اكەلە المايتىنىن اتاپ كورسەتتى. «ەڭ ۇلكەن باقىت – وتباسىڭ – التىن بەسىگىڭ, ومىردەن ءوز ورنىڭدى اداسپاي تابۋ. جاسامپاز قا­زاق­ستاننىڭ جالىندى ۇرپاعى – سىزدەرگە تىلەرىمىز سول», – دەپ ويىن تۇيىندەدى سەرىك سۇلتانعالي ۇلى. باقتيار تايجان, «ەگەمەن قازاقستان». وڭتۇستىك قازاقستان وبلىسى.